కలెక్షన్ కింగ్, పద్మశ్రీ, డాక్టర్ మంచు మోహన్ బాబు గారి పెద్ద కుమారుడు ప్రేముఖ యువ హీరో, నిర్మాత అయిన మంచు విష్ణువర్థన్ భార్య వెరోనికా రెడ్డి గర్భవతి అయ్యిందన్న విషయం, ఆమెకు ఆడపిల్లలు ట్విన్స్ పుట్టబోతున్న సంగతి కూడా ప్రేక్షకులకు తెలిసిందే. అమెరికాలో "వీల్ కార్నెల్ 525 ఈస్ట్ 68 వ వీధి, న్యూయార్క్ సిటీ 10065" అడ్రస్ లోకల ప్రెస్బిటేరియన్ హాస్పిటల్లో కానుపు కోసం వెరోనికా రెడ్డి చేరారు.

ఈమెకు పుట్టబోయే పిల్లకు లక్ష్మి, ప్రసన్న అన్న పేర్లను కూడా ఈ కుటుంబం ఖరారు చేసినట్లు సమాచారం. ఈ కానుపు కోసం మోహన్ బాబు కుటుంబం యావత్తూ అక్కడే ఉన్నారు. మనోజ్ కూడా తన షూటింగులన్నీ క్యాన్సిల్ చేసుకుని అమెరికాకు పయనమయ్యారు. వెరోనికాకు సుఖ ప్రసవం జరగాలనీ, తల్లీ, పిల్లలు క్షేమంగా, ఆరోగ్యంగా ఉండాలని కోరుకుంటూ, మోహన్ బాబు గారి కుటుంబానికి తెలుగువన్ శుభాకాంక్షలు తెలియజేస్తోంది.