న్యూ ఇయర్, క్రిస్టమస్ హడావిడిలో మిమ్మల్ని తళుక్కున మెరిపించే చిట్కాలు..!   డిసెంబర్ నెలను పార్టీ సీజన్ అని చెప్పవచ్చు.  ఒకవైపు క్రిస్మస్ వేడకలు,  మరొకవైపు న్యూ ఇయర్ వేడుకలు.. ఈ పార్టీ సీజన్ దగ్గరకు వచ్చే కొద్దీ ప్రతి అమ్మాయి ప్రతి చోట చాలా ఆకర్షణీయంగా, అందంగా కనిపించాలని కోరుకుంటుంది.  అది ఫ్రెండ్  పార్టీ అయినా, ఆఫీస్ పార్టీ అయినా, లేదా ఫ్యామిలీ మీట్ అయినా ప్రతి ఒక్కరూ తమ ఎంట్రీ  స్టైలిష్‌గా,  రాయల్ గా  కనిపించాలని కోరుకుంటారు. అయితే వీటికి అటెండ్ అవ్వడానికి  ఖరీదైన మేకప్ ఉత్పత్తులు, బ్యూటీ ట్రీట్మెంట్ ఉండాలని  అనుకుంటూ ఉంటారు.  కానీ నిజమేంటంటే అలాంటివి అవసరం లేదు. స్మార్ట్ స్కిన్ కేర్, సరైన మేకప్ చిట్కాలు,  గ్లో ట్రిక్స్‌తో.. ఇంట్లోనే పర్పెక్ట్ పార్టీ లుక్స్ ను మీ సొంతం చేసుకోవచ్చు. ఇందుకోసం ఏం చేయాలో తెలుసుకుంటే.. అందాన్ని పెంచే సులభమైన గ్లో చిట్కాలు.. పార్టీకి ముందు..   ఏదైనా మేకప్‌కి బలమైన బేస్ అవసరం.  ఇందుకోసం  చర్మం ప్రిపేర్ కాకపోతే,  మేకప్ ఎంత బాగున్నప్పటికీ, అది అంత బాగా కనిపించదు. పార్టీకి ముందు  చర్మాన్ని పూర్తిగా శుభ్రం చేసుకోవాలి. చర్మ రంధ్రాలను క్లియర్ చేయడానికి,   చర్మాన్ని మృదువుగా చేయడానికి టోనర్‌ను అప్లై చేయాలి. దీని తర్వాత తేలికపాటి మాయిశ్చరైజర్‌ను వాడాలి. ఇది  చర్మాన్ని హైడ్రేట్ చేయడమే కాకుండా మేకప్ ఎక్కువసేపు ఉండటానికి కూడా సహాయపడుతుంది. బేస్ మేకప్..  బేస్ మేకప్‌లో ఫస్ట్ స్టెప్ ప్రైమర్ అప్లై చేయడం. ప్రైమర్  ఫౌండేషన్ సజావుగా కలపడానికి, క్రాక్స్   నివారించడానికి సహాయపడుతుంది. చర్మపు రంగుకు సరిపోయే ఫౌండేషన్‌ను ఎంచుకుని, దానిని పూర్తిగా బ్లెండ్ చేయాలి.  నల్లటి మచ్చలు లేదా పిగ్మెంటేషన్ ఉంటే వాటిని తేలికపాటి కన్సీలర్‌తో కప్పాలి. ఇది  ముఖాన్ని తాజాగా,  కంప్లీట్ గా  కనిపించేలా చేస్తుంది. ఐ మేకప్.. పార్టీ లుక్ కోసం ఐ మేకప్ చాలా ముఖ్యం.  కళ్ళకు మెరుపు,  కళ్ల సైజ్, కళ్లు అట్రాక్షన్ గా కనిపించడానికి  ఐషాడోను ఉపయోగించవచ్చు.  ఐలైనర్ అంచులుగా ఉండేలా చేసి,  హెవీ మస్కారాను అప్లై చేయడం  ద్వారా  కంటి మేకప్‌కు గ్లామర్‌ను జోడించవచ్చు. కావాలనుకుంటే లుక్‌ను డ్రామాటిక్ గా,  పార్టీకి తగ్గట్టు మరింత హైలెట్ చేయడానికి   ఐ లాషెస్ కూడా పెట్టుకోవచ్చు. మెరిసే లుక్ కోసం.. చర్మం సహజంగా,  తాజాగా మెరిసిపోవాలంటే హైలైటర్, బ్లష్,  డ్యూయ్ ఫినిష్ సెట్టింగ్ స్ప్రే చాలా ముఖ్యం.  చెంప ఎముకలు, ముక్కు,  గడ్డంపై తేలికపాటి హైలైటర్‌ను అప్లై చేయాలి. ఇది  ముఖాన్ని మెరిసేలా చేయడమే కాకుండా పార్టీ లైట్లలో షైనింగ్ ఇస్తుంది.  లుక్‌ను తాజాగా,  యవ్వనంగా ఉంచడానికి  బ్లష్‌ను లైట్ గా, నాచురల్ గా   ఉంచాలి.  మేకప్ ఎక్కువ సేపు ఉండాలంటే.. మేకప్ వేసుకున్న తర్వాత సెట్టింగ్ స్ప్రే వేయడం చాలా అవసరం. ఇది  లుక్‌ను తాజాగా ఉంచుతుంది,  అలాగే తొందరగా చెదిరిపోకుండా  ప్రొటెక్ట్ చేస్తుంది.  పార్టీ సమయంలో  ముఖాన్ని పదే పదే తాకకుండా ఉండటం చాలా ముఖ్యం.  ఇది  మేకప్‌ ఎక్కువసేపు  చెదిరిపోకుండా ఉండటంలో సహాయపడుతుంది.                            *రూపశ్రీ.

రక్తం తక్కువ ఉన్నప్పుడు ఏం తినాలి.. ప్రతి జీవికి రక్తం ప్రదానమైనది.  ఆహారం ద్వారా లభించే శక్తి రక్తం ద్వారానే శరీర అవయవాలకు చేరుతుంది.  ఆక్సిజన్ సరఫరాకు రక్తమే ప్రధానం,  శరీర అవయవాలు సమర్థవంతంగా పనిచేయాలన్నా, గుండె పనితీరు బాగుండాలన్నా, ముఖ్యంగా మహిళలకు నెలసరి సమస్యలు లేకుండా ఆరోగ్యం బాగుండాలన్నా,  కడుపులో బిడ్డ ఆరోగ్యంగా ఎదగాలన్నా,  సుఖ ప్రసవం జరగాలన్నా ప్రధానమైనది రక్తమే. రక్తంలో  రెండు ముఖ్యమైన భాగాలు ఉంటాయి.  ఒకటి ఎర్ర రక్త కణాలు, రెండవది  హిమోగ్లోబిన్. ఇవి రక్త స్థాయిలను నిర్ణయిస్తాయి. రక్తంలో ఎర్ర రక్త కణాల సంఖ్య సాధారణం కంటే తక్కువగా ఉన్నప్పుడు లేదా హిమోగ్లోబిన్ స్థాయి తగ్గినప్పుడు రక్తహీనత అనే సమస్య వస్తుంది. రక్తహీనత  మొత్తం శరీర పనితీరును దెబ్బతీస్తుంది. ఇది అలసట, బలహీనత, చర్మం పాలిపోవడం, శ్వాస ఆడకపోవడం,  హృదయ స్పందనలు వేగంగా ఉండటం,కాళ్లు, చేతులు చల్లగా ఉండటం,  తలనొప్పి అధికంగా ఉండటం వంటి సమస్యలకు  కారణమవుతుంది. ఇది  మెదడు ఆరోగ్యాన్ని కూడా ప్రభావితం చేస్తుంది. ఐరన్ కు రక్తానికి మధ్య సంబంధం.. శరీరంలో రక్త స్థాయిలు ఆరోగ్యంగా ఉండటానికి  ఐరన్ చాలా  అవసరం.  ఎందుకంటే ఇది హిమోగ్లోబిన్‌ను ఉత్పత్తి చేయడంలో సహాయపడుతుంది. ఊపిరితిత్తుల నుండి శరీరంలోని మిగిలిన భాగాలకు ఆక్సిజన్‌ను తీసుకెళుతుందని. రక్తహీనతకు యాపిల్ .. రక్తహీనతకు యాపిల్  తినడం చాలా మంచి మార్గమని వైద్యులు చెబుతున్నారు. యాపిల్స్ లో ఐరన్  పుష్కలంగా ఉంటుంది. ప్రతిరోజూ యాపిల్స్ తినడం వల్ల ఐరన్  తిరిగి లభిస్తుంది.  రక్త స్థాయిలు మెరుగుపడతాయి. యాపిల్స్ చాలా పోషకమైన పండు. కానీ రక్తాన్ని పెంచడానికి చాలామంది   దానిమ్మపండ్లను సజెస్ట్ చేస్తుంటారు. కానీ యాపిల్స్ రక్తాన్ని పెంచడంలో చాలా గ్రేట్ గా సహాయపడుతుంది. యాపిల్ లో ఐరన్ కంటెంట్.. 1 కప్పు తొక్క తీసిన ఆపిల్ ముక్కలలో 0.8mg ఐరన్  ఉంటుంది. పురుషులకు రోజుకు 8mg ఐరన్  అవసరం,  స్త్రీలకు ఇంకా  ఎక్కువ అవసరమవుతుంది. యాపిల్  తింటే కలిగే ఇతర బెనిఫిట్స్.. యాపిల్ పండు బరువును నిర్వహించడానికి సహాయపడుతుంది.  యాపిల్స్ లో  విటమిన్ సి, పొటాషియం, ఫైబర్ తో పాటు నీటి శాతం కూడా మెరుగ్గా ఉంటాయి.  కాబట్టి రక్తహీనత ఉన్నవారు వీలైనంత వరకు యాపిల్స్ ను తింటూ ఉంటే చాలా మంచి ప్రయోజనాలు ఉంటాయి.                              *రూపశ్రీ.  

పిల్లల పాదాలను మసాజ్ చేస్తే ఇన్ని బెనిఫిట్స్ ఉంటాయని తెలుసా.. పుట్టిన పిల్లల లైఫ్ స్టైల్ లో మసాజ్ అనేది కీలకంగా ఉంటుంది. బిడ్డ పుట్టినప్పటి నుంచి ప్రతిరోజూ పాదాలకు మసాజ్ చేయడం చాలా ముఖ్యం. బేబీకి మసాజ్ చేయడం వల్ల చాలా ప్రయోజనాలు ఉన్నాయి. మంచి మసాజ్ రోజంతా అలసట,  నొప్పి నుండి ఉపశమనం పొందడానికి, రాత్రి సమయంలో హాయిగా నిద్రపోవడానికి సహాయపడుతుంది. నవజాత శిశువుల నుండి పరిగెత్తే పిల్లల వరకు..  పాదాలకు మసాజ్ చేయడం వారి శారీరక అభివృద్ధికి మాత్రమే కాకుండా వారి మానసిక,  భావోద్వేగ అభివృద్ధికి కూడా సహాయపడుతుంది. పిల్లల పాదాలను మసాజ్ చేయడం వల్ల కలిగే ప్రయోజనాలు ఏమిటి? పాదాలను మసాజ్ చేసేటప్పుడు ఎటువంటి జాగ్రత్తలు తీసుకోవాలి? తెలుసుకుంటే.. పిల్లల పాదాలకు మసాజ్ ఎందుకు చేయాలి? పాదాల మసాజ్ పిల్లలలో ఒత్తిడిని తగ్గించడంలో సహాయపడుతుంది. చాలాసార్లు పిల్లలు స్కూల్,  చదువు లేదా సామాజిక ఒత్తిడి కారణంగా ఒత్తిడికి గురవుతారు.  ఇలాంటి పరిస్థితులలో పాదాల మసాజ్ మెదడును శాంతపరచడానికి,  విశ్రాంతి తీసుకోవడానికి సహాయపడుతుంది. బాగా నిద్రపోవడానికి సహాయపడుతుంది.. పాదాల మసాజ్ పిల్లలు బాగా నిద్రపోవడానికి సహాయపడుతుంది. పాదాల మసాజ్ నాడీ వ్యవస్థను ప్రశాంతపరుస్తుంది. ఇది ప్రశాంతంగా,  గాఢంగా నిద్రపోవడానికి సహాయపడుతుంది. ఇది పిల్లల మెరుగైన శారీరక,  మానసిక అభివృద్ధికి దారితీస్తుంది. రక్త ప్రసరణను మెరుగుపరచడంలో సహాయపడుతుంది.. పాదాలలో రక్త ప్రసరణను మెరుగుపరుస్తుంది. ఇది కండరాలకు ఆక్సిజన్ అందించడానికి పనిచేస్తుంది. ఇది పిల్లల శక్తిని పెంచుతుంది. మసాజ్ చేయని పిల్లలతో పోలిస్తే మసాజ్ చేసే పిల్లలు మరింత చురుకుగా చదవగలరు,  ఆడగలరు. రోగనిరోధక శక్తిని పెంచడంలో సహాయపడుతుంది.. పాదాల రిఫ్లెక్సాలజీ శిశువులు,  పిల్లలకు అనేక ప్రయోజనాలను అందిస్తుంది. ఇది రోగనిరోధక శక్తిని పెంచడం ద్వారా అనేక వ్యాధులతో పోరాడే సామర్థ్యాన్ని పెంచుతుంది. కండరాల నొప్పిని తగ్గించడంలో సహాయపడుతుంది.. పిల్లల పాదాలు ఆటలు ఆడిన తర్వాత నొప్పిగా లేదా అలసిపోయినట్లు అనిపించవచ్చు. పాదాల మసాజ్ కండరాలను సడలించడం ద్వారా నొప్పిని తగ్గిస్తుంది. పాదాలను మసాజ్ చేసేటప్పుడు, పిల్లలతో సమయం గడుపడటం వల్ల పిల్లలకు, తల్లిదండ్రులకు మధ్య   భావోద్వేగ బంధం బలపడుతుంది. జీర్ణవ్యవస్థ.. పాదాలపై కొన్ని రిఫ్లెక్స్ పాయింట్లు జీర్ణవ్యవస్థకు సంబంధించినవి ఉంటాయి. వాటిని మసాజ్ చేయడం వల్ల పిల్లలలో మలబద్ధకం, అపానవాయువు,  కడుపు నొప్పి వంటి సమస్యల నుండి ఉపశమనం లభిస్తుంది. ఈ జాగ్రత్తలు తీసుకోవాలి.. కొబ్బరి లేదా బాదం వంటి నూనెలను ఉపయోగించి పిల్లలకు మసాజ్ చేయడం మంచిది. శిశువు చర్మం సున్నితంగా ఉంటుంది. కాబట్టి మసాజ్ చేసేటప్పుడు ఎక్కువ ఒత్తిడి పెట్టకూడదు.  బిడ్డకు ఏవైనా గాయాలు లేదా చర్మ సంబంధిత సమస్యలు ఉంటే మసాజ్ చేయడం మంచిది కాదు.                                     *రూపశ్రీ.

Aracheta Gorinta / Mehendi / Gorinta Designs / Mehndi / Learn Simple & Easy Mehendi Designs / Learn Gorintaku Designs / Learn Tattoo Designs / Henna Designs

ఆడవాళ్లు ఇంటి నుండే డబ్బు సంపాదించడానికి భలే మార్గాలు..! నేటికాలంలో ఆడవారు ఆర్థిక స్వాతంత్ర్యం కలిగి ఉండాలని అనుకుంటారు. అది వారి సొంత ఖర్చుల కోసమైనా కావచ్చు, తమ కుటుంబాన్ని ఆర్థికంగా బలపరిచేందుకు అయినా కావచ్చు.  డబ్బు సంపాదించాలని కోరుకుంటారు.  అయితే కొందరు బయటకు వెళ్లి ఉద్యోగాలు చేస్తారు, మరికొందరు ఇంటి నుండే ఉద్యోగాలు కూడా చేస్తుంటారు. కానీ బయటకు వెళ్ళి ఉద్యోగాలు చేయలేక, ఇంటి నుండి ఉద్యోగం చేసే అవకాశం లేని వారు చాలా మంది ఉంటున్నారు. పిల్లలను చూసుకోవడానికి లేదా సరైన అవకాశాలు లేక ఇంటిపట్టున ఉండే మహిళలు చాలా మంది ఉన్నారు. ఇంటిపట్టునే ఉంటూ ఏదో ఒక వర్క్ చేస్తూ డబ్బు సంపాదించాలనే ఆశ మాత్రం చాలామందిలో ఉంటుంది.  అలాంటి మహిళల కోసం ఇంటి నుండి వర్క్ చేసేందుకు అద్బుతమైన సంపాన మార్గాలు ఉన్నాయి. అవేంటో తెలుసుకుంటే.. కంటెంట్ రైటింగ్.. చదవడం, రాయడం అనే హాబీ ఉన్న ప్రతి ఒక్కరు కంటెంట్ రైటర్ గా మారవచ్చు.  బ్లాగులు రాయడం, వెబ్‌సైట్లకు ఆర్టికల్స్ రాయడం, యూట్యూబ్ ఛానెల్స్ కు స్క్రిప్ట్ లు రాయడం వంటివి చేయవచ్చు. వీటి వల్ల ఆదాయం కూడా బాగుంటుంది. ఆన్ లైన్ ట్యూటరింగ్.. చాలా మంది ఆన్లైన్ ట్యూటరింగ్ ద్వారా తమకు బాగా వచ్చిన సబ్జెక్ట్ ను బోధిస్తుంటారు.  బ్యాచుల ప్రకారం క్లాసులు తీసుకుని బోధించడం వల్ల మంచి సంపాదన కూడా ఉంటుంది. కేవలం పిల్లలకు బోధించడమే కాదు.. ఆన్లైట్ లో డాన్స్,  కుకింగ్, మ్యూజిక్ వంటివి ఏవైనా బోధించవచ్చు. సోషల్ మీడియా మేనేజ్మెంట్.. సోషల్ మీడియా గురించి మంచి అవగాహన,  తాజా ట్రెండ్స్ గురించి తెలిస్తే పార్ట్ టైమ్ సోషల్ మీడియా మేనేజ్మెంట్ వర్క్ కూడా చేయవచ్చు. డేటా ఎంట్రీ.. డేటా ఎంట్రీ వర్క్ ను ఇంటి నుండే సులభంగా చేయవచ్చు. రోజులో కొన్ని గంటలు డేటా ఎంట్రీ వర్క్ కోసం కేటాయిస్తే సరిపోతుంది. దీని నుండి ఆదాయం కూడా బాగానే ఉంటుంది. గ్రాఫిక్ డిజైనింగ్.. ఈరోజుల్లో వెబ్లైట్లు,  యూట్యూబ్, ఇన్స్టాగ్రామ్ మొదలైన వాటికి గ్రాఫిక్ డిజైనర్ల అవసరం చాలా ఉంటోంది. దీనిని కాన్వా లో లేదా ఇతర గ్రాఫిక్ డిజైనింగ్ సైట్లలో ప్రారంభించి ఫ్రీలాన్సింగ్ ద్వారా మంచి ఆదాయం పొందవచ్చు. యూట్యూబ్.. యూట్యూబ్ ఛానెల్ ద్వారా డబ్బులు సంపాదించడం ఇప్పట్లో చాలా ఎక్కువ అయిపోయింది. వంట చేయడం,  పాటలు పాడటం,  డాన్స్,  బ్యూటీ టిప్స్, ఏదైనా ఇంటరెస్టింగ్ విషయాలు చెప్పడం.. ఇలా యూట్యూబ్ లో సంపాదించడానికి ఒక ప్రత్యేకమైన విషయం అంటూ ఏదీ లేదు.  విభిన్నంగా ప్రెజెంట్ చేస్తూ వీక్షకులను ఆకర్షిస్తూ ఉంటే సంపాదన సులువే. టైలరింగ్.. టైలరింగ్ చేసే మహిళలు కేవలం లోకల్ గానే తమకు పని ఉంటుందని అనుకుంటారు. కానీ ఇన్స్టాగ్రామ్,  వాట్సాప్,  మీషో, ఫ్లిప్కార్ట్ లలో తాము సొంతంగా డిజైన్ చేసిన దుస్తులను, ఉత్పత్తులను అమ్మడం ద్వారా మెరుగైన సంపాదన సాధ్యమే. లంచ్ సర్వీస్.. ఇంటి బోజనం కావాలనుకునే చాలా మంది ఉద్యోగస్థులు ఉంటారు.  కొందరు ఇంటి బోజనం దొరకక ఇబ్బంది పడుతూ ఉంటారు. అలాంటి వారి కోసం ఇంటి నుండి సర్వీస్ ప్రారంభించవచ్చు.  ప్రతిరోజూ కొంతమందికి లంచ్ బాక్స్ పంపడం ద్వారా మంచి ఆదాయం వస్తుంది.                                   *రూపశ్రీ.