ఇంటర్ నెట్లో మహేష్ బాబు "దూకుడు" ఫేక్ మ్యూజిక్ సందడి చేస్తోంది. వివరాల్లోకి వెళితే 14 రీల్స్ ఎంటర్ టైన్ మెంట్స్ పతాకంపై, ప్రిన్స్ మహేష్ బాబు హీరోగా, అందాల సమంత హీరోయిన్ గా, డైనమిక్ యంగ్ డైరెక్టర్ శ్రీను వైట్ల దర్శకత్వంలో, రామ్ ఆచంట, గోపీచంద్ ఆచంట, అనీల్ సుంకర నిర్మిస్తున్న యాక్షన్ ఎంటర్ టైనర్ చిత్రం మహేష్ బాబు "దూకుడు". ఈ చిత్రానికి మణిశర్మ చక్కని సంగీతాన్ని అందిస్తున్నారు. మహేష్ బాబు "దూకుడు" చిత్రం షూటింగ్ ప్రస్తుతం హైదరాబాద్ లోనే శరవేగంగా జరుగుతోంది. ఈ చిత్రం నిర్మాణానంతర కార్యక్రమాలు కూడా వెనువెంటనే జరుగుతున్నాయి.

అయితే ఈ మధ్య ఇంటర్ నేట్లో మహేష్ బాబు హీరోగా నటిస్తున్న "దుకుడు" చిత్రంలోని పాటలంటూ ఫేక్ మ్యూజిక్ వినపడుతూండటంతో, ఈ చిత్రం యూనిట్ ఆ విషయంపై మిడియాకు క్లారిటీనిచ్చింది. మహేష్ బాబు "దూకుడు" చిత్రం ఆడియో ఆగస్ట్ తొలివారంలో విడుదల చేయనున్నామనీ, ప్రస్తుతం మహేష్ బాబు "దూకుడు"పాటలుగా ఇంటర్ నెట్లో వినపడేవి అసలు పాటలు కావనీ, అది ఫేక్ మ్యూజిక్ అనీ వారంటున్నారు. ఈ మహేష్ బాబు "దూకుడు" చిత్రం ఆగస్ట్ చివరి వారంలో ప్రేక్షకుల ముందుకు రానుంది.