కల్లు దుకాణాల మీద కేసు
హైదరాబాద్ నగరంలో వీధివీధినా కల్లు దుకాణాలను ఏర్పాటు చేయాలని తెలంగాణ రాష్ట్ర ప్రభుత్వం నిర్ణయం తీసుకున్న విషయం తెలిసిందే. ఈ నిర్ణయంలో భాగంగా దసరా నుంచి కొన్ని దుకాణాలు కూడా ప్రారంభమయ్యాయి. కల్లు గీత కార్మికులకు ఉపాధి కల్పించడంతోపాటు హైదరాబాద్ ప్రజలకు రుచికరమైన, ఆరోగ్యకరమైన, నాణ్యమైన కల్లును అందించడమే ఈ కల్లు దుకాణాలు ప్రారంభించడం వెనుక వున్న ఉద్దేశం. అయితే ఈ కల్లు దుకాణాలు ఏర్పాటు చేయడం తగదంటూ హైకోర్టులో ప్రజా ప్రయోజన వ్యాజ్యం దాఖలు అయింది. అసలు హైదరాబాద్ నగరంలో తాటి, ఈత చెట్లే లేవని, అందువల్లో గతంలో హైదరాబాద్ నగరంలో కల్లు దుకాణాలను రద్దు చేశారని ఆ పిటిషన్లో పేర్కొన్నారు. ఇప్పుడు తాటి, ఈత చెట్లు లేని హైదరాబాద్లో కల్లు దుకాణాలు ఏర్పాటు చేయడం వల్ల కల్తీకల్లు ఏరులై పారే ప్రమాదం వుందని ఆ పిటిషన్లో పేర్కొన్నారు. ఈ పిటిషన్ను విచారణకు స్వీకరించిన హైకోర్టు కౌంటర్ దాఖలు చేయాలని తెలంగాణ ప్రభుత్వాన్ని ఆదేశించింది. ఈ పిటిషన్పై విచారణను రెండు వారాలకు వాయిదా వేసింది.