అల్లు అర్జున్, త్రివిక్రమ్ సినిమా "హనీ" అని విశ్వసనీయ వర్గాల ద్వార తెలిసిన సమాచారం. వివరాల్లోకి వెళితే యూనివర్సల్ మీడియా పతాకంపై, స్టైలిష్ స్టార్ అల్లు అర్జున్ హీరోగా, స్టార్ రైటర్ కమ్ డైరెక్టర్ త్రివిక్రమ్ శ్రీనివాస్ దర్శకత్వంలో, ప్రముఖ నిర్మాత డి.వి.వి.దానయ్య ఒక సినిమా తీయబోతున్నారు. ఈ సినిమా కోసం ఆంధ్రప్రదేశ్ ఫిలిం ఛాంబర్ ఆఫ్ కామర్స్ లో "హనీ" అన్న పేరుని రిజిస్టర్ చేశారట. ఈ "హనీ" చిత్రానికి క్యాప్షన్ గా "హి ఈజ్ వెరీ స్వీట్" అని పెట్టారట.

మామూలుగా అమ్మాయిలను స్వీటీ అని పిలవటం సహజం కానీ ఒక అబ్బాయిని హనీ అని పిలవటం ఈ చిత్రంలో వెరైటీ అనీ ఈ చిత్రం యూనిట్ భావిస్తోందట. ఈ "హనీ" అనే పేరు హీరోకే అని ఎందుకనుకోవాల్సి వచ్చిందంటే ఈ చిత్రం క్యాప్షన్ గమనిస్తే మనకా విషయం అర్థమవుతుంది. ఈ "హనీ" చిత్రంలో ఇలియానా కానీ, సమంత కానీ హీరోయిన్ గా నటించే అవకాశం ఉంది. ఆగస్టు నెలలో ప్రారంభం కాబోయే ఈ చిత్రానికి యువ సంగీత తరంగం దేవీ శ్రీ ప్రసాద్ సంగీతాన్నందిస్తారని తెలిసింది.