English | Telugu
ఈగ ఒక ప్రత్యేకమైన సినిమా - రాజమౌళి
Updated : Jul 3, 2011
"ఈగ" ఒక ప్రత్యేకమైన సినిమా అని రాజమౌళి అంటున్నారు. వివరాల్లోకి వెళితే "అష్టచమ్మా, అలా మొదలైంది" సినిమాల ఫేం నాని హీరోగా, సమంత హీరోయిన్ గా, కన్నడ నటుడు సుదీప్ విలన్ గా, అపజయమెరుగని యువ దర్శకుడు యస్.యస్. రాజమౌళి దర్శకత్వంలో నిర్మించబడుతున్న చిత్రం "ఈగ". "ఈగ" సినిమాలో గ్రాఫిక్స్ కి అత్యధిక ప్రాథాన్యత ఉన్నదనీ, అందుకోసం దాదాపు అయిదు కోట్లకు పైగా ఖర్చు చేస్తున్నారని సమాచారం.
అయితే కొందరు సినీ పక్షులు ఈ "ఈగ" సినిమా హాలీవుడ్లో వచ్చిన "ఫ్లై, ఫ్లై-2" సినిమాలకు కాపీ అని ప్రచారం చేస్తున్నారు. అందుకు స్పందిస్తూ ఈ "ఈగ" చిత్ర దర్శకుడు రాజమౌళి "ఇది ఒక ప్రత్యేకమైన సినిమా. ఏ హాలీవుడ్ సినిమాకీ కాపీ కాదు. చాలా మంది అనుకుంటున్నట్లు "ఫ్లై, ఫ్లై-2" సినిమాలకు ఇది కాపీ కాదు. ఆ రెండు సినిమాలు హారర్ చిత్రాలు. కానీ "ఈగ" ఒక ఫాంటసీతో కూడిన కామెడీ చిత్రం. అందుకని వాటికీ "ఈగ" సినిమాకీ అస్సలు సంబంధమే ఉండదు" అని అన్నారు.