పాతికేళ్ళ యువ నటుడిలా కనపడే సిద్ధార్థ అసిస్టెంట్ డైరెక్టర్ గా తన సినీ జీవితాన్ని ప్రారంభించి, ఎట్టకేలకు హీరోగా స్థిరపడ్డాడు. తెలుగు, తమిళ్, హిందీ భాషల్లో తను నటిస్తున్నాడు. అలాంటి సిద్ధార్థ్ 2003 లో తన స్నేహితురాలు మేగ్నాని ప్రేమించి పెళ్ళిచేసుకున్నాడు. వారి ప్రేమ మూడేళ్ళ ముచ్చటగా సాగి 2006 లో విడాకులకు దారి తీసింది. అప్పటి నుండీ సరైన జీవితభాగస్వామి కోసం సిద్ధార్థ చేయని ప్రయత్నం లేదు.

ప్రముఖ బాలీవుడ్  హీరో సైఫ్ అలీ ఖాన్ సోదరి సోహా అలీ ఖాన్ తో కొన్నాళ్ళు ప్రేమాయణం సాగించాడు సిద్ధార్థ. కానీ ఆ ప్రేమ పెళ్ళి వరకూ వచ్చే సూచనలు కనపడలేదు. ఆ తర్వాత కమల్ హాసన్ కూతురు శృతి హాసన్ తో ప్రేమాయణం సాగిస్తున్నాడన్న పుకార్లు బలంగా వినిపించాయి. కానీ అది కూడా కచ్చితంగా చెప్పలేని పరిస్థితి. ఈ మధ్య ఒక నెల రోజుల్లో తన వివాహం గురించి మీడియాకు సిద్ధార్థ తెలియజేయనున్నాడని మరో మాట వినిపిస్తోంది...! ఒక నెల ఆగితే సిద్ధార్థ రెండవ పెళ్ళి గురించిన సమాచారమ తెలిసే అవకాశం ఉంది.