పవన్ కళ్యాణ్ హీరోగా నటిస్తున్న "పంజా" చిత్రానికి హిందీలో రీమేక్ చేయటానికి పలువురు బాలీవుడ్ ప్రముఖ హీరోలు ఉత్సాహపడుతున్నారు. అయితే ఈ పవన్ "పంజా"చిత్రం విడుదలయ్యాక దాని రిజల్ట్ చూసి, ఆ తర్వాత ఎంత ఫ్యాన్సీ రేటయినా సరే ఇచ్చి హిందీ రీమేక్ రైట్స్ తీసుకోవాలని ఆలోచిస్తున్నారట. పవన్ "పంజా" చిత్రం డిసెంబర్ 9 వ తేదీన ప్రపంచ వ్యాప్తంగా విడుదల కానుంది.

ఈ చిత్రాన్ని హిందీలో రీమేక్ చేయాలనుకునే వారిలో సల్మాన్ ఖాన్, అమీర్ ఖాన్, అజయ్ దేవగణ్, అక్షయ్ కుమార్ లు ఉన్నారట. యువన్ శంకర్ రాజా సంగీతం అందించిన ఈ చిత్రం ఆడియో ఇప్పటికే ప్రేక్షకాదరణ పొందింది. ఈ "పంజా" చిత్రంలో పవన్ కళ్యాణ్ సరసన సారా జేన్ దియాస్ హీరోయిన్ గా నటిస్తూండగా, అడవి శేష్, అంజలీ లావణ్య మరో జంటగా ఈ చిత్రంలో నటిస్తున్నారు.