యంగ్ టైగర్ యన్ టి ఆర్ హీరోగా, త్రిష, కార్తీక హీరోయిన్లుగా, బోయపాటి శీను దర్శకత్వంలో, క్రియెటీవ్ కమర్షియల్స్ పతాకంపై, యువ నిర్మాత అలెగ్జాండర్ వల్లభ నిర్మిస్తున్న విభిన్న కథా చిత్రం "దమ్ము". ఈ చిత్రాన్ని ప్రముఖ నిర్మాత కె.యస్.రామారావు సమర్పిస్తున్నారు. ఈ చిత్రం యూనిట్ ఇటీవల కేరళలోని పొల్లాచ్చికి వెళ్ళింది. అక్కడి నుండి రాగానే మైసూర్ స్కెడ్యూల్ ప్లాన్ చేశారు. కానీ కొన్ని అనివార్య కారణాలవల్ల మైసూర్ స్కెడ్యూల్ ఆలస్యమయ్యింది.

ఈ చిత్రంలో యన్ టి ఆర్ కి తల్లిగా సీనియర్ హీరోయిన్ భానుప్రియ నటిస్తున్నారు. బోయపాటి శీని "సింహా" చిత్రం తర్వాత దర్శకత్వం వహిస్తున్న చిత్రం "దమ్ము". బోయపాటి శీను బాబాయ్ బాలకృష్ణకి "సింహా" ఎంత పెద్ద హిట్టిచ్చాడో అబ్బాయ్ యన్ టి ఆర్ కి "దమ్ము" రూపంలో అంతకంటే పెద్ద హిట్టివ్వనున్నాడని వారి అభిమానులు భావిస్తున్నారు.