English | Telugu
ఏదో అనుకుంటే ఇంకేదో జరిగింది.. పీవీపీపై నెటిజన్లు ఫైర్!
Updated : Dec 5, 2023
తెలంగాణ అసెంబ్లీ ఎన్నికలు ముగిసాయి. అధికార పార్టీ బీఆర్ఎస్ ఓడిపోయింది. కాంగ్రెస్ పార్టీ మ్యాజిక్ ఫిగర్ ని దాటేసి అధికారాన్ని కైవసం చేసుకుంది. ఈ క్రమంలో పలువురు సినీ, రాజకీయ ప్రముఖులు కాంగ్రెస్ కి శుభాకాంక్షలు తెలుపుతున్నారు. అయితే సినీ నిర్మాత, వైసీపీ నాయకుడు ప్రసాద్ వి పొట్లూరి మాత్రం అత్యుత్సాహానికి పోయి, తెలంగాణ ఎన్నికల ఫలితాలపై వెటకారం చేయబోయి తానే విమర్శల పాలయ్యాడు.
"వాపుకి బలుపుకి తేడా తెలుసుకోకపోతే, బాహుబలిని బ్రహ్మానందాన్ని.. జననేతను జోకర్ని చేస్తారు ఓటరు మహాశయులు..సర్వజనా సుఖినోభవంతు" అంటూ ప్రాసలతో కూడిన ఓ వెటకారపు ట్వీట్ చేశాడు పీవీపీ. అయితే ఈ ట్వీట్ బ్రహ్మానందాన్ని కించపరిచేలా ఉండటంతో నెటిజన్లు మండిపడుతున్నారు. "బ్రహ్మానందం ఓ మహానటుడు, బహుముఖ ప్రజ్ఙాశాలి... మీప్రాసకోసం ఒక మహానుభావుడుని కించపరుస్తారా?", "బ్రహ్మానందం గారి పేరు పలికే అర్హత ఉందని అనుకుంటున్నావా?" అంటూ నెటిజన్లు ఫైర్ అవుతున్నారు.