English | Telugu
నాంపల్లి కోర్టులో శిరీష్ భరద్వాజ్ లొంగుబాటు
Updated : Jul 27, 2011
నాంపల్లి కోర్టులో శిరీష్ భరద్వాజ్ లొంగుబాటు. వివరాల్లోకి వెళితే గత ముప్పై యేళ్ళుగా తెలుగు సినీ పరిశ్రమలో తిరుగులేని హీరోగా వెలిగిన పద్మభూషణ్, మెగాస్టార్, డాక్టర్ చిరంజీవి ద్వితీయ కుమార్తె శ్రీజను ప్రేమవివాహం చేసుకున్నాడు శిరీష్ భరద్వాజ్. వారి వివాహం ఒక సస్పెన్స్ థ్రిల్లర్ సినిమా మాదిరిగా అటు మీడియాలో, ఇటు ప్రజల్లో చాలా సంచలనాన్ని కలిగించింది. ఆ తర్వాత వారికి ఒక పాప పుట్టింది. అప్పటి నుండీ చిరంజీవి కుటుంబానికి ఆ దంపతులిద్దరూ చేరువయ్యారు.
కానీ ఉన్నట్టుంది వాళ్ళిద్దరి మధ్య కలతలేర్పడ్డాయి. ఫలితం...కట్నం కోసం తన భర్త శిరీష్ భరద్వాజ్ తనను ప్రతి రోజూ మానసికంగా, శారీరకంగా వేదిస్తున్నాడని శ్రీజ పోలీస్ స్టేషన్ లో కేసు నమోదు చేసింది. అప్పటి నుండీ అజ్ఞాతంలో ఉన్నశిరీష్ భరద్వాజ్ ఈ రోజు అంటే జూలై 27 వ తేదీ ఉదయం హైదరాబాద్ నాంపల్లి కోర్టులో లొంగిపోవటం జరిగింది. ప్రస్తుతం శ్రీజ తన తల్లిదండ్రుల నీడనే ఉంటోందని సమాచారం. వయసుపొంగులో ప్రేమ అంటూ యువత తొందరపాటుతో తీసుకునే నిర్ణయాల ఫలితాలిలాగే ఉంటాయని వీరి వ్యవహారం మరోసారి నిరూపించింది.