English | Telugu
మా ఫిలిం స్కూల్ కి హెడ్ ప్రకాష్ రాజ్- నాగ్
Updated : Jul 21, 2011
మా ఫిలిం స్కూల్ కి హెడ్ ప్రకాష్ రాజ్ అని యువ సామ్రాట్ అక్కినేని నాగార్జున అన్నారు. వివరాల్లోకి వెళితే ఒకప్పుడు తాను సినిమాల్లోకి వచ్చినప్పుడు సరైన గైడ్ లైన్స్ లేక తాను ఎంతగా ఇబ్బంది పడ్డారో తెలిసిన నటసామ్రాట్, పద్మవిభూషణ్, డాక్టర్ అక్కినేని నాగేశ్వరరావు ఆ ఇబ్బంది ఇంకెవరికీ కలుగకుండా ఉండేందుకు గాను సినీ పరిశ్రమకు సంబంధించిన అన్ని విభాగాల్లోనూ శిక్షణనిచ్చే ఒక స్కూల్ ను ప్రారంభించారు.
ఆ స్కూల్ కు నటన విభాగానికి హెడ్ ఆఫ్ ది డిపార్ట్ మెంటుగా ప్రముఖ విలక్షణబహుభాషా నటుడు, జాతీయ అవార్డు గ్రహీత అయిన ప్రకాష్ రాజ్ వ్యవహరిస్తారనీ,అలగే ప్రముఖ దర్శకులు మణిరత్నం, ప్రముఖ నర్తకి, నటి అయిన శోభన, ప్రముఖ నటి రేవతి అలాగే అనీల్ మెహతాలు కన్సల్టింగ్ మెంబర్లుగా వ్యవహరిస్తారనీ కూడా నాగార్జిన మీడియాకు తెలియజేశారు. ఈ స్కూల్ ని ప్రతిఫలాపేక్ష లేకుండా సినిమా మీద ప్యాజన్ తో వచ్చే వారికి మార్గదర్శకంగా ఉంటూ, వారికి ఆసక్తి ఉన్న విభాగంలో శిక్షణ ఇచ్చే విధంగా ఉండేలా స్థాపించామనీ ఆయన అన్నారు.