English | Telugu
తన కడుపులో పెరుగుతున్న బిడ్డకి తండ్రి ఎవరో చెప్పిన ఇలియానా!
Updated : Jul 17, 2023
గోవా బ్యూటీ ఇలియానా కొద్ది నెలల క్రితం తాను తల్లి కాబోతున్నట్లు ప్రకటించి అందరినీ ఆశ్చర్యపరిచిన సంగతి తెలిసిందే. పెళ్లి కాకుండానే ఆమె గర్భం దాల్చడం హాట్ టాపిక్ అయింది. ఆమె ప్రియుడు ఎవరో తెలుసుకోవడం కోసం అందరూ ఎంతో ఆసక్తి చూపించారు. కానీ ఇలియానా మాత్రం తన ప్రియుడు ఎవరనే విషయాన్ని రివీల్ చేయకుండా సస్పెన్స్ మైంటైన్ చేస్తూ వచ్చింది. అయితే తాజాగా ఆ సస్పెన్స్ కి తెరదించుతూ, తన ప్రియుడిని ప్రపంచానికి పరిచయం చేసింది.
ఇంతకాలం ప్రియుడు ఫేస్ ని రివీల్ చేయకుండా సోషల్ మీడియాలో ఫొటోలు షేర్ చేసిన ఇలియానా, తాజాగా అతని ఫేస్ ని రివీల్ చేసింది. 'డేట్ నైట్' అంటూ తన ప్రియుడితో దిగిన ఫొటోలను ఇన్ స్టాగ్రామ్ లో పంచుకుంది ఇలియానా. గతంలో కత్రినా కైఫ్ సోదరుడు సెబాస్టియన్ తో ఇలియానా ప్రేమలో ఉన్నట్లు వార్తలొచ్చాయి. అయితే ఇప్పుడు ఇలియానా షేర్ చేసిన ఫోటోలలో ఉన్నది సెబాస్టియన్ కాదు. దీంతో ఇలియానా ప్రియుడి వివరాల గురించి ఆరా తీయడం మొదలుపెట్టారు నెటిజన్లు. మరి ఇంతకాలానికి ప్రియుడి ఫేస్ ని రివీల్ చేసిన ఇలియానా, త్వరలోనే అతని వివరాలను కూడా తెలుపుతుందేమో చూడాలి.