నయనతార నటించిన తాజా చిత్రం అన్నపూరణి.. మొన్న డిసెంబర్ 1 న తమిళనాడులో విడుదలైన ఈ మూవీ విడుదలైన అన్నిచోట్ల పాజిటివ్ టాక్ తో ముందుకు దూసుకుపోతుంది. బ్రాహ్మణ యువతిగా నయన్ ఈ సినిమాలో అధ్బుతమైన ప్రదర్శనని కనపరిచింది. తాజాగా అన్నపూరణి నయనతార కి కొత్త తలనొప్పుల్ని తెచ్చింది.

ఒక సాంప్రదాయ బ్రాహ్మణ కుటుంబంలో జన్మించిన అన్నపూరణి అనే అమ్మాయికి చిన్నప్పటినుంచి ఇండియాలోనే బెస్ట్ చెఫ్ గా నిలవాలనే కోరిక ఉంటుంది. కానీ ఆమె కుటుంబ సభ్యులకి తను అలా అవ్వడం ఇష్టం ఉండదు. ఈ క్రమంలో అన్నపూరణి తన లక్ష్యాన్ని చేరుకుందా లేదా అనేదే అన్నపూరణి మూవీ కథ. టైటిల్ రోల్ పోషించిన నయనతార తన క్యారక్టర్ నిమిత్తం రకరక వంటకాల్ని చేస్తుంది. అలాగే ఒక ముస్లిం యువకుడిని ప్రేమిస్తుంది. ఇప్పుడు ఈ అంశాలే నయన్ కి తలనొప్పులు గా మారాయి. బ్రాహ్మణ సమాజాన్ని అన్నపూరణి చిత్రం అవమాన పరిచిందని వెంటనే సినిమాని బ్యాన్ చెయ్యాలని తమిళనాడు బ్రాహ్మణ సంఘాలు డిమాండ్ చేస్తున్నాయి.ఆలాగే బ్యాన్ చెయ్యకపోతే చిత్ర బృందం తీవ్ర పరిణామాలు ఎదుర్కోవాల్సి వస్తుందని కూడా అంటున్నారు.

కాగా నయన్ తాజాగా అన్నపూరణి మూవీ విజయోత్సవంలో భాగంగా చెన్నైలో ఉన్న ప్రముఖ లేడీస్ కాలేజీని చిత్ర యూనిట్ తో కలిసి సందర్శించింది. లంచ్ టైం కి అక్కడకి వెళ్లిన నయన్ స్టూడెంట్స్ కోసం బిర్యానీ తయారు చెయ్యడమే కాకుండా స్వయంగా తన చేతులతో అందరికి బిర్యానీని వడ్డించింది. ఎప్పుడు తన మూవీకి సంబంధించిన ప్రమోషన్స్ లో పాల్గొనని నయనతార అన్నపూరణి సినిమా ప్రమోషన్స్ లో పాల్గొనడం ఇప్పుడు తమిళ చిత్ర పరిశ్రమలో సంచలనం సృష్టిస్తుంది.