కంగారు పడకండి. రవితేజ టర్కీకి వెళ్ళి అక్కడ ఎవరికో నిప్పెడుతున్నాడని కాదు అర్థం. బొమ్మరిల్లువారి పతాకంపై, మాస్ రాజా రవితేజ హీరోగా, పొడుగుకాళ్ళ మిరపకాయ్ సుందరి దీక్షా సేథ్ హీరోయిన్ గా, డైనమిక్ డైరెక్టర్ గుణశేఖర్ దర్శకత్వంలో, ప్రముఖ దర్శక, నిర్మాత వై.వి.యస్.చౌదరి బావమరిది యస్.ఆర్.కిషోర్ నిర్మిస్తున్న విభిన్న కథా చిత్రం" నిప్పు". ఈ "నిప్పు" చిత్రం షూటింగ్ కో౦సం రవితేజతో సహా ఈ చిత్రం యూనిట్ టర్కీ దేశానికి వెళుతున్నారు.

డిసెంబర్ 11 వ తేదీ నుండి డిసెంబర్ 20 వ తేదీ వరకూ అక్కడ ఈ చిత్రం తాలూకు షూటింగ్ జరుపుతారు. ఈ "నిప్పు" చిత్రం యొక్క ఆడియోని డిసెంబర్ 13 వ తేదిన విడుదల చేసి, ఈ చిత్రాన్ని 2012 జనవరి 13 వ తేదీన విడుదల చేయటానికి ఈ చిత్ర నిర్మాత సన్నాహాలు చేస్తున్నారు. ఈ "నిప్పు" చిత్రానికి వై.వి.యస్.చౌదరి కుమార్తె యుక్త సహనిర్మాతగా వ్యవహరిస్తున్నారు.