అగ్ర దర్శకుడు ప్రశాంత్ నీల్(prashanth neel)ప్రస్తుతం ఎన్టీఆర్(ntr)సినిమాకి సంబంధించిన పనుల్లో బిజీగా ఉన్నాడు.ఇటీవల పూజా కార్యక్రమాలతో అధికారకంగా ప్రారంభమయిన ఈ మూవీ ప్రస్తుతం ప్రీ ప్రొడక్షన్స్ ని జరుపుకుంటుంది.నెక్స్ట్ మంత్ నుంచి ఎన్టీఆర్ కాకుండా మిగతా నటినటులతో షూటింగ్ ని స్టార్టింగ్ చేయబోతున్నారని,ఆ తర్వాత ఎన్టీఆర్ కూడా షూట్ లో జాయిన్ అవ్వబోతున్నాడనే వార్తలు గత కొన్ని రోజుల నుంచి వినిపిస్తున్నాయి.

ఇక ఇంత బిజీలోను ప్రశాంత్ నీల్ 'బఘీర'(bagheera)అనే సినిమాకి కథని అందించగా ప్రముఖ కన్నడ స్టార్ శ్రీ మురళి(sri murali)హీరోగా చేస్తున్నాడు.ప్రశాంత్ నీల్ ఫస్ట్ మూవీ ఉగ్రంలో శ్రీ మురళినే హీరో.ఈ సందర్భంగా జరుగుతున్న ప్రమోషన్స్ లో శ్రీ మురళి గురించి కొన్ని విషయాలు ఇప్పుడు సోషల్ మీడియాలో చక్కర్లు కొడుతున్నాయి.శ్రీ మురళి భార్య పేరు విద్యా. ఈమె ప్రశాంత్ నీల్ కి స్వయానా సోదరి. తొమ్మిది సంవత్సరాల పాటు ప్రేమలో ఉన్న శ్రీ మురళి, విద్యా ఆ తర్వాత పెద్దలని ఒప్పించి పెళ్లి చేసుకున్నారు.విద్యా స్వస్థలం నెల్లూరు.దీంతో ఆమె కోసం శ్రీ మురళి తెలుగు కూడా నేర్చుకున్నాడు. ఇప్పటికి ఇంట్లో తెలుగు మాట్లాడుకుంటూనే ఉంటారు.

ఇక బఘిర ఈ నెల 31 న వరల్డ్ వైడ్ గా విడుదల కాబోతుండగా రుక్మిణి వసంత్ హీరోయిన్ కాగా ప్రకాష్ రాజ్(prakash raj)అచ్యుత్ రాజ్,రామచంద్ర రాజు ముఖ్య పాత్రలో చేస్తున్నారు.హోంబులే ఫిల్మ్స్ పతాకంపై కేజీఎఫ్, సలార్ ని నిర్మించిన విజయ్ కిరాంగదుర్(vijay kirangadur) ఈ చిత్రాన్ని నిర్మిస్తున్నాడు.