పవర్ స్టార్ పవన్ కళ్యాణ్ హీరోగా, హరీష్ శంకర్ దర్శకత్వంలో, పరమేశ్వర ఆర్ట్స్ పతాకంపై, యువ నిర్మాత గణేష్ నిర్మిస్తున్న విభిన్నకథా చిత్రం" గబ్బర్ సింగ్". బాలీవుడ్ లో కండల వీరుడు సల్మాన్ ఖాన్ హీరోగా నటించిన సూపర్ హిట్ చిత్రం "దబాంగ్" ఆధారంగా ఈ "గబ్బర్ సింగ్" చిత్రాన్ని నిర్మిస్తున్నారు. ఈ చిత్రం షూటింగ్ ఇటీవల ప్రారంభమైంది.

ప్రస్తుతం ఈ "గబ్బర్ సింగ్" చిత్రం షుటింగ్ కేరళ రాష్ట్రంలోని సుందరమైన ప్రదేశం పొల్లాచ్చిలో శరవేగంగా జరుగుతూంది. యువ దర్శకుడు హరీష్ శంకర్ గతంలో మాస్ రాజా రవితేజ హీరోగా "షాక్" అనే చిత్రాన్ని, అలాగే "మిరపకాయ్" అనే సూపర్ హిట్‍ చిత్రాన్నీ తీశారు. "గబ్బర్ సింగ్" చిత్రం హరీష్ శంకర్ కు దర్శకుడిగా మూడవ చిత్రం. ఈ "గబ్బర్ సింగ్" చిత్రాన్ని 2012 లో వేసవి శలవుల కానుకగా విడుదల చేయటానికి నిర్మాత గణేష్ సన్నాహాలు చేస్తున్నారు.