సల్మాన్ "నో ఎంట్రీ 2" కి కోన వెంకట్ కథనందిస్తున్నారని విశ్వసనీయ వర్గాల ద్వారా అందిన సమాచారం. వివరాల్లోకి వెళితే సిసియల్ ( సెలెబ్రిటీస్ స్రికెట్ లీగ్) జరిగిన సందర్భంగా సల్మాన్ ను కోన వెంకట్ కలవటం జరిగింది. ఆసందర్భంలో తాను హిందీలో నటించగా సూపర్ హిట్టయిన "రెడీ" సినిమా మూలమైన తెలుగు "రెడీ" చిత్రానికి కథనందించినది కోన వెంకటేనన్న విషయం తెలుసుకున్న బాలీవుడ్ స్టార్ సల్మాన్ ఖాన్ తనకు కూడా ఒక మంచి కథను తయారుచేయమని కోన వెంకట్ ని కోరటం జరిగింది.

అప్పటి నుండీ సల్మాన్ ఖాన్ కి కథను తయారుచేసే ప్రయత్నంలో ఉన్న కోన వెంకట్ ఆ మధ్య ముంబాయి వెళ్ళి సల్మాన్ కి ఒక కథను చెప్పటం, ఆ కథ అతనికి నచ్చటంతో "నో ఎంట్రీ 2" సినిమా తయారవటానికి రంగం సిద్ధమైంది.ఆ విధంగా సల్మాన్ "నో ఎంట్రీ 2" కి కోన వెంకట్ కథనందిస్తున్నారు. అలాగే సల్మాన్ ఖాన్ హీరోగా, పూరీ జగన్నాథ్ దర్శకత్వంలో, ఆశిన్ హీరోయిన్ గా ఒక సినిమాలో నటించటానికి అంగీకారం తెలిపినట్లు సమాచారం.