English | Telugu
సంగీత దర్శకుడు అనీల్ మరణం ఒక మిస్టరీ
Updated : Jul 21, 2011
సంగీత దర్శకుడు అనీల్ మరణం ఒక మిస్టరీ అని అంటున్నారు. వివరాల్లోకి వెళితే గతంలో వచ్చిన సూపర్ హిట్ విభిన్న కథా చిత్రం "గమ్యం", "కళావర్ కింగ్" వంటి చిత్రాలకు సంగీతాన్ని అందించిన యువ సంగీత దర్శకుడు అనీల్ తన వివాహానికి ఒక వారం పది రోజులు ముందుగా హఠాన్మరణం పాలయిన సంగతి ప్రేక్షకులకు తెలిసిందే. అంతా అప్పుడు అది గుమడెపోటుతో అనీల్ అకాలమరణం చెందాడనుకున్నారు. కానీ అది నిజం కాదనీ, అనీల్ ది సహజ మరణం కాదనీ, అనీల్ బలవన్మరణం పాలయ్యాడని ఈ మధ్య పరిస్థితులను చూస్తే అనుకోవాల్సి వస్తూంది. అనీల్ కి కాబోయే భార్య షాలిని, ఆమె తల్లీ అనీల్ మరణం తర్వాత అనీల్ ఇంటి వారికి చేరువై, అనీల్ గదిలో వెతుకుతూండటం చూసిన అనీల్ సోదరి ఈ విషయాన్ని అనీల్ అన్నయ్యతో చెప్పింది. ఇది గమనించిన అనీల్ సోదరుడు రహస్యంగా షాలిని వాళ్ళ అపార్ట్ మెంటు వద్ద విచారించాడు.
అప్పుడు వెలుగు చూసిన వాస్తవాలకు షాలినీ, ఆమె తల్లీ చెపుతున్న మాటలకూ పొంతన లేకపోవటంతో, అనీల్ శవాన్ని సమాధి నుండి బయటకు తీసి పోస్ట్ మార్టమ్ కు పంపారు. అప్పుడు అనీల్ కు తలపై గాయముందని పోస్ట్ మార్టమ్ రిపోర్ట్ రావటంతో, అనీల్ ది సహజ మరణం కాదని తేలింది. అసలు అనీల్ మరణానికి కారణాలు తెలిస్తేకానీ అతన్ని ఎవరు హత్య చేశారో తెలియదు. అప్పటివరకూ అనీల్ మరణం ఒక మిస్టరీగానే మిగిలిపోతుంది.