తేజ స్టార్స్ ఎక్కడున్నారో... అని ఫిలిం నగర్ లో అనుకుంటున్నారు. వివరాల్లోకి వెళితే సినిమాటోగ్రాఫర్ గా ఉన్నతేజ ఉషాకిరణ్ మూవీస్ వారి "చిత్రం" సినిమాతో దర్శకుడిగా మారాడు. ఆ సినిమాలో అందరూకొత్తవారినే నటీనటులుగా ప్రమోట్ చేశాడు తేజ. ఆ చిత్రంతోనే ఉదయ కిరణ్, రీమాసేన్ హీరోహీరోయిన్లుగా తెలుగు తెరకు పరిచయమయ్యారు. ఆ తర్వాత కొన్నేళ్ళు తెలుగు తెరను ఏలాడు తేజ. "నువ్వు-నేను, జయం" వంటి సూపర్ హిట్ సినిమాలు అతన్నుంచి వచ్చాయి. ఆ తర్వాత మళ్ళీ వెనకపడ్డాడు తేజ.

ప్రస్తుతం తన స్కూల్లోనే వెళ్ళి ఘనవిజయం సాధించాలనే కృత నిశ్చయంతో ఉండి కొత్త సినిమా తీస్తున్నాడు తేజ. ఆ సినిమాలో నటించటానికి అందరూ కొత్తవారినే తీసుకుంటున్నాడు. చివరికి ఫేస్ బుక్ ని కూడా వదలకుండా తనకు కావలసిన వారి కోసం వెదుకుతున్నాడు. శేఖర్ కమ్ముల కూడా "లీడర్" సినిమా కోసం ఫేస్ బుక్ లోనే వెతికాడు. అలా దొరికినమ్మాయే ప్రియా ఆనంద్. మరి తేజ స్టార్స్ ఎక్కడున్నారో...!