English | Telugu
డిసెంబర్ లో ఆడియో ఫంక్షన్ లు
Updated : Nov 30, 2011
తెలుగు వారికి సంక్రాంతి పెద్ద పండగ. అలాగే తెలుగు సినీ పరిశ్రమకు కూడా సంక్రాంతి పెద్ద పండగే. బాలయ్య వంటి హీరోలకు కొంతమందికి సంక్రాంతి హీరోలని పేరు. ప్రముఖ నిర్మాత యమ్.యస్.రాజుని సంక్రాంతి రాజనేవారు. మరి అలా సంక్రాంతికి సినిమా విడుదల అవ్వాలంటే ఆ చిత్రం ఆడియో డిసెంబర్ లోనే విడుదల అవ్వాలి. 2012 జనవరిలో రానున్న సంక్రాంతి పండుగకు ఈ సారి చాలా సినిమాలే విడుదల కానున్నాయి.
యువరత్న నందమూరి బాలకృష్ణ త్రిపాత్రాభినయంలో నటిస్తున్న "అధినాయకుడు", మహేష్ బాబు హీరోగా నటిస్తున్న "బిజినెస్ మ్యాన్", విక్టరీ వెంకటేష్ హీరోగా నటిస్తున్న "బాడీ గార్డ్", రవితేజ హీరోగా నటిస్తున్న "నిప్పు", సునీల్ హీరోగా నటిస్తున్న "పూలరంగడు", ప్రభాస్ హీరోగా నటిస్తున్న "రెబెల్", ఆది హీరోగా నటిస్తున్న "లవ్లీ" చిత్రాలు ప్రస్తుతం సంక్రాంతి బరిలో ఉన్నాయి. ఇవిగాక చిన్న చితక సినిమాలు మూడు నాలుగు ఉండే అవకాశాలున్నాయి. మరి ఇన్ని సినిమాల తాలూకు ఆడియో ఫంక్షన్లు డిసెంబర్ నెలలోనే ఉంటాయి...! అదీ సంగతి.