English | Telugu
ఆది "లవ్ లీ"4 పాటలు తప్ప పూర్తి
Updated : Dec 23, 2011
ఆది "లవ్ లీ"4 పాటలు తప్ప పూర్తి అయ్యిందని తెలిసింది. వివరాల్లోకి వెళితే ఆర్ ఆర్ మూవీ మేకర్స్ పతాకంపై, లవ్ లీ రాకింగ్ స్టార్ ఆది హీరోగా, శాన్వి ని హీరోయిన్ గా పరిచయం చేస్తూ, డైనమిక్ లేడీ డైరెక్టర్ బి.జయ దర్శకత్వంలో, ప్రముఖ పాత్రికేయులు, సూపర్ హిట్ పత్రిక అధిపతి, నిర్మాత అయిన బి.ఎ.రాజు నిర్మిస్తున్న విభిన్న ప్రేమ కథా చిత్రం"లవ్ లీ".
ఈ చిత్ర దర్శకురాలు బి.జయ మాట్లాడుతూ "మా ఈ "లవ్ లీ" చిత్రం నాలుగు పాటలు తప్ప అనుకున్న షెడ్యూల్ ప్రకారం పూర్తి చేశాం. మా హీరో ఆది డ్యాన్సులు, ఫైట్స్, పెర్ ఫార్మెన్స్ ఎక్స్ ట్రార్డినరీగా చేస్తున్నాడు. కొత్తమ్మాయి అయినా శాన్వి చాలా బాగా నటిస్తూంది. అనూప్ చక్కని సంగీతాన్ని అందిస్తున్నారు. అన్ని వర్గాలను ఆకట్టుకునే లవ్ లీగా ఉండేలా మా "లవ్ లీ" చిత్రం ముస్తాబవుతోంది" అని అన్నారు.
హీరో ఆది మాట్లాడుతూ "గత సంవత్సరం పుట్టిన రోజునాడు "ప్రేమ కావాలి" షుటింగ్ లో ఉన్నాను.ఈ యేడాది "లవ్ లీ" చిత్రం షూటింగ్ లో ఉండటం ఆనందంగా ఉంది. జయగారు సినిమాని చాలా అద్భుతంగా తెరకెక్కిస్తున్నారు" అని అన్నారు. హీరో ఆది జన్మదినం డిసెంబర్ 23 వ తేదీ. ఈ సందర్భంగా ఆయనకు తెలుగువన్ జన్మదిన శుభాకాంక్షలు తెలుపుతోంది.