80 లక్షలడుగుతున్న సోనూసూద్ అని ఫిలిం నగర్ వర్గాలంటున్నాయి. వివరాల్లోకి వెళితే తెలుగులో అరుంధతి, సూపర్, కందిరీగ వంటి చిత్రాలతో తెలుగు ప్రేక్షకులకు బాగా పరిచయమైన బాలీవుడ్ నటుడు సోనూ సూద్. అతను "వదల బొమ్మాళీ వదల" అంటూ "అరుంధతి" చిత్రంలో నటించిన తీరుకు ప్రేక్షకుల నుండి మంచి స్పందన లభించింది. అలాంటి సోనూ సూద్ ప్రస్తుతం "ఊకొడతారా...ఉలిక్కి పడతారా" చిత్రంలో నటిస్తున్నాడు.

అయితే స్టైలిష్ స్టార్ అల్లు అర్జున్ హీరోగా, ఇలియానా హీరోయిన్ గా, త్రివిక్రమ్ శ్రీనివాస్ దర్శకత్వంలో నిర్మిస్తున్న "హనీ" చిత్రంలో నటించమని సోనూ సూద్ ని అడిగితే అందుకతనడిగిన మొత్తం అక్షరాలా 80 లక్షల రూపాయలట. ఇది వినగానే నిర్మాతకి షాక్ తో కళ్ళ ముందు మరో సినిమా కనిపించిందట. ఒక సినిమాకి మరీ 80 లక్షలంటే ఎక్కువేమో కస్త ఆలోచించు సోనూ సూద్...!