మోహన్ బాబు, రామ్ చరణ్ ల మధ్య విభేదాల్లేవ్ అని మోహన్ బాబు కుమార్తె మంచు లక్ష్మీ ప్రసన్న మీడియాకు తెలియజేశారు. వివరాల్లోకి వెళితే ఈ మధ్య యన్ టి వి న్యూస్ ఛానల్లో స్క్రోలింగ్ లో కలెక్షన్ కింగ్, పద్మశ్రీ, డాక్టర్ మంచు మోహన్ బాబుకీ, యువ హీరో రామ్ చరణ్ కీ మధ్య విభేదాలు చోటుచేసుకున్నాయని రావటంతో మంచు లక్ష్మి మోహన్ బాబు, రామ్ చరణ్ ల మధ్య విభేదాల్లేవ్ అని మీడియాకు తెలియజేయటం జరిగింది.

మంచు లక్ష్మీ "నాన్నకీ రామ్ చరణ్ కీ మధ్య విభేదాలున్నాయని యన్ టి వి న్యూస్ ఛానల్లో స్క్రోలింగ్ లో వేయటం చూసి నేను అది తప్పు అలామటి విభేదాలేవీ వాళ్ళిద్దరి మధ్య లేవని ఇలా చెప్పాల్సి వస్తోంది. నిజానికి రామ్ చరణ్ ని నాన్న ఎప్పుడూ ఒక స్నేహితుడిగా, ఒక కన్నబిడ్డగానే ట్రీట్ చేస్తారు తప్ప విభేదాలొచ్చేలా ఎన్నడూ ట్రీట్ చేయరు. అదే విధంగా రామ్ చరణ్ కూడా నాన్నని చాలా గౌరవిస్తాడు...విభేదాలున్నాయన్నది ఒక రూమర్. దయచేసి వాటిని నమ్మకండి" అని అన్నారు.