English | Telugu
ఆటోనగర్ సూర్యలో నాగచైతన్య సరసన సమంత
Updated : Jul 7, 2011
"ఆటోనగర్ సూర్య" లో నాగచైతన్య సరసన సమంత హీరోయిన్ గా నటిస్తూందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే గతంలో గౌతమ్ మీనన్ దర్శకత్వంలో, అక్కినేని నాగచైతన్య హీరోగా నటించిన రెండవ చిత్రం"ఏ మాయ చేసావే" చిత్రంతో హీరోయిన్ గా తెలుగు సినీ పరిశ్రమలోకి ప్రవేశించిన నటి సమంత. ఆ చిత్రంలో నటించినందుకు సమంతకు ఉత్తమ నటిగా ఫిలిం ఫేర్ అవార్డు కూడా లభించింది. అలాంటి హీరోయిన్ సమంత మళ్ళీ నాగచైతన్య సరసన "ఆటోనగర్ సూర్య" సినిమాలో హీరోయిన్ గా నటించబోతూంది.
నాగచైతన్య హీరోగా నటిస్తున్న "ఆటోనగర్ సూర్య" చిత్రాన్ని, "వెన్నెల, ప్రస్థానం" చిత్రాల దర్శకుడు దేవకట్టా దర్శకత్వంలో, మ్యాక్స్ ఇండియా పతాకంపై, ప్రముఖ సీనియర్ నిర్మాత కె.అచ్చిరెడ్డి నిర్మిస్తున్నారు. నాగచైతన్య హీరోగా నటిస్తున్న "ఆటోనగర్ సూర్య" సినిమా కథ విషయానికొస్తే ఆటోనగర్ లో ఉండే సూర్య అనే సామాన్యమైన కుర్రాడు జీవితంలో ఏదో సాధించాలనే తపనతో ఏం చేశాడన్నది ఈ చిత్రం కథ అని తెలిసింది.