English | Telugu
రేయ్ - షూటింగ్ ఇంకా అవ్వలేదా??
Updated : Mar 18, 2015
వైవిఎస్ చౌదరి నాలుగేళ్ల నుంచీ `రేయ్` కోసం ఓ యుద్ధం చేస్తున్నాడు. నాలుగేళ్లలో రెండేళ్లు షూటింగ్కే పట్టింది. ఆ తరవాత పోస్ట్ ప్రొడక్షన్ లోకి దిగాడు. అక్కడి నుంచీ... సినిమాని పూర్తి చేయడానికి నానా పాట్లూ పడ్డాడు. విడుదల చేయడానికి మరో యుద్దం. దాదాపు విడుదల తేదీ డజను సార్లు వాయిదా పడిందంటే పరిస్థితి అర్థం చేసుకోవచ్చు. ఈసారి మార్చి 27 పక్కా అన్నాడు. అయితే అసలు విషయం ఏంటంటే `రేయ్` షూటింగ్ ఇంకా పూర్తి కాలేదు. ఇంకో పాట బ్యాలెన్స్ ఉంది. పవన్ కల్యాణ్ అభిమానుల కోసం ప్రత్యేకంగా రూపొందించిన పవనిజం పాటని తెరకెక్కించాల్సివుంది. మరో రెండు రోజుల్లో షూటింగ్ మొదలెడతాడట. అదెప్పుడు పూర్తవుతుందో? ఈనెల 27న రిలీజ్ పెట్టుకొని ఇంకా షూటింగ్ పెట్టుకొన్నాడంటే చౌదరి ప్లానింగ్ ఎంత అధ్వానంగా ఉందో అర్థమైపోతోంది. అయినా ఈ పాటని యాడ్ చేయాలన్న ఆలోచన ఇప్పటిది కాదు. ఏడాదిన్నర క్రితమే ఈ పాటని కంపోజ్ చేశారు. అయితే.. ఈలోగా ఎందుకు తీయలేకపోయాడో ఎవ్వరికీ అర్థం కాని ప్రశ్న. ఇన్నాళ్లూ తీయాలి అనిపించని పాటని ఇప్పుడెందుకు తెరకెక్కించబోతున్నాడు? అదీ రిలీజ్ డేట్ ముందు పెట్టుకొని?? కేవలం పవన్ అభిమానుల కోసమేనా??