చిత్రసీమ‌లో తాడు పాముగా మారి బుస‌లు కొట్ట‌డానికి, పాము తాడుగా వాడిపోవ‌డానికి అట్టే స‌మ‌యం ప‌ట్ట‌దు. ఇప్పుడు బాహుబ‌లి కూడా అంతే. ఈ సినిమా కూడా టాలీవుడ్‌ని క‌న్‌ఫ్యూజ‌న్‌లో ప‌డేస్తోంది. ద‌ర్శ‌క ధీరుడు రాజ‌మౌళి కూడా ఈ సినిమా రిలీజ్ విష‌యంలో పిచ్చ క‌న్‌ఫ్చూజ‌న్‌లో ఉన్నాడు. ముందు ఈ సినిమాని ఏప్రిల్‌లో విడుద‌ల చేస్తామ‌న్నారు. కానీ మాట త‌ప్పాడు. మే 15న ఖాయం అన్నాడు. మ‌ళ్లీ ఇప్పుడు ఈ సినిమా విడుద‌ల తేదీ వాయిదా ప‌డింది. అంటే ఈ సినిమా విష‌యంలో రాజ‌మౌళికి అప్పుడే క‌న్‌ఫ్యూజ‌న్ మొద‌లైపోయింద‌న్న‌మాట‌. అస‌లు బాహుబ‌లి సినిమాకి బిజినెస్ జ‌ర‌గ‌డం లేద‌న్న‌ది ఇన్‌సైడ్ టాక్‌. ప్ర‌భాస్ - రాజ‌మౌళి సినిమాల‌కు బిజినెస్‌తో ప‌నేంటి? అనుకోవ‌చ్చు. కానీ.. నిర్మాత‌లు భారీ రేట్లు చెబితే బ‌య్య‌ర్లు జ‌డుసుకోక ఏం చేస్తారు? నైజాం రూ.30 కోట్లు అడిగితే కొనే నాధుడెవ‌రు? గుంటూరు, కృష్ణ‌, ఈస్ట్‌, వెస్ట్ ఏ ఏరియా తీసుకొన్నా పాతిక కోట్ల‌కు త‌గ్గ‌డం లేదు. సినిమా ఎంత హిట్ట‌యిపోయినా.. అస‌లు సంపాదించుకోవ‌డం గ‌గ‌నం అయిపోతుంది. అందుకే బ‌య్య‌ర్లు భ‌య‌ప‌డుతున్నారు. ఇప్ప‌టి వ‌ర‌కూ ఈ సినిమాకి శాటిలైట్ జ‌ర‌గ‌లేదు. రూ.170 కోట్ల‌ని ఎలా రాబ‌ట్టుకోవాలా అని నిర్మాత‌లు చూస్తున్నారు. ఈ సినిమాకి త‌క్కువ రేట్ల‌కు ఎలా కొట్టేద్దామా అని బ‌య్య‌ర్లు చూస్తున్నారు. దాంతో బేరాలు తెగ‌డం లేదు. అందుకే రిలీజ్ డేటు వాయిదా ప‌డుతూ వ‌స్తోంది. ఇప్పుడు కొత్త‌గా మే 23 అంటున్నారు. అప్ప‌టికైనా వ‌స్తుందా..?? అనేది డౌటే.