ఈ డైట్ తో డయాబెటిస్ రాకుండా చేసుకోవచ్చు..

సమతౌల్య ఆహరం లేకపోవడం వల్ల కలిగే ఇబ్బందులు ఏమిటి?

    ఈ రోజుల్లో ఎక్కువగా బయట ఆహరం తీసుకోవడం వల్ల మనం ప్రధానంగా ఆకుకూరలు తినడం తగ్గించేశాం. పప్పులో వేశామా లేక పచ్చడి చేసుకున్నామా, ఎలాగయినా సరే రోజూ రెండు కట్టలు తినడం ఆరోగ్యానికి నిజంగా శ్రేయస్కరం. ఇలాగ రోజుకి రెండు ఆకు కట్టలు ఎదో రకంగా తినడం వల్ల మనం తర్వాత అసలు క్యాల్షియం మాత్రలు వేసుకునే అవసరం ఉండదు. కాబట్టి మన రోజువారీ ఆహారంలో ఆకు కూరలు ఖచ్చితంగా ఉండేట్టు చూడండి. పూర్తి వివరాల కోసం ఈ వీడియో చూడండి...   https://www.youtube.com/watch?v=lG8myPLKfV8  

టమాటాలు తింటే కేన్సర్ మాయం!

  అదే పనిగా టమాటాలు తింటే కిడ్నీ లో రాళ్లు ఏర్పడే ప్రమాదం ఉందని చెబుతుంటారు. అలాగని టమాటల్ని పూర్తిగా పక్కకి పెట్టేస్తే వాటి రుచికి దూరం కాక తప్పదు. పైగా దీనివల్ల సంవృద్ధిగా ఉండే విటమిన్ A మరియు C లకి శరీరం దూరం అయిపోతుంది. అయితే, టమాటాలు తింటే క్యాన్సర్ నుండి విముక్తి పొందొచ్చు అనే విషయం తెలుసా. తెలుసుకోవాలంటే మాత్రం ఈ వీడియో చూడండి... https://www.youtube.com/watch?v=-PdjY9auJHw  

కిడ్నీ సమస్య ఉందని ఎలా తెలుసుకోవాలి?

  కిడ్నిలలో సమస్య ఉన్నట్లు కనుక్కోవడం చాలా కష్టమట.. మరి వ్యాధి ముదిరేదాకా వెయిట్ చేయాల్సిందేనా..? కిడ్నీ సమస్యను తేలిగ్గా కనుక్కోవడం ఎలా..? ఈ వీడియో చూసి ఒక అంచనాకి రండి https://www.youtube.com/watch?v=wG8j_ZuwOjQ

రక్తంలో ప్లేట్ లెట్స్ ని అభివృద్ధి చేసే 9 ఉత్తమ ఆహారాలు..!

  రక్తంలో ప్లేట్లెట్స్ సంఖ్య ఉండాల్సిన దానికంటే తక్కువ ఉండటం అనారోగ్యానికి దారితీస్తుంది. మనం తినే ఆహారం పైనే ప్లేట్లెట్స్ సంఖ్య ఆధారపడి ఉంటుంది. ఏం తింటే ప్లేట్లెట్స్ కౌంట్ పెరుగుతుందో తెలుసుకోండి. https://www.youtube.com/watch?v=-Nh-KEnJlK0

రోజుకి 500 కేలరీలు వదిలించుకుంటే వారానికి అరకేజీ తగ్గచ్చు...

మన శరీరం యొక్క బరువు విషయంలో కేర్ తీసుకోవడం అంటే వివిధ జబ్బుల నుండి మనల్ని మనం రక్షించుకోవడమే. మీరు రోజుకి ఎన్ని క్యాలరీల ఆహరం తీసుకోవాలి అనేది చాలా విషయాల పైన ఆధారపడి ఉంటుంది. ఒక రోజుకి మనం రెగ్యులర్ గా తీసుకునే దాని కన్నా 500 ల క్యాలరీల  ఆహారం తక్కువగా తీసుకుంటే ఒక వారంలో అరకేజీ పైన బరువు తగ్గే అవకాశం ఉంది. డాక్టర్ జానకి శ్రీనాథ్ గారి మరిన్ని సలహాలు సూచనల కోసం ఈ వీడియో చూడండి...  https://www.youtube.com/watch?v=a_TZdYl2n-k  

డిప్రెషన్ ఉన్నప్పుడు ఇలాంటి ఆహారం తీసుకోవాలి..!

డిప్రెషన్‌కు గురైనప్పుడు ఎలాంటి ఆహారం తీసుకోవాలి..? ఏం తింటే వెంటనే డిప్రెషన్‌ నుంచి బయటపడతాం..? ఇలాంటి సందేహాలకు సమాధానం డాక్టర్ జానకీ శ్రీనాథ్ గారి మాటల్లో తెలుసుకుందాం.   https://www.youtube.com/watch?v=-aSktghfBRg

ఒక్క నెలలో మీ బరువు తగ్గిపోయే చిట్కా..

    ఈ రోజుల్లో ప్రతి ఒక్కరినీ వేధిస్తున్న సమస్య- అధిక బరువు. మనం తినే ఆహారం దగ్గర్నుంచీ చేసే పని వరకూ అన్నీ అధిక బరువుకే దారి తీస్తున్నాయని మనకి తెలుసు. తెలిసినా ఏమీ చేయలేని పరిస్థితి. ఏదో అప్పుడో చిట్కా అప్పుడో చిట్కా ప్రయత్నించి చూస్తేనే ఉంటాం కానీ... అవేవీ పని చేయడం లేదని నిరుత్సాహపడిపోతూ ఉంటాము. ఎక్కువ నీళ్లు తాగడం దగ్గర నుంచీ రాత్రి తిండి మానేయడం వరకూ ఒబెసిటీ తగ్గించుకు మనం పాటించని చిట్కా అంటూ ఉండదు. కానీ ఇప్పుడు మనం వినబోయే ఒక పద్ధతి నిజంగానే అధిక బరువుని తగ్గిస్తుందని చాలా పరిశోధనలు రుజువు చేస్తున్నాయి. ఈ పద్ధతిలో ఉపయోగించే రెండు వస్తువులూ ఇంటింటా కనిపించేవే! అవే దాల్చిన చెక్క, తేనె. ఇప్పుడంటే దాల్చిన చెక్కని మసాలాల్లో మాత్రమే వాడుతున్నారు కానీ, దానికి ఉన్న ఉపయోగాలు అన్నీ ఇన్నీ కావు. డయాబెటిస్ దగ్గర నుంచీ డెంటల్‌ సమస్యల వరకూ దాల్చిన చెక్క వల్ల చాలా అనారోగ్యాలు దూరం అవుతాయని వైద్యులు చెబుతూ ఉంటారు. ఇక అధిక బరువు ఉన్నవారికైతే దాల్చిన చెక్క ఓ వరంలా పనిచేస్తుందట. మన ఒంట్లో కొవ్వు కణాలను కరిగించేందుకు, తిన్న ఆహారం త్వరగా జీర్ణం అయ్యేందుకు దాల్చిన చెక్క ఉపయోగపడుతుంది. అంతేకాదు! దాల్చిన చెక్క మన ఒంట్లో మెటబాలిజంను పెంచుతుంది. దాని వల్ల అప్పటివరకూ పేరుకున్న కొలెస్టరాల్‌ కూడా కరిగిపోతుంది. దాల్చిన చెక్క బాగా వేడి చేస్తుందని పెద్దలు చెప్పడానికి కారణం ఇదే! ఇక తేనె సంగతి చెప్పేదేముంది! తేనె వల్ల లివర్‌ పనితీరు మెరుగుపడి, షుగర్‌ లెవెల్స్ అదుపులో ఉంటాయి. దాని వల్ల ఇంట్లో కొవ్వు పేరుకోకుండా ఉంటుంది. అందుకనే ఒక నెల రోజుల పాటు దాల్చినచెక్క, తేనె కలిపి తీసుకుంటే... ఒబెసిటీ సమస్య దూరమైపోతుందని చెబుతున్నారు. దీని కోసం గోరువెచ్చటి నీరు ఉన్న ఒక కప్పులో చిటికెడు దాల్చిన చెక్క పొడి, ఒక స్పూన్‌ తేనె కలిపి తీసుకోవాలి. పరగడుపునే ఖాళీ కడుపు మీద ఈ టానిక్‌ తీసుకుంటే మరీ మంచిది. కానీ కొంతమందికి దాల్చిన చెక్క పొడి వల్ల కడుపులో మంట వచ్చే అవకాశం ఉంది. అలాంటివారు, రాత్రి భోజనం చేసిన తర్వాత నిద్రపోయే ముందు ఈ మిశ్రమాన్ని తీసుకుంటే సరిపోతుంది. అధిక బరువు వల్ల కేవలం అందం మాత్రమే దెబ్బతినదు. మన ఆత్మవిశ్వాసం కూడా తగ్గిపోతుంది. ఇక ఆ బరువుతో పాటు పలకరించే అనారోగ్య సమస్యల గురించి తెలసిందే! అందుకే ఈ చిన్న చిట్కాతో మీ బరువు తగ్గించేసుకోండి. లైఫ్‌ ని హ్యాపీగా గడిపేయండి. నిర్జర

ఫిట్స్ ఉన్న పిల్లలకి ఇలాంటి ఆహారం పెట్టండి...

ఎడమవైపు పడుకుంటే ఎన్ని లాభాలో!

  మనం తల ఎటువైపు పెట్టి పడుకుంటే మంచిదో ఆలోచిస్తాం. కానీ ఎటువైపు తిరిగి పడుకోవాలో పట్టించుకోము. కుడివైపు అయినా, ఎడమవైపు అయినా పెద్దగా తేడా ఉండదన్నది మన నమ్మకం. నిజానికి ఎడమవైపు తిరిగి పడుకుంటే చాలా లాభాలే ఉన్నాయంటున్నారు వైద్యులు. Digestion బాగుంటుంది:- మనం తినే ఆహారాన్ని జీర్ణం చేసుకునే పాంక్రియాస్‌ ఎడమచేతి వైపే ఉంటాయి. కాబట్టి అటువైపు తిరిగి పడుకోవడం వల్ల, ఆహారం త్వరగా జీర్ణమవుతుంది. జీర్ణం కాని ఆహారం పెద్ద పేగుల్లోకి త్వరగా చేరిపోతుంది. దాని వల్ల ఎసిడిటీ, కాన్‌స్టిపేషన్‌లాంటి సమస్యలు రావు. అందుకే ఎప్పుడన్నా భుక్తాయాసంగా ఉన్నప్పుడు, ఎడమవైపు తిరిగి కాసేపు పడుకోమని పెద్దలు చెబుతూ ఉంటారు. గర్భవతులకి మంచిది:- గర్భవతులు, ముఖ్యంగా నెలలు నిండినవారు ఎడమవైపు తిరిగి పడుకోవాలని వైద్యులు సూచిస్తుంటారు. దీని వల్ల వెన్నెముక మీద భారం తగ్గుతుంది. పైగా కడుపులోని బిడ్డకు రక్తప్రసారం కూడా మెరుగవుతుంది. కడుపులో ఉన్న బిడ్డ లివర్‌కు నొక్కుకుపోవడం వల్ల, లివర్‌ పనితీరు దెబ్బతినవచ్చు. ఎడమవైపు పడుకోవడం వల్ల ఈ సమస్య కూడా దరిచేరదు. గుండె బాగుంటుంది:- ఎడమవైపు అనగానే మనకి గుర్తుకి వచ్చే భాగం గుండెకాయే! ఎడమవైపు తిరిగి పడుకోవడం వల్ల గుండె తన సహజమైన స్థితిలో పనిచేసే అవకాశం ఉంటుంది. అలా పడుకోవడం వల్ల రక్తప్రసరణ మెరుగుపడి, అందులో ఆక్సిజన్ నిల్వలు కూడా పెరుగుతాయట. అంతేకాదు... * వెన్ను సమస్యలు ఉన్నవారిలో కుడివైపు కంటే ఎడమవైపు తిరిగి పడుకోవడం వల్లే ఎక్కువ ఉపశమనం ఉంటుందని తేలింది. * కడుపులో ఉన్న యాసిడ్స్ గొంతులోకి రావడం వల్ల రాత్రిళ్లు గుండె మంట వచ్చే ప్రమాదం ఉంటుంది. ఎడమవైపు తిరిగి పడుకోవడం వల్ల, కడుపులో రసాయనాలు పైకి వచ్చే అవకాశమే ఉండదంటున్నారు. * మన శరీరంలోని పనికిమాలిన పదార్థాలను బయటకు పంపేందుకు లింఫ్‌ గ్రంధులు చాలా ఉపయోగపడతాయి. ఎడమవైపు తిరిగి పడుకున్నప్పుడు ఈ లింఫ్‌ గ్రంధులు మరింత ప్రభావంగా పనిచేస్తాయట. * ఈ రోజుల్లో చాలామంది ఎదుర్కొనే సమస్య గురక. మనం పడుకున్నప్పుడు, గొంతులో ఉండే కొండనాలుక వైబ్రేట్‌ అవ్వడం వల్ల గురక ఏర్పడుతుంది. అయితే ఎడమవైపు తిరిగి పడుకుంటే కొండనాలుక సరైన పొజీషన్‌లోనే ఉండి, గురక రాదని చెబుతున్నారు. చూశారుగా! ఇన్ని ఉపయోగాలు ఉన్నాయి కాబట్టి, నిద్రపోయేటప్పుడు కాస్త ఎడమవైపుకి తిరిగి పడుకుని చూడండి... - నిర్జర.

All about Nipah Virus

బ్రేక్ ఫాస్ట్ తినకపోతే శరీరం లో ఏమి జరుగుతుందో తెలుసా..?

Summer Superfood Cucumber's Health Benefits

    Helps in hair growth: Cucumber contains silicon and sulfur, these two are very beneficial to our healthier hair. For best results when cucumber is used to the hair, you can create a combination of the cucumber juice with carrots, lettuce and spinach. Rather than using expensive health care products, this really is another best alternative to take care of hair the natural way.   Protects Your Brain: Cucumbers contain an anti-inflammatory flavonol called fisetin that appears to play an important role in brain health. In addition to improving your memory and protecting your nerve cells from age-related decline, fisetin has been found to prevent progressive memory and learning impairments in mice with Alzheimer's disease.   Helps You from Dehydration: Due to the high water content inside cucumber, it supplies the water needed by the body when u consume the fruit. So, it helps you from dehydrating. Always keep some cucumbers during travelling. Even if you finish water you will have cucumber to hydrate yourself up.   Helps You Manage Your Stress Levels: Cucumbers contains B vitamins which are known to help ease feelings of anxiety and buffer some of the damaging effects of stress. There are multiple B vitamins, including vitamin B1, vitamin B5, and vitamin B7.   Lts a Skin Lightening Agent: Cucumber is used in a number of skin lightening creams, soaps, and lotions. This is done as cucumber helps lighten the sun burnt skin effectively. For a home made pack, use the juice of cucumber on the affected area everyday for 30minutes for best possible results.   Helps You In Weight Loss: One cup of sliced cucumber contains just 16 calories. Though cucumbers are very low in calories, yet they make a filling snack. The soluble fiber in cucumbers dissolves into a gel-like texture in your gut, helping to slow down your digestion. This helps you to feel full longer and is one reason why fiber-rich foods may help with weight control. ...Divya

సన్నగా ఉన్నవాళ్ళు లావు అవ్వచ్చు ఈ డైట్ తో...

కొన్ని పద్దతుల ద్వారా లావుగా ఉన్నవాళ్లు సన్న బడొచ్చు. మరి కొన్ని పద్దతుల ద్వారా సన్నగా ఉన్నవాళ్లు లావవొచ్చు. మరి, వీరమాచనేని రామకృష్ణ గారు చెప్పిన పద్ధతి ద్వారా, సన్నగా ఉన్నవాళ్లు లావావ్వొచ్చు, అదే విధంగా లావుగా ఉన్నవాళ్లు సన్నబడొచ్చు. కానీ, ఆయన చెప్పిన డైట్ ని మాత్రం తూ.చ. తప్పకుండ పాటించాల్సి ఉంటది. అదేంటో ఈ వీడియో చూసి మీరే తెలుసుకోండి... http://www.teluguone.com/news/content/weight-gain-34-80007.html  

ఇలా చేస్తే మీ రక్తపోటు తగ్గిపోతుంది

  రక్తపోటు మనకి రోజువారీ బంధువు. బీపీ సమస్యతో బాధపడే వారు ఇప్పుడు ఇంటికి ఒకరు కనిపిస్తున్నారు. పోషకాహారం తీసుకోవడం, వ్యాయామం చేయడం వంటి మార్పులతో రక్తపోటుని అదుపులో ఉంచుకోవచ్చునని నిపుణులు చెబుతున్నారు. నిజమే! కానీ ఈ మార్పులని నిత్యం పటించేది ఎవరు. ఒకవేళ ఆ విషయాలని నెట్లో నట్టింట్లో నిత్యం గుర్తుచేస్తూ, ప్రోత్సహిస్తూ ఉంటే ఎలా ఉంటుంది? అన్న ఆలోచన వచ్చింది కొందరికి... American College of Cardiologyకి చెందిన నిపుణులకి ఓ ఆలోచన వచ్చింది. రక్తపోటుతో బాధపడుతున్న రోగులని వెబ్సైటు ద్వారా దిశానిర్దేశం చేస్తే ఎలా ఉంటుంది? అన్నదే సదరు ఆలోచన. ఇందుకోసం వారు 57 సంవత్సరాల వయసున్న ఓ 264 మంది అభ్యర్థులను ఎన్నుకొన్నారు. వీరిలో అంతా 140/90 నుంచి 160/100 రక్తపోటు ఉన్నవారే! అభ్యర్థులందరికీ కూడా ఒక ఏడాది పాటు ఆరోగ్యానికి సంబంధించిన మెయిల్స్ పంపించారు. అయితే ఇలా మెయిల్స్ చేయడంలో ఒక తేడాని పాటించారు. కొంతమంది అభ్యర్థులకి రక్తపోటు, గుండెజబ్బులకి సంబంధించిన విశేషాలతో పాటుగా... వాటిని అదుపులో ఉంచేందుకు ఎలాంటి జాగ్రత్తలు తీసుకోవాలి? జీవనశైలిలో ఎలాంటి మార్పులు చేయడం మంచిది? వంటి సాధారణ వివరాలను అందించారు. ఇవన్నీ కూడా తరచూ మనకి వెబ్సైట్లలో కనిపించేవే. మరికొందరికి మాత్రం ఇంకాస్త జాగ్రత్తగా రూపొందిన మెయిల్స్ అందించారు. వీటిలో భాగంగా రకరకాల విశ్లేషణలు, సలహాలు, సందేహాలకు సమాధానాలు పొందుపరిచారు. రక్తపోటుతో బాధపడుతున్న వ్యక్తుల అనుభవాలు, విజయగాథలతో కూడిన వీడియోలను కూడా వీరికి అందించారు. అలాగే అభ్యర్థులు తమ జీవనశైలిలో ఎలాంటి మార్పులను తీసుకువస్తున్నారు, వారి ఆహారంలో ఎలాంటి జాగ్రత్తలు పాటిస్తున్నారో నిరంతరం ఫీడ్ బ్యాక్ను అందించాల్సి ఉండేది. ఒక్కమాటలో చెప్పాలంటే ఈ అభ్యర్థులకు పంపిన మెయిల్స్ ఒక కౌన్సిలింగ్ రూపంలో సాగాయి. అందుకనే వీటికి e-Counseling అని పేరు పెట్టారు. ఒక ఏడాది గడిచిన తరువాత తాము మెయిల్స్ పంపిన అభ్యర్థుల రక్తపోటులో ఏమన్నా మార్పు వచ్చిందేమో గమనించారు పరిశోధకులు. ఆశ్చర్యకరంగా వారి రక్తపోటులో గణనీయమైన తగ్గుదల కనిపించింది. సాధారణ మెయిల్స్ స్వీకరించిన వ్యక్తుల రక్తపోటు 6 పాయింట్లు తగ్గితే, e-Counseling పొందిన అభ్యర్థుల రక్తపోటు 10 పాయింట్లు తగ్గింది. ఒక్కమాటలో చెప్పాలంటే రక్తపోటుకి మందు వేసుకుంటే ఎంత ప్రభావం ఉందో, e-Counseling వల్ల అంత ప్రభావం కనిపించింది. ఎక్కడో e-Counseling వల్ల రక్తపోటు తగ్గితే మనకేంటి ఉపయోగం అనుకోవడానికి లేదు. రక్తపోటుకి సంబంధించి ఏదో సాధారణ విషయాలు చదువుతూ ఉండిపోకుండా... ఎప్పటికప్పుడు వాటిని జీవితానికి అన్వయిస్తూ, మనలో వచ్చిన మార్పుని ఎప్పటికప్పుడు బేరీజు వేస్తూ ఉంటే అద్భుతమైన మార్పులు సాధ్యమని ఈ పరిశోధనతో తెలిసిపోతోంది. - నిర్జర.    

మీరు బరువు ఎందుకు పెరుగుతున్నారో తెలుసు కోండి..

స్పోర్ట్స్‌ డ్రింక్స్‌తో అనారోగ్యం!

  ఆటలంటే ఎవరికి ఇష్టం ఉండదు. ఆ ఆటలలో అలసిపోతే కాస్త దాహం తీర్చుకోవాలని ఎందుకనిపించదు. కానీ ఇప్పుడు రోజులు మారిపోయాయి. ఆటల మధ్యలో అలసట కలిగితే దాహం తీర్చుకునేందుకు స్పోర్ట్స్‌ డ్రింక్స్‌ అందుబాటులోకి వచ్చేశాయి. మోజుతోనో, దాహం తీరుతుందన్న నమ్మకంతోనో వీటిని తాగేవారి సంఖ్య ఎక్కువైపోతోంది. కొన్నాళ్లు పోతే కూల్‌డ్రింక్స్‌ తాగినంత తేలికగా స్పోర్ట్స్‌ డ్రింక్స్ తాగే రోజులు వచ్చేస్తాయి. ఇంతకీ వీటి వల్ల ఉపయోగమేనా అంటే... కొంచెం ఆలోచించాల్సిందే మరి!     - అధికంగా వ్యాయామం చేసినప్పుడో, ఆటలు ఆడినప్పుడో... అలసిపోయేవారి శరీరంలో తిరిగి కావల్సిన నీటిని, శక్తిని అందించడమే ఈ స్పోర్ట్స్‌ డ్రింక్స్‌ లక్ష్యం. కానీ అలా తీవ్రంగా అలసిపోయే ప్రొఫెషనల్ ఆటగాళ్లకి మాత్రమే ఈ పానీయాలు ఉపయోగపడతాయనీ, మిగతావారికి అనవసరమనీ హెచ్చరిస్తున్నారు నిపుణులు.   - అధిక శక్తిని ఇచ్చేందుక స్పోర్ట్స్‌ డ్రింక్స్‌లో మోతాదుకి మించి చక్కెర పదార్థాలు ఉంటాయి. ఈ చక్కెర వల్ల పళ్లు దెబ్బతినడం ఖాయమంటున్నారు నిపుణులు. ఒక పరిశోధన ప్రకారం, ఈ పానీయాలు తాగినవారిలో దాదాపు 98 శాతం మంది పంటి పై పొర దెబ్బతిన్నట్లు తేలింది. పంటి పై పొర దెబ్బతింటే అది తిరిగి సరికావడం అంటూ ఉండదు. అంటే స్పోర్ట్స్‌ డ్రింక్స్‌ వల్ల పంటికి శాశ్వతమైన నష్టం కలుగుతుందన్నమాట.   - వీటిలోని అధిక చక్కెరల వల్ల త్వరగా ఊబకాయం వచ్చే ప్రమాదం ఉందని తేలింది. వ్యాయామం వల్ల కోల్పోయే శక్తికంటే వీటి నుంచి లభించే శక్తి అధికంగా ఉండటంతో, అదంతా కొవ్వు కిందకి పేరుకుకోవడం సహజమే కదా!   - పెద్దల పరిస్థితే ఇంత దారుణంగా ఉంటే ఇక పిల్లల సంగతి చెప్పేదేముంది! ఈ స్పోర్ట్స్‌ డ్రింక్స్‌కి అలవాటు పడిన పిల్లలో 90 శాతం మంది పిల్లల పళ్లు దెబ్బతినిపోయినట్లు తేలింది. పైగా ఈ స్పోర్ట్స్‌ డ్రింక్స్‌ తియ్యగా ఉండటంతో పిల్లలకి ఇది ఒక వ్యసనంలా తయారవుతోందట.   - వ్యాయామం చేసేటప్పుడు శరీరం నుంచి కొంత నీరు చెమట రూపంలో బయటకి పోవడం మంచిదే! కానీ స్పోర్ట్స్‌ డ్రింక్స్‌లో ఉండే సోడియం, పొటాషియం వంటి పదార్థాల వల్ల ఇలా శరీరం నుంచి మలినాలు బయటకు పోకుండా ఉండిపోతాయి.   - స్పోర్ట్స్‌ డ్రింక్స్‌ చల్లగా తియ్యగా ఉండటంతో కాస్త తాగగానే దాహం తీరినట్లు అనిపిస్తుందే కానీ, శరీరానికి అవసరమైన నీరు లభించదు. దీంతో శరీరానికి తగినంత నీటిని అందించడం అనే అసలైన లక్ష్యం నెరవేరకుండా పోతుంది.   - ఈ పానీయాలలో సోడియం నిల్వలు మోతాదుకి మించి ఉంటాయి. మన రోజువారీ ఆహారంలో తీసుకునే సోడియం (ఉప్పు) శాతమే ఎక్కువగా ఉందంటూ వైద్యులు గోలపెడుతున్నారు. వాటికి ఈ స్పోర్ట్స్‌ డ్రింక్స్‌ కూడా తోడైతే ఇక చెప్పేదేముంది. ఇలా స్పోర్ట్స్‌ డ్రింక్స్‌ని అధికంగా తీసుకోవడం వల్ల వాటిలో ఉండే సోడియం అధిక రక్తపోటుకీ, గుండెజబ్బులకీ దారితీస్తుందని హెచ్చరిస్తున్నారు నిపుణులు.   - స్పోర్ట్స్‌ డ్రింక్స్‌లో చక్కెర, సోడియం, పొటాషియం, ఎలక్ట్రోలైట్స్ వంటి పదార్థాలే కానీ విటమిన్లు, ఖనిజాల వంటి పోషక పదార్థాలు ఉండవు. అందుకని శరీరానికి శక్తి లభిస్తుందన్న మాటే కానీ బలం చేకూరదు.   వీటన్నింటివల్లా... సాధారణ వ్యాయామం చేసేవారికి స్పోర్ట్స్‌ డ్రింక్స్‌ వల్ల పెద్దగా ఉపయోగం లేదనీ... వాటికంటే మంచినీరు, పాలు, కొబ్బరిబోండాలు, పళ్లరసాలు తీసుకోవడం మేలనీ అర్థమవుతోంది. గంట లోపల వ్యాయామం చేసేవారు కాస్త మంచినీరు పుచ్చుకుంటే సరిపోతుందని మేయో క్లినిక్‌ వంటి సంస్థలు సైతం సూచిస్తున్నాయి.   - నిర్జర.

మీ పిల్లలు ఫోన్‌ చూస్తూ నిద్రపోతున్నారా!

ఒకప్పుడు పిల్లల్ని నిద్రపుచ్చేందుకు కథలో కబుర్లో చెబితే సరిపోయేది. కానీ ఇప్పుడు కాలం మారిపోయింది కథలు చెప్పే ఓపిక పెద్దలకీ లేదు, కబుర్లు వినే ఉత్సాహం పిల్లవారికీ లేదు. ఇప్పుడంతా డిజిటల్‌మయం. కాసేపు ఫోనో, టీవీనో, టాబ్లెట్టో చూసీచూసీ అలసి నిద్రలోకి జారుకుంటున్నారు పిల్లలు. ఇదేమంత మంచి అలవాటు కాదని అందరికీ తెలుసు కానీ ఎంత హానికకరం అన్నదాని మీద ఇప్పుడిప్పుడే వాస్తవాలు వెలుగులోకి వస్తున్నాయి. 20 పరిశోధనల సారం లండన్‌లోని కార్డిఫ్‌ విశ్వవిద్యాలయానికి చెందిన పరిశోధకులు పిల్లల ఆరోగ్యం, అలవాట్ల మీద జరిగిన దాదాపు 20 పరిశోధనలను క్షుణ్నంగా పరిశీలించారు. ఇందులో భాగంగా 14 ఏళ్ల సగటు వయసున్న లక్షాపాతికవేల మంది పిల్లల సమాచారాన్ని గమనించారు. ఈ పరిశీలనలో పిల్లల మీద డిజటల్‌ మాధ్యమాల ప్రభావం గురించి అనేక విషయాలు వెల్లడయ్యాయి. మంచం దగ్గరే 72 శాతం మంది పిల్లలు తమ మంచం దగ్గరే ఏదో ఒక డిజిటల్‌ పరికరాన్ని ఉంచుకుని నిద్రపోతున్నట్లు తేలింది. వీరిలో నిద్రపోయేందుకు ఒక 90 నిమిషాల ముందువరకు ఫోన్‌ చూస్తూ గడిపిన పిల్లల్లో 79 శాతం మంది నిద్రలేమితో బాధపడటాన్ని గమనించారు. ఒకవేళ నిద్రపట్టినా కూడా 46 శాతం మంది పిల్లలు కలతనిద్రలోనే గడపాల్సి వచ్చింది. ఇలా సరైన నిద్ర లేకపోవడంతో, వీరంతా ఉదయం వేళల్లో మత్తుతో తూగిపోవడం మొదలుపెట్టారట. నిద్రే కాదు పిల్లల ఎదుగుదలలో నిద్ర ఒక ముఖ్య పాత్ర వహిస్తుంది. అలాంటి నిద్రే కనుక దూరమైతే వారు రకరకాల ఆరోగ్య సమస్యలను ఎదుర్కోవలసి వస్తుంది. జీర్ణ వ్యవస్థ దెబ్బతినడం, ఉద్రేకంగా ప్రవర్తించడం, రోగనిరోధక శక్తి తగ్గిపోవడం, ఊబకాయం, ఎదుగుదల సమస్యలు, మానసికమైన లోపాలు... వంటి సమస్యలన్నీ కూడా ఆ పిల్లవాడిని చుట్టుముడతాయని హెచ్చరిస్తున్నారు పరిశోధకులు. కారణం ఇదీ! ఫోన్, టాబ్లెట్‌, టీవీ వంటి పరికరాల నుంచి వచ్చే వెలుతురు మన శరీరంలోని మెలటోనిన్‌ అనే హార్మోనుని ప్రభావితం చేస్తుందట. మనలోని జీవగడియారాన్ని నియంత్రించే ఈ హార్మోనుని అడ్డుకోవడం వల్ల శరీరానికి నిద్రపోవాలన్న సూచన అందదు. చివరికి అది నిద్రలేమి అనే ఓ విషవలయానికి దారితీస్తుంది. ఇక డిజిటల్‌ పరికరాలతో ఫేస్‌బుక్‌ వంటి సోషల్‌ మీడియాలో మునిగిపోవడం, గేమ్స్ ఆడటం, చాటింగ్‌ చేయడం వంటి చర్యల వల్ల పిల్లలోని ఉద్విగ్న స్థాయి పెరిగిపోతుంది. దాని వల్ల కూడా నిద్ర కరువవుతుంది. అంతేకాదు! ఒకవేళ ఫోన్ పక్కన పెట్టేసినా కూడా, మనసు దాని చుట్టూనే తిరిగే అవకాశం ఉందంటున్నారు. వాట్సప్‌లో ఎవరన్నా మెసేజ్‌ పంపి ఉంటారా! ఫేస్‌బుక్‌లో నేను పెట్టిన పోస్టుకి కామెంట్స్‌ ఏవన్నా వచ్చి ఉంటాయా! వంటి సవాలక్ష సందేహాలతో పిల్లల మెదడు మేలుకొనే ఉంటుంది. కాబట్టి రాత్రివేళల్లో పిల్లలు ఫోన్ల వ్యాపకానికి బానిసలు కాకుండా చూసుకోవాల్సిన బాధ్యత పెద్దలదే. బహుశా అదేమంత కష్టమైన పని కాదేమో! ముందు పెద్దవారు తమ చేతిలో ఉన్న ఫోన్లను పక్కన పెట్టి కాస్త పిల్లలతో మాట్లాడటం మొదలుపెటడితే... పరిస్థితులు సగం దారికి వస్తాయి.     - నిర్జర

పొట్ట భాగంలోని కొవ్వు తగ్గడానికి డైట్ ప్లాన్...!

  పొట్ట తగ్గడానికి ఎలాంటి ఆహారం తీసుకోవాలి? మనం తెలుసుకోవలసిన విషయం ఏంటంటే పొట్ట ఎక్కువగా ఉంది అంటే దాని అర్ధం కొవ్వు శాతం మన శరీరంలో ఎక్కువగా ఉంది అని అర్ధం. సహజంగానే భారతీయుల్లో కొవ్వు శాతం ఎక్కువగా ఉంటుంది. అందులోనూ, మగవారిలో కన్నా ఆడవాళ్ళలో కొవ్వు శాతం ఎక్కువగా ఉంటుంది. మరి ఎలాంటి ఆహరం తీసుకుంటే పొట్ట తగ్గే అవకాశం ఉందొ తెలుసుకోవాలంటే ఈ వీడియో చూడండి. https://www.youtube.com/watch?v=9l4SufnNdqc