తమిళంలో "డేంజర్" సినిమా వెళ్ళనుంది. వివరాల్లోకి వెళితే అల్లరి నరేష్, సాయిరాం శంకర్, స్వాతి, షెరీన్ తదితరులు నటించగా, కృష్ణ వంశీ దర్శకత్వంలో వచ్చిన విభిన్నకథా చిత్రం "డేంజర్". ఈ "డేంజర్" చిత్రాన్ని సాంప్రదాయ సిద్ధమైన లైటింగ్ వాడకుండా సహజ సిద్ధమైన వెలుతురులోనే దర్శకుడు కృష్ణ వంశీ చిత్రీకరించారు. ఇది అప్పట్లో ఒక సంచలనాత్మక ప్రయోగంగా చెప్పవచ్చు. ఈ "డేంజర్" చిత్రాన్ని ప్రస్తుతం తమిళంలోకి "అభయం" పేరుతో అనువదిస్తున్నారు.

ఇందుకు ఒక కారణముంది. ప్రస్తుతం అల్లరి నరేష్, స్వాతి తాము ఇటీవల నటించిన తమిళ చిత్రాలతో తమిళ ప్రేక్షకులకు బాగా పరిచయమయ్యారు. అమదుకని ఈ "డేంజర్" చిత్రాన్ని తమిళంలోకి "అభయం" పేరుతో అనువదిస్తున్నారు. ఇలాంటి ప్రయోగాత్మక చిత్రాలను తమిళ ప్రేక్షకులు బాగా ఆదరిస్తారు. అలాగే ఈ "డేంజర్" తమిళ వెర్షన్ "అభయం" చిత్రాన్ని కూడా ఆదరిస్తారని ఆశిద్దాం.