English | Telugu
నరేష్, శర్వానంద్ ల కొత్త సినిమా
Updated : Jul 22, 2011
నరేష్, శర్వానంద్ ల కొత్త సినిమా ప్రారంభం కాబోతుందట. వివరాల్లోకి వెళితే గతంలో క్రిష్ (జాగర్లమూడి రాధాకృష్ణ) దర్శకత్వంలో వచ్చిన సూపర్ హిట్ విభిన్న కథా చిత్రం "గమ్యం" లో అల్లరి నరేష్, శర్వానంద్ కలసి నటించారు. మళ్ళీ ఇన్నాళ్ళకి వాళ్ళిద్దరూ కలసి ఒక సినిమాలో నటించనున్నారు. యస్.వి.కె.సినిమా పతాకంపై, నరేష్, శర్వానంద్ హీరోలుగా, నారాయణ దర్శకత్వంలో, వంశీకృష్ణ శ్రీనివాస్ నిర్మిస్తున్న "ప్రొడక్షన్ -2" సినిమాలో నటించనున్నారు.
నరేష్, శర్వానంద్ హీరోలుగా నటించనున్న ఈ చిత్రంలో ప్రముఖ హీరోయిన్ శ్రియ శరణ్ ఒక ముఖ్య పాత్రలో నటించనుంది. ఈ చిత్రం కథ వినగానే నరేష్ బాగా ఇన్ స్పైర్ కాగా, శర్వానంద్ థ్రిల్ ఫీలయ్యాడట. ఇక శ్రియ శరణ్ ఈ చిత్రం కథ అవిని ఎంతగానో ఇన్ స్పైర్ అయ్యిందట. ఈ చిత్రం క్లాస్, మాస్, యూత్, ఫ్యామిలీ అన్న తేడా లేకుండా అన్ని వర్గాల ప్రేక్షకులను ఆకట్టుకునే అన్ని అంశాలతో నిండి ఉంటుందని ఈ చిత్రం యునిట్ తెలిపింది.