English | Telugu
యస్ వి యస్ సి విశేషాలు
Updated : Nov 30, 2011
యస్ వి యస్ సి అంటే ఏమిటాని బుర్ర బద్దలు కొట్టుకోకండి. యస్ వి యస్ సి అంటే "సీతమ్మ వాకిట్లో సిరిమల్లె చెట్టు" సినిమాకి షార్ట్ ఫామ్. ఈ సినిమాకి "కొత్త బంగారులోకం" ఫేం యువ దర్శకుడు శ్రీకాంత్ అడ్డాల దర్శకత్వం వహిస్తూండగా, దిల్ రాజు ఈ చిత్రాన్ని శ్రీ వెంకటేశ్వర క్రియేషన్స్ పతాకంపై నిర్మిస్తున్నారు. ఈ మల్టీ స్టారర్ చిత్రంలో విక్టరీ వెంకటేష్ అన్నయ్యగా, ప్రిన్స్ మహేష్ బాబు తమ్ముడుగా నటిస్తున్నారు. వెంకటేష్, మహేష్ బాబులకు తల్లిగా సీనియర్ నటీమణి, ఒకనాటి ప్రముఖ హీరోయిన్ జయప్రద నటిస్తారని సమాచారం.
ఈ చిత్రంలో ప్రకాష్ రాజ్ ఒక ముఖ్యమైన పాత్రలో నటిస్తారు. మహేష్ బాబుకి సమంత జోడీగా నటిస్తూండగా, వెంకటేష్ సరసన త్రిష జోడీగా నటించనుందని వినికిడి. మిక్కీ.జె.మేయర్ ఈ ప్రతిష్టాత్మక చిత్రానికి సంగీతం అందిస్తారు. ఈ చిత్రానికి సినిమాటోగ్రాఫర్ గా గుహన్ పనిచేస్తారు. ఈ చిత్రాన్ని 2012 లో వేసవి శలవుల కానుకగా మే నెల 14 వ తేదీన విడుదల చేయనున్నారు. జనవరి నుండి మహేష్ బాబు, ప్రకాష్ రాజ్ ఈ చిత్రం షూటింగ్ లో పాల్గొంటారని సమాచారం.