జనవరి 14 న "పూలరంగడు" రిలీజ్ అవుతుందని ఆ చిత్రం యూనిట్ తెలియజేస్తోంది. వివరాల్లోకి వెళితే ఆర్ ఆర్ మూవీ మేకర్స్ పతాకంపై, కమెడియన్ టర్న్ డ్ హీరో సునీల్ హీరోగా, "ప్రేమ కావాలి" ఫేం ఇషా చావ్లా హీరోయిన్ గా, "అహ నా పెళ్ళంట" ఫేం వీరభద్ర చౌదరి దర్శకత్వంలో, డాక్టర్ వెంకట్ నిర్మిస్తున్న విభిన్న కథా చిత్రం "పూలరంగడు". ఈ "పూలరంగడు" చిత్రం 2012 జనవరి 14 వ తేదీన ప్రపంచ వ్యాప్తంగా విడుదల కానుంది.

ఈ చిత్రంలో సునీల్ సిక్స్ ప్యాక్ బాడీతో ప్రేక్షకులను ఆశ్చర్యపోయేలా సమ్మోహపరచనున్నాడనీ, దర్శకుడు వీరభద్ర చౌదరి ఈ "పూలరంగడు" చిత్రాన్ని సర్వజనరంజకంగా మలిచారనీ తెలిసింది. ఈ చిత్రానికి యువ సంగీత తరంగం అనూప్ రూబెన్స్ వినసొంపైన సంగీతాన్ని అందిస్తున్నారు. సునీల్ ని చొక్కాలేకుండా చూసిన వారంతా నోరు వెళ్ళబెడుతున్నారట...! కారణం ఒకప్పటి సునీల్ కీ, ఈ చిత్రంలో కనపడే సునీల్ కీ సంబంధమే లేదని చూసిన వాళ్ళంటున్నారు....