మహేష్ బాబు "దూకుడు" లేటెస్ట్ న్యూస్ ఈ విధంగా ఉన్నాయి. వివరాల్లోకి వెళితే 14 రీల్స్ ఎంటర్ టైన్ మెంట్స్ పతాకంపై, ప్రిన్స్ మహేష్ బాబు హీరోగా, సమంత హీరోయిన్ గా, శ్రీను వైట్ల దర్శకత్వంలో, రామ్ ఆచంట, గోపీచంద్ ఆచంట, అనీల్ సుంకర నిర్మిస్తున్న విభిన్నకథాచిత్రం "దూకుడు". ఈ మహేష్ బాబు "దూకుడు" సినిమా టర్కీలో షూటింగ్ జరుపుకుంది. ప్రస్తుతం హైదరాబాద్ లో మహేష్ బాబు "దూకుడు" సినిమా షూటింగ్ శరవేగంగా జరుగుతూంది.

మొన్నటి వరకూ ఖైరతాబాద్ లోని ఒక ప్రైవేట్ హౌస్ లో హీరో మహేష్ బాబు, కమెడియన్ బ్రహ్మానందంల మధ్య జరిగే కొన్ని హాస్యసన్నివేశాలను చిత్రీకరించారు. అంతకు ముందు చిరాన్ ఫోర్ట్ లో మహేష్ బాబు, సమంత, జయసుధ, ప్రకాష్ రాజ్ తదితరులపై ఫ్యామిలీ డ్రామా సన్నివేశాలను షూట్ చేశారు. సోమవారం నుండి మహేష్ బాబు "దూకుడు" సినిమా షూటింగ్ సారధీ స్టుడియోలో జరుగుతుంది. ఆ మధ్య సినిమాలోని కొన్ని యాక్షన్ సన్నివేశాలను శేరి లింగంపల్లి సమీపాన కల అల్ల్యూమినియం ఫ్యాక్టరీలో చిత్రీకరించారు.