శీతాకాలంలో కూడా స్ట్రైలిష్ గా కనిపించాలంటే.. ఈ టిప్స్ ట్రై చేయండి..! చలికాలం వచ్చేసింది.  చలి అనగానే అమ్మాయిలు చర్మం గురించి చాలా భయపడతారు. ఒకవైపు చర్మాన్ని సంరక్షించుకుంటూనే మరొకవైపు స్టైలిష్ గా కూడా  కనిపించాలని అనుకుంటారు.  మరీ ముఖ్యంగా కాలేజ్,  ఆఫీస్ లకు వెళ్లే అమ్మాయిలు, మహిళలు, వ్యాపారం చేసే మహిళలు చాలా అందంగా కనిపించడం కూడా చాలా ముఖ్యం.  ఈ శీతాకాలంలో అటు చర్మాన్ని కాపాడుకుంటూ  ఇటు ఫ్యాషన్ గా, స్టైల్ గా కనిపించాలంటే కొన్ని చిట్కాలు పాటించాలి. అవేంటో తెలుసుకుంటే.. స్మార్ట్ లేయరింగ్.. శీతాకాలంలో స్టైలిష్ గా కనిపించడానికి మంచి మార్గం స్మార్ట్ లేయరింగ్. బాగా మందంగా ఉన్న దుస్తులకు బదులుగా తేలికైన, ఫిట్టెడ్ లేయర్‌లను ఎంచుకోవాలి. కింద చొక్కా లేదా టర్టిల్‌నెక్ ధరించి, దానిపై బ్లేజర్ లేదా లాంగ్ కోటు వేసుకోవాలి. ఇది  సూపర్ లుక్ క్రియేట్ చేస్తుంది. అలాగే  శరీరాన్ని వెచ్చగా ఉంచుతుంది.   రంగులు.. ఆఫీసులో ప్రొఫెషనల్ లుక్  కంటిన్యూ కావాలంటే లేత గోధుమరంగు, బూడిద రంగు, గోధుమ రంగు,  నలుపు వంటి  టోన్‌లను ఎంచుకోవాలి. ఈ రంగులు హైలేట్ గా  కనిపించడమే కాకుండా ఇతర ఏ కాంబినేషన్  రంగుకైనా సులభంగా సరిపోతాయి. ముఖ్యంగా  బ్లేజర్ కొంటుంటే పైన చెప్పుకున్న రంగులను ఎంచుకోవడం మేలు. స్కార్ఫ్ లు,  శాలువాలు.. స్కార్ఫ్‌లు,  శాలువాలు శీతాకాలంలో వెచ్చగా ఉండటానికి మాత్రమే కాదు..  మొత్తం లుక్‌కి సెంటరాఫ్ అట్రాక్షన్ గా కూడా ఉంటాయి.   దుస్తులకు స్టైల్ జోడించడానికి సిల్క్ లేదా ఉన్ని ఫాబ్రిక్‌తో ప్రింటెడ్ స్కార్ఫ్‌ను ఎంచుకోవాలి. శాలువాను మంచి ఫ్యాషన్ స్టైల్స్ లో ధరించడం వల్ల  మార్గాల్లో  ఫ్యాషన్ సెన్స్ పెరుగుతుంది. క్లాసిక్ పుట్ వేర్.. ఆఫీసు లుక్‌లో ఫుట్‌వేర్ ఒక ముఖ్యమైన భాగం. శీతాకాలంలో లెదర్ బూట్లు, లోఫర్‌లు లేదా క్లోజ్డ్ హీల్స్ స్టైలిష్‌గా ఉండటమే కాకుండా ట్రెండీగా  కూడా ఉంటాయి. నలుపు లేదా లేత గోధుమ రంగు ఫుట్‌వేర్ ప్రతి దుస్తులకు సరిపోతుంది.  లుక్‌ కంప్లీట్ గా సూపర్ గా కనిపించడానికి బూట్లు శుభ్రంగా,  పాలిష్ చేసుకుని ధరిస్తే సూపర్ గా కంప్లీట్ లుక్ సొంతమవుతుంది. మేకప్, జ్యువెలరీ.. ఆఫీసులో భారీ మేకప్ లేదా అతిగా జ్యువెలరీ  వేసుకోకూడదు. అతిగా వెళ్లే బదులు లైట్ గా  ఫౌండేషన్, న్యూడ్ లిప్‌స్టిక్,  కొద్దిగా మస్కారా సరిపోతుంది. జ్యువెలరీ అయితే  చిన్న స్టడ్‌లు, వాచ్ లేదా సన్నని గొలుసును ఎంచుకోవాలి. ఇది  లుక్‌ను ప్రొఫెషనల్‌గా,  అట్రాక్షన్ గా  ఉంచుతుంది.                                  *రూపశ్రీ.

మహిళల్లో అత్యంత ప్రాణాంతకర క్యాన్సర్ ఇదే.. దీని గురించి తప్పక తెలుసుకోవాలి!   ప్రపంచవ్యాప్తంగా మరణాలకు ప్రధాన కారణాలలో క్యాన్సర్ ఒకటి.  అన్ని రకాల క్యాన్సర్‌లతో ప్రతి సంవత్సరం మిలియన్ల మంది ప్రజలు మరణిస్తున్నారు. అయితే కొన్ని రకాల క్యాన్సర్లు మహిళలను మాత్రమే ప్రభావితం చేస్తాయి.  గర్భాశయ క్యాన్సర్ అలాంటి తీవ్రమైన సమస్య.  2020లో గర్భాశయ క్యాన్సర్ 6.04 లక్షల కొత్త కేసులు,  3.42 లక్షల కంటే ఎక్కువ మరణాలు చేసింది.  ప్రపంచవ్యాప్తంగా మహిళల్లో నాల్గవ అత్యంత సాధారణ క్యాన్సర్ . ప్రపంచవ్యాప్తంగా మహిళలను ప్రభావితం చేసే ఈ ఆరోగ్య   సమస్య గురించి ప్రజల్లో అవగాహన పెంచడం,  నివారణ, స్క్రీనింగ్,  చికిత్స గురించి మహిళలకు అవగాహన కల్పించే లక్ష్యంతో జనవరి నెలను 'సర్వికల్ క్యాన్సర్ అవేర్‌నెస్ నెల'గా జరుపుకుంటారు. సర్వైకల్ క్యాన్సర్.. సర్వైకల్ క్యాన్సర్  గర్భాశయంలో వచ్చే క్యాన్సర్. ఇది యోనితో అనుసంధానించబడిన గర్భాశయం యొక్క దిగువ భాగం. ఈ క్యాన్సర్ తరచుగా నెమ్మదిగా అభివృద్ధి చెందుతుంది.  దీని లక్షణాలను గుర్తించడం కష్టం. హ్యూమన్ పాపిల్లోమావైరస్ (HPV) గర్భాశయ క్యాన్సర్  రావడానికి  అత్యధిక  కారణమవుతుంది. HPV అనేది లైంగిక సంపర్కం ద్వారా వ్యాపించే ఒక సాధారణ అంటువ్యాది. శరీరం  రోగనిరోధక వ్యవస్థ HPV వైరస్‌ను నాశనం చేయగలిగినప్పటికీ తక్కువ శాతం మంది వ్యక్తులలో వైరస్ సంవత్సరాలు శరీరంలోనే ఉండి క్యాన్సర్‌కు కారణమవుతుంది. గర్భాశయ క్యాన్సర్  లక్షణాలు.. సాధారణంగా గర్భాశయ క్యాన్సర్  ప్రారంభ దశలలో ఎటువంటి లక్షణాలు కనిపించవు, అందుకే దాని ప్రమాదం ఎక్కువగా ఉండే అవకాశం ఉంది. ఈ క్యాన్సర్ అభివృద్ధి చెందుతున్నప్పుడు, కొన్ని లక్షణాలు స్పష్టంగా కనిపిస్తాయి, వీటి గురించి  శ్రద్ధ చూపడం చాలా ముఖ్యం. సంభోగం తర్వాత లేదా పీరియడ్స్ లేకపోయినా, లేదా  మెనోపాజ్ తర్వాత యోనిలో రక్తస్రావం. భారీ ఋతు రక్తస్రావం లేదా సాధారణం కంటే ఎక్కువ కాలం ఉండటం. యోని ద్వారం దుర్వాసన. సంభోగం సమయంలో పెల్విక్ ప్రాంతంలో తీవ్రమైన నొప్పి. ఈ క్యాన్సర్ వచ్చే ప్రమాదం ఎవరికి ఉంటుంది? ఆరోగ్య నిపుణుల ప్రకారం కొన్ని పరిస్థితులు ఈ క్యాన్సర్ ప్రమాదాన్ని పెంచుతాయి.  ఒకటి కంటే ఎక్కువ మంది వ్యక్తులతో లైంగిక సంబంధం కలిగి ఉన్నా. లైంగిక భాగస్వాములు ఎక్కువ సంఖ్యలో పాల్గొన్నా ఈ క్యాన్సర్ వచ్చే ప్రమాదం ఎక్కువ. ఇది కాకుండా చిన్న వయస్సులో సెక్స్ చేయడం కూడా HPV ప్రమాదాన్ని పెంచుతుంది. లైంగికంగా సంక్రమించే అంటువ్యాధులు (STIలు) కూడా ఈ క్యాన్సర్ ప్రమాదాన్ని పెంచుతాయి.  రోగనిరోధక వ్యవస్థ మరొక దీర్ఘకాలిక ఆరోగ్య సమస్యతో బలహీనపడి  HPV ఇన్ఫెక్షన్ వస్తే గర్భాశయ క్యాన్సర్‌ కు గురయ్యే అవకాశం చేసే అవకాశం ఎక్కువగా ఉంటుంది. ధూమపానం గర్భాశయ క్యాన్సర్ ప్రమాదాన్ని కూడా పెంచుతుంది. ధూమపానం చేసే  మహిళలకు HPV ఇన్ఫెక్షన్ ఎక్కువ కాలం ఉండచ్చు. గర్భాశయ క్యాన్సర్‌ను ఎలా నివారించాలి? కొన్ని జాగ్రత్తలు పాటిస్తే సర్వైకల్‌ క్యాన్సర్‌ను అరికట్టవచ్చని ఆరోగ్య నిపుణులు అంటున్నారు. దీని కోసం HPV వ్యాక్సిన్ తీసుకోవడం చాలా ముఖ్యం. HPV సంక్రమణను నివారించడానికి టీకాలు వేయడం గర్భాశయ క్యాన్సర్,  ఇతర HPV సంబంధిత వ్యాధుల ప్రమాదాన్ని తగ్గిస్తుంది. HPV వ్యాక్సిన్  సరైనదా, కాదా అని  వైద్యుడిని అడగి తీసుకోవాలి.  ఇది కాకుండా డాక్టర్ సలహాపై రెగ్యులర్  పరీక్ష చేయించుకోవాలి. పాప్ పరీక్ష గర్భాశయంలో క్యాన్సర్ పరిస్థితులను గుర్తించడంలో సహాయపడుతుంది.                                                        *నిశ్శబ్ద.

చలి కాలాల్లో పిల్లల చర్మ సమస్య గురించి షాకింగ్ నిజాలు..! వర్షాకాలం, చలి కాలంలో చిన్న పిల్లల్లో చర్మ సమస్యలు..  ముఖ్యంగా దురదలు, ర్యాషెస్, చర్మంపై ఎర్రటి మచ్చలు చాలా సాధారణం. కానీ ఇవి ఎందుకు వస్తాయి, ఎప్పుడు ఇంటి చిట్కాలు సరిపోతాయి, ఎప్పుడు వైద్యుడి వద్దకు వెళ్లాలి అనే విషయం చాలా మందికి స్పష్టంగా తెలియదు. దీని వల్ల కొన్నిసార్లు పిల్లల సమస్య పెరగడం లేదా సమస్య పెద్దగా లేకున్నా వైద్యుల వద్దకు వెళ్ళడం వల్ల వైద్య ఖర్చు ఎక్కువగా రావడం వంటివి కూడా జరుగుతాయి. అటు పిల్లల ఆరోగ్యం బాగుండాలన్నా, అతిగా వైద్య ఖర్చుకు ఉండకూడదు అన్నా.. చలికాలంలో పిల్లలకు వచ్చే చర్మ సమస్యల గురించి,వాటిని ఇంట్లోనే తగ్గించుకోవడం గురించి తెలుసుకోవాలి..  వర్షం–చలి కాలంలో పిల్లల్లో దురదలు, ర్యాషెస్ ఎందుకు వస్తాయి? చలి వాతావరణం & పొడి చర్మం.. చల్లటి గాలి కారణంగా చర్మంలో తేమ తగ్గిపోతుంది. ఇది dry skin dermatitis లేదా winter rash అనే స్థితిని కలిగిస్తుంది. తడి బట్టలు లేదా చర్మంపై తేమ ఎక్కువగా ఉండడం.. వర్షపు నీరు, చెమట లేదా తడి బట్టలు ఎక్కువసేపు ఉండడం వల్ల fungal infection లేదా హీట్ ర్యాష్ వస్తుంది. సబ్బులు లేదా డిటర్జెంట్ల ప్రభావం.. ఎక్కువ సుగంధ ద్రవ్యాలు ఉన్న సబ్బులు, డిటర్జెంట్లు చిన్నారుల చర్మానికి హానికరం. బ్యాక్టీరియా/ఫంగల్ ఇన్ఫెక్షన్లు వర్షాకాలంలో  సూక్ష్మజీవులు వేగంగా పెరుగుతాయి, ప్రత్యేకంగా చెమట ఎక్కువగా వచ్చే ప్రదేశాలైన గోళ్ల మధ్య, మడమల దగ్గర, కాళ్ళ కింద, మెడ చుట్టూ. ఇంట్లోనే సులువుగా చేసుకొదగ్గ సేఫ్ చిట్కాలు చర్మం తడిగా కాకుండా ఉంచడం పిల్లల బట్టలు పూర్తిగా పొడిగా ఉన్నాయా లేదా చూసుకోవాలి. తడిగా ఉంటే వెంటనే మార్చాలి. నేచురల్ ఆయిల్ మాయిశ్చరైజర్.. రోజూ స్నానం తర్వాత కొబ్బరి నూనె లేదా బాదం నూనెను పలుచగా రాసి మసాజ్ చేయాలి. ఇది చర్మాన్ని తేమతో ఉంచి దురదను తగ్గిస్తుంది.  స్నానానికి సహజ చిట్కాలు స్నానానికి చాలా వేడి నీరు కాకుండా  సాధారణ గోరువెచ్చని నీరు ఉపయోగించడం మంచిది.  సబ్బు బదులు వారానికి 2-3సార్లు  సెనగపిండి + పాలు + తేనె మిశ్రమంతో శుభ్రం చేయవచ్చు. ఓట్స్ బాత్.. ఒక కప్పు ఓట్స్ పొడి చేసుకుని స్నానానికి నీటిలో కలిపితే దురద, ర్యాషెస్ తగ్గుతాయి. బట్టల జాగ్రత్తలు సున్నితమైన నూలు బట్టలు వేయడం మంచిది.  కొత్త బట్టలు మొదటిసారి వేసే ముందు ఒకసారి వాష్ చేసి తర్వాత వేయడం  మంచిది. పిల్లకు తగినంత నీరు తాగించాలు.. చలి కాలంలో పిల్లలు నీరు తక్కువ తాగుతారు, దాంతో చర్మం ఇంకా పొడిగా మారుతుంది.  వైద్యుడి వద్దకు ఎప్పుడు వెళ్ళాలి? ర్యాష్ ఎర్రగా పాకిపోవడం లేదా పుస్ రావడం. బుడగలు, చర్మం ఊడిపోవడం. పిల్లకు జ్వరం రావడం లేదా అసహనం, నిద్రలేమి. దురద చాలా ఎక్కువగా ఉండి రాత్రి నిద్రపట్టకపోవడం. కళ్ళ చుట్టూ లేదా జననేంద్రియాల దగ్గర ర్యాషెస్ రావడం. చర్మం పగలడం, రక్తం కారడం, లేదా తీవ్రమైన పొడిబారడం. వంటి సమస్యలు ఉంటే ఇంటి చిట్కాలు సరిపోవు. డాక్టర్ ట్రీట్మెంట్ అవసరం అవుతుంది. . ఈ జాగ్రత్తలు కూడా.. పిల్లల చర్మం చాలా సున్నితంగా ఉంటుంది. ఏ నూనె లేదా చిట్కా వాడే ముందు ఒక చిన్న ప్రదేశంలో ప్యాచ్ టెస్ట్ చేయాలి. సుగంధ ద్రవ్యాలు, రంగులు ఉన్న ఉత్పత్తులను దూరంగా ఉంచాలి. చల్లటి కాలంలో రోజుకు ఒకసారి మాత్రమే స్నానం చేయించాలి. .                   *రూపశ్రీ.

Aracheta Gorinta / Mehendi / Gorinta Designs / Mehndi / Learn Simple & Easy Mehendi Designs / Learn Gorintaku Designs / Learn Tattoo Designs / Henna Designs

దీపాలకాంతితో అమ్మాయిల  అందం పోటీ పడాలంటే ఇలా చెయ్యాల్సిందే!  దీపావళి భారతదేశ ప్రజలందరూ పెద్ద ఎత్తున సంతోషంగా జరుపుకునే పండుగ. అందుకే ఎక్కడ చూసినా ఈ పండుగ వైభవం కనిపిస్తుంది. ఇది హిందూ మతానికి చాలా  ప్రత్యేకమైన పండుగ.   ప్రతి ఏడాది దీన్ని చాలా గొప్పగా  జరుపుకుంటారు. దీపావళి సందర్బంగా ఇళ్లను అలంకరించుకోవడం, ఇంటి ముంగిట రంగురంగుల ముగ్గులు వేయడం , ఇల్లంతా దీపాలు వెలిగించడం వంటివి చేస్తారు.  కొత్త బట్టలు ధరించి లక్ష్మీదేవిని పూజిస్తారు. ముఖ్యంగా దీపావళి సందర్బంగా  అమ్మాయిలు తమ అందంలో  దీపాల కాంతితో పోటీ పడాలని ప్రయత్నిస్తారు. అయితే  ఈ దీపాల పండుగలో  డిఫరెంట్‌గా కనిపించాలన్నా గులాబీ లాంటి అందంతో మెరిసిపోవాలన్నా ఈ కింది టిప్స్ పాటించాలి.. దీపావళికి ఇంకా ఒకరోజే సమయం ఉంది. ఈ సందర్బంగా  ఇంట్లో తయారుచేసిన ఫేస్ ప్యాక్‌,  మాస్క్‌లను ఉపయోగించడం మంచిది.  కావాలంటే  చర్మానికి సరిపోయే ఫేషియల్ కూడా చేసుకోవచ్చు. దీని వల్ల చర్మానికి లోపల నుండి జీవం వస్తుంది,  ముఖానికి రక్త ప్రసరణ పెరుగుతుంది, ఇది దీపావళి నాటికి  ముఖం మెరిసేలా చేస్తుంది. చాలామంది అమ్మాయిలు  తమ ముఖాన్ని సాధారణ ఫేస్ వాష్‌తో కడగడం ద్వారా శుభ్రం చేసుకుంటారు, అయితే కొన్నిసార్లు హడావిడిలో   ముఖాన్ని శుభ్రం చేయడానికి తగినంత సమయం ఉండదు. ఏదైనా క్లెన్సింగ్ ఏజెంట్‌తో ముఖాన్ని శుభ్రం చేసుకోవాలి.  ఇందుకోసం పచ్చి పాలలో కాటన్‌ను నానబెట్టి ముఖానికి మసాజ్ కూడా చేసుకోవచ్చు. మసాజ్ చేసిన తర్వాత 5 నిమిషాల పాటు అలాగే ఉంచి తర్వాత నీళ్లతో కడిగేయాలి. ఇలా చేయడం వల్ల ముఖ చర్మం శుభ్రంగా,  మేకప్‌కు చేసుకోవడానికి అనువుగా  స్మూత్‌గా మారుతుంది. దీపావళి పండుగ  రోజున మేకప్ చేసేటప్పుడు ఎక్కువగా పొరల మేకప్  వేసుకోకపోవడం మంచిది. బేస్,  ఫౌండేషన్  వేరు వేరు  లేయర్‌లను వేసుకోవడం  వలన  మేకప్ క్రాక్స్ వచ్చి తక్కువ సమయంలో పగుళ్లు ఏర్పడతాయి. అందువల్ల మేకప్  ను ఒకే  సన్నని పొరగా వేసుకోవాలి. ఇది చాలా సేపు ఉంటుంది.  ముఖం ఎక్కువసేపు  ఆరోగ్యంగా కనిపిస్తుంది. ముఖానికి మేకప్ వేసేటప్పుడు చేసే అతి పెద్ద తప్పు ఏమిటంటే, పాత లేదా చౌక ఉత్పత్తులను ఉపయోగించడం.  వీటితో  ఎన్ని విధాలుగా మేకప్ అప్లై చేసినా  అవి ఎక్కువ కాలం ఉండవు.   చెమటతో కారిపోవడం, లేదా రంగు వెలసిపోవడం జరుగుతుంది. అందువల్ల ఎల్లప్పుడూ మంచి కంపెనీ నుండి ఉత్పత్తులను ఎంచుకోవాలి. ఇకపోతే మేకప్ వేసేటప్పుడు జరిగే రెండవ తప్పు.. సరైన క్రమంలో మేకప్ వేయకపోవడం.  క్లెన్సర్, టోనర్, మాయిశ్చరైజర్, ప్రైమర్, ఫౌండేషన్, కన్సీలర్, ఫేస్ పౌడర్, బ్లషర్, ఐ మేకప్ అన్నీ వేటి  ప్రాముఖ్యతను అవి కలిగి ఉంటాయి. వాటిలో దేని తరువాత దేన్ని అప్లై చేయడం మంచిదో తెలుసుండటం ముఖ్యం. ఏ ఒక్కటైనా అటుది ఇటు, ఇటుది అటు వేస్తే మేకప్ మొత్తం పాడైపోతుంది. కాబట్టి మేకప్ వల్ల అందంగా కనబడాలంటే  ఈ తప్పులు చేయకూడదు.  మేకప్ ఎక్కువసేపు ఉండాలంటే వాటర్ ప్రూఫ్ మేకప్ ఉత్పత్తులను ఉపయోగించాలి. ప్రస్తుతం మార్కెట్లో చాలా కంపెనీలు వాటర్‌ప్రూఫ్ మేకప్‌ను విడుదల చేస్తున్నాయి. ఇవి సులభంగా అందుబాటులో ఉంటాయి.   ఇవి ముఖంలో గ్లోను  ఎక్కువసేపు ఉంచడంలో కూడా సహాయపడతాయి.                                                             *నిశ్శబ్ద