వితిక షేరు.. ఎన్నో ఏళ్ళుగా సినిమా ఇండస్ట్రీలో ఉంటున్న, సరైన గుర్తింపు తెచ్చుకోలేకపోయింది. చాలా మందికి తెలియని నటి. బిగ్ బాస్ సీజన్-3 లో తన భర్త వరుణ్ సందేశ్ తో కలిసి ఎంట్రీ ఇచ్చి అందరిచూపు తన వైపుకు తిప్పుకుంది. ఆ తర్వాత వితిక మంచి క్రేజ్ సంపాదించుకొని బిజీ జీవితాన్ని గడుపుతుంది.

వితిక షేరు.. చైల్డ్ ఆర్టిస్ట్ గా ఇండస్ట్రీలోకి అడుగుపెట్టింది. ఒక సిరీస్ తో మొదలైంది తన కెరీర్. అలాగే చాలా సినిమాలలో నటించింది. వితిక తెలుగు, కన్నడ, తమిళ్ లో పలు చిత్రాల్లో నటించింది. తెలుగులో ఝమ్మంది నాదం, భీమీలి కబడ్డి జట్టు, పడ్డానండి ప్రేమలో, పెళ్లి సందడిలో నటించి అందరిని ఆకట్టుకుంది. ఆ తర్వాత 'వితిక షేరు' అనే యూట్యూబ్ ఛానల్ ని స్టార్ట్ చేసి, మరింత ఫాలోయింగ్ సంపాదించుకుంది. వితిక, హీరో వరుణ్ సందేశ్ ని పెళ్లి చేసుకుంది. వితిక, వరుణ్ ఇద్దరు రియల్ కపుల్ గా బిగ్ బాస్ 3 లో అడుగుపెట్టి, తమలోని మరొక కోణాన్ని ప్రేక్షకులకు పరిచయం చేశారు. హౌస్ లో వాళ్ళిద్దరి పర్ఫామెన్స్ తో ఫ్యాన్ బేస్ క్రియేట్ చేసుకున్నారు. భార్యభర్తల గిల్లికజ్జల సీజన్ మోస్ట్ ఎంటర్టైన్మెంట్ గా సాగిందని చెప్పొచ్చు. ఆ తర్వాత ఇద్దరు చాలా యాడ్స్ లో కలిసి నటించారు.

వితిక అందరికంటే కాస్త భిన్నంగా, ఎప్పుడు కొత్తదనం కోసం ట్రై చేస్తుంటుంది. అలాగే ఒక ట్రెండ్ సెట్ చేస్తుంది. ఏదైనా విషయం చెప్తే ప్రేక్షకులు ఎలా తీసుకుంటారో అనే విషయం పక్కన పెట్టి, ఎలా తీసుకున్నా మంచి విషయం షేర్ చెయ్యాలనే ఆలోచిస్తుంటుంది. అందుకే ఎప్పుడు తన యూట్యూబ్ ఛానల్ లో భిన్నమైన టాపిక్స్ తో వ్లాగ్ లు, వీడియోలు చేస్తుంది. ' మా ఊరిలో' అంటూ తన ఊళ్ళో ఎలా ఉండేదో చెప్తూ ఒక వ్లాగ్, ' స్కూల్.. టీచ్ ఫర్ చేంజ్ ' అంటూ మరొక వ్లాగ్.. ఇలా కొత్తదనంతో కంటెంట్ చేస్తూ యూట్యూబ్ లో టాక్ ఆఫ్ ది ట్రెండింగ్ గా మారింది. కొన్ని రోజుల క్రితం ' ఫీమేల్ హైజీన్.. మోస్ట్ ఇంపార్టెంట్' అంటూ చేసిన వ్లాగ్ వైరల్ గా మారిన విషయం తెలిసదే. తాజాగా 'వరలక్ష్మి వ్రతం అలంకరణ' అనే టైటిల్ తో వ్లాగ్ చేసి తన యూట్యూబ్ ఛానెల్ లో అప్లోడ్ చేయగా అత్యధిక వీక్షకాధరణ పొందుతుంది. ఇందులో డెకరేషన్ ఎలా చేయాలి. ఏమేం కావాలంటూ అన్నింటిని స్పష్టంగా వివరించింది వితిక షేరు. అయితే ఈ వీడీయోకి.. " డోంట్ జడ్జ్ ఏ బుక్ బై ఇట్స్ కవర్ ఈ టైటిల్ మీకు సరిగ్గా సరిపోతుంది" అంటూ పాజిటివ్ గా స్పందిస్తున్నారు నెటిజన్లు. కాగా ఇప్పుడు ఈ వీడియోకి విశేష స్పందన లభిస్తుంది.