English | Telugu
"బాడీ గార్డ్" ఆడియో డిసెంబర్ 13 న
Updated : Dec 6, 2011
"బాడీ గార్డ్" ఆడియో డిసెంబర్ 13 న జరుగనుందని తెలిసింది. వివరాల్లోకి వెళితే విక్టరీ వెంకటేష్ హీరోగా, త్రిష హీరోయిన్ గా, మలినేని గోపీచంద్ దర్శకత్వంలో, బెల్లంకొండ సురేష్ కుమారుడు బెల్లంకొండ గణేష్ నిర్మిస్తున్న చిత్రం" బాడీ గార్డ్". మళయాళంలో సూపర్ హిట్టయిన ఈ "బాడీ గార్డ్" చిత్రాన్ని తమిళంలో విజయ్ హీరోగా, హిందీలో సల్మాన్ ఖాన్ హీరోగా నిర్మించగా అక్కడ కుడా సూపర్ హిట్టయ్యింది. ఆ చిత్రాన్నే మన నేటివిటీకి అవసరమైన మార్పులు, చేర్పులతో తెలుగులో అదే పేరుతో పునర్నిర్మించారు.
ఈ చిత్రం ఆడియో డిసెంబర్ 13 వ తేదీన హీరో వెంకటేష్ జన్మదినం సందర్భంగా విడుదల చేయనున్నారు. ఈ చిత్రాన్ని జనవరి 12 వ తేదీన విడుదల చేయటానికి ఈ చిత్ర నిర్మాత సన్నాహాలు చేస్తున్నారు. ఈ చిత్రం ఆడియోకి యువ హీరో, యంగ్ రెబెల్ స్టార్ ప్రభాస్, డైనమిక్ డైరెక్టర్ వి.వి.వినాయక్ అతిథులుగా హాజరుకానున్నారని సమాచారం.