పాన్ ఇండియా స్టార్ ప్రభాస్(prabhas)అప్ కమింగ్ మూవీ రాజాసాబ్(raja saab)హర్రర్ కామెడీ గా తెరకెక్కుతున్నఈ మూవీలో చాలా ఏళ్ళ తర్వాత ప్రభాస్ వింటేజ్ లుక్ లో కనిపించనున్నాడు.అందుకు తగ్గట్టుగానే ఇప్పటికే రిలీజైన ప్రభాస్ లుక్ తో పాటు ఫస్ట్ గ్లింప్స్ అభిమానులతో పాటు ప్రేక్షకులని ఎంతగానో ఆకట్టుకుంటున్నాయి.నిది అగర్వాల్,మాళవిక మోహన్ హీరోయిన్స్ గా చేస్తుండగా భలే భలే మగాడివోయ్,ప్రతిరోజు పండుగే సినిమాల ఫేమ్ మారుతీ(maruthi)దర్శకుడుగా చేస్తున్నాడు.పీపుల్స్ మీడియా ఫ్యాక్టరీ పతాకంపై టి జె విశ్వ ప్రసాద్(tj viswa prasad)అత్యంత భారీ వ్యయంతో నిర్మిస్తుండగా వచ్చే సంవత్సరం ఏప్రిల్ 10 న విడుదల కాబోతుంది.

ఇక రాజా సాబ్ లో ఒక ఐటెం సాంగ్ కి స్కోప్ ఉందనే విషయం అందరకి తెలిసిందే.ఈ మేరకు మేకర్స్ చాలా రోజుల క్రితమే వెల్లడి కూడా చేసారు.దీంతో ఐటెం సాంగ్ లో ఎవరు చేస్తారనే ఆసక్తి అందరిలో ఉంది.ఎందుకంటే ప్రభాస్ సినిమాల్లో ఐటెం సాంగ్స్ చాలా తక్కువ.యోగి, బాహుబలి లాంటి సినిమాల్లో తప్ప పెద్దగా ఐటెం సాంగ్స్ లేవు.దీంతో రాజా సాబ్ టీం ఐటెం సాంగ్ ని ఒక లెవల్లో ప్లాన్ చేస్తుందనే వార్తలు వినిపిస్తున్నాయి.పైగా ఇప్పుడు ప్రభాస్ పాన్ ఇండియా హీరో  కాబట్టి ఆ కోణంలోనే నటిని ఎంపిక చెయ్యాలని చూస్తున్నారు.

అందులో భాగంగానే యానిమల్ ఫేమ్ త్రిప్తి డిమ్రి(tripti dimri)ని తమ ఐటెం సాంగ్ లో ఫిక్స్ చేయబోతున్నారని తెలుస్తుంది. ఈ మేరకు త్రిప్తి ని సంప్రదించారని, ఆమె కూడా గ్రీన్ సిగ్నల్ ఇచ్చారని, దీని పై త్వరలోనే అధికార ప్రకటన కూడా రానుందని అంటున్నారు.ఇదే కనుక జరిగితే రాజాసాబ్ లోని ఐటెం సాంగ్ రేపు థియేటర్స్ లో సంచలనం సృష్టించడం పక్కా. ఇక ఈ రోజు ప్రభాస్ పుట్టిన రోజు కావడంతో అభిమానులతో పాటు పలువురు సినీ ప్రముఖులు ప్రభాస్ కి బర్త్ డే విషెస్ చెప్తున్నారు.