గతంలో ఒక సంక్రాంతికి సూపర్ స్టార్ రజనీకాంత్ హీరోగా నటించిన చిత్రం "శివాజీ"తో వచ్చి మన డబ్బంతా ఒక డబ్బింగ్ సినిమాతో కొల్లగొట్టుకుపోయిన శంకర్ ఈసారి సంక్రాంతికి కూడా తన చిత్రాన్ని రెడీ చేస్తున్నాడు. ఈసారి విజయ్ హీరోగా, ఇలియానా హీరోయిన్ గా, శంకర్ దర్శకత్వంలో, హిందీలో సూపర్ హిట్టయిన "త్రీ ఇడియట్స్" చిత్రాన్ని తమిళ, తెలుగు భాషల్లో నిర్మిస్తున్నారు.

ఈ చిత్రాన్ని రానున్న సంక్రాంతికి తెలుగు, తమిళ భాషల్లో విడుదల చేయాలని శంకర్ సన్నాహాలు చేస్తున్నాడట. సంక్రాంతికి "అధినాయకుడు, నిప్పు, బాడీగార్డ్, పూలరంగడు, బిజినెస్ మ్యాన్, రాజన్న, మిస్టర్ నోకియా" చిత్రాలతో పాటు చిన్న చితక కలిపితే దగ్గర దగ్గర ఓ పది చిత్రాలదాకా ఉంటాయి. మరి ఇన్ని తెలుగు సినిమాలు విడుదలవుతూంటే మరి శంకర్ సినిమాకు థియేటర్లు దొరుకుతాయా అన్నది సందేహమే...!