English | Telugu
నాన్న సినిమాలు రీమేక్ చేయను - రామ్ చరణ్
Updated : Jul 13, 2011
"నాన్న సినిమాలు రీమేక్ చేయను" అని రామ్ చరణ్ అంటున్నాడట. వివరాల్లోకి వెళితే మేగా స్టార్ చిరంజీవి గతంలో 1980 ల్లో నటించిన బ్లాక్ బస్టర్ సినిమా "ఖైదీ" ని రిమేక్ చేద్దామని చాలా మంది నిర్మాతలు, రచయితలు రామ్ చరణ్ అంగీకారం కోసం ఎదురుచూస్తున్నారు. చిరంజీవి "ఖైదీ" సినిమాకి సంభాషణలందించిన పరుచురి బ్రదర్స్ ఇప్పుడు రామ్ చరణ్ ఆ సినిమా రీమేక్ కు కూడా సంభాషణలందించటానికి ఉబలాటపడుతున్నారట.
ఈ విషయాలపై స్పందిస్తూ రామ్ చరణ్ "ఖైదీ" సినిమా నాన్నగారి సినీ జీవితాన్ని మలుపుతిప్పింది. ఆయనకు ఒక స్టార్ కమర్షియల్ హీరో ఇమేజ్ నిచ్చింది. అలాంటి గొప్ప సినిమాని నేను హీరోగా రీమేక్ చేయటమంటే అదొక సాహసమే అవుతుంది. అది నాకిష్టంలేదు" అని అన్నారు. నిజానికి రామ్ చరణ్ ప్రేక్షకుల్లో తనకంటూ ఒక ప్రత్యేకమైన ఇమేజ్ సంపాదించుకోవటానికి మొగ్గుచూపుతున్నాడే కానీ, తన తండ్రి హీరోగా నటించిన సూపర్ హిట్ సినిమాల రీమేక్ లలో నటించాలనుకోవటం లేదు.