పొల్లాచ్చిలో పవన్ కళ్యాణ్ "కాళీ" సినిమా షూటింగ్ జరుగుతుందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే సంఘమిత్ర, అర్క మీడియా పతాకాలపై, పవర్ స్టార్ పవన్ కళ్యాణ్ హీరోగా, సారాజేన్ హీరోయిన్ గా, ప్రముఖ తమిళ దర్శకుడు విష్ణువర్థన్ దర్శకత్వంలో, నీలిమ తిరుమలశెట్టి, శోభు యార్లగడ్డ సంయుక్తంగా నిర్మిస్తున్న విభిన్నకథా చిత్రం "కాళీ" (అయితే ఈ "కాళీ" పేరు ఇంకా అధికారికంగా ధృవీకరించాల్సి ఉంది. కానీ ఇంతకు ముందు "దిషాడో" అన్న పేరు కూడా వినపడింది). ప్రస్తుతం పవన్ కళ్యాణ్ "కాళీ" సినిమా షూటింగ్ కేరళ రాష్ట్రం లోని అత్యంత సుందరమైన ప్రదేశం పొల్లాచ్చిలో జరుగుతూందని తెలిసింది.

గతంలో పవన్ కళ్యాణ్ "కాళీ" సినిమా షూటింగ్ కలకత్తాలో జరిగింది. అప్పుడు ప్రముఖ యువ దర్శకుడు రాజమౌళి కూడా ఈ పవన్ కళ్యాణ్ "కాళీ" సినిమా షూటింగ్ చూసేందుకు వెళ్ళారు. యువన్ శంకర్ రాజా కంపోజింగ్ చేసిన పాటలను అక్కడ పొల్లాచ్చిలో చిత్రీకరిస్తున్నారని సమాచారం. ఈ చిత్రంలో ఇంకా అడవి శేష్, అంజలి లావణ్య మరో జంటగా నటిస్తున్నారు. ప్రముఖ సినీ మాటల రచయిత అబ్బూరి రవి పవన్ కళ్యాణ్ "కాళీ" సినిమాకి మాటలు వ్రాస్తున్నారు.