English | Telugu
వంద కోట్ల క్లబ్ లో 'దసరా'
Updated : Apr 6, 2023
నేచురల్ స్టార్ నాని వంద కోట్ల క్లబ్ లో చేరాడు. ఆయన నటించిన తాజా చిత్రం 'దసరా' వరల్డ్ వైడ్ గా రూ.100 కోట్ల గ్రాస్ కలెక్ట్ చేసింది. ఈ విషయాన్ని మేకర్స్ అధికారికంగా ప్రకటిస్తూ ఒక పోస్టర్ ను వదిలారు. విడుదలైన మొదటి వారంలోనే దసరా సినిమా ఈ ఫీట్ ని సాధించడం విశేషం.
నాని, కీర్తి సురేష్ జంటగా శ్రీకాంత్ ఓదెల దర్శకత్వంలో తెరకెక్కిన సినిమా 'దసరా'. ఎస్ఎల్వీ సినిమాస్ బ్యానర్ పై సుధాకర్ చెరుకూరి నిర్మించిన ఈ చిత్రం మార్చి 30 న విడుదలైంది. భారీ అంచనాలతో విడుదలైన ఈ మూవీ రికార్డు స్థాయి ఓపెనింగ్స్ రాబట్టింది. వీక్ డేస్ లోనూ అదే జోరుని కొనసాగిస్తూ మొదటి వారం పూర్తయ్యేసరికి వంద కోట్ల క్లబ్ లో చేరింది.
ట్రేడ్ వర్గాల అంచనా ప్రకారం ఏడు రోజుల్లో నైజాంలో రూ.21.49 కోట్ల షేర్, సీడెడ్ లో రూ.4.98 కోట్ల షేర్, ఆంధ్రాలో రూ.11.74 కోట్ల షేర్ రాబట్టిన దసరా.. తెలంగాణ, ఆంధ్రప్రదేశ్ లో కలిపి ఇప్పటిదాకా రూ.38.21 కోట్ల షేర్ వసూలు చేసింది. కర్ణాటక+రెస్టాఫ్ ఇండియా రూ.7.36 కోట్ల షేర్, ఓవర్సీస్ లో రూ.9.60 కోట్ల షేర్ కలిపి వరల్డ్ వైడ్ గా వారం రోజుల్లో రూ. 55.17 కోట్లకు పైగా షేర్ రాబట్టింది. ఫుల్ రన్ రూ.60 కోట్లకు పైగా షేర్ రాబట్టే అవకాశాలు ఉన్నాయి.