Home  
Beauty Care

జుట్టు రకాన్ని బట్టి ఏ నూనెలు మంచివి.. ఏ నూనెలు ఎంచుకోవాలో తెలుసా!

జుట్టు రకాన్ని బట్టి ఏ నూనెలు మంచివి.. ఏ నూనెలు ఎంచుకోవాలో తెలుసా! నేటికాలంలో జుట్టు సంబంధిత సమస్యలు వేగంగా పెరుగుతున్నాయి. కొందరు ఎక్కువ  జుట్టు రాలే సమస్యతో బాధపడుతుంటే, మరికొందరు చుండ్రు , జిడ్డుగల తల చర్మంతో ఇబ్బంది పడుతున్నారు. చాలా మంది జుట్టు బాగా పొడిబారి, చిక్కుపడిపోతుంది, చాలామందికి జుట్టునుహెల్తీగా మెయింటైన్ చేయడం చాలా కష్టమవుతుంది.  ఎక్కువ శాతం మంది హెయిర్ కేర్ కోసం మార్కెట్లో లభించే వివిధ రకాల నూనెలను ఎంచుకుంటారు.   కానీ ప్రతి నూనె ప్రతి రకమైన జుట్టుకు సరైన ఫలితాలు ఇవ్వలేదు.  హెయిర్ కేర్  నిపుణుల అభిప్రాయం ప్రకారం జుట్టు రకాన్ని బట్టి  ఏ నూనె అత్యంత ప్రభావవంతంగా పనిచేస్తుందో నిర్ణయించుకోవాలి. తప్పుడు నూనెను ఉపయోగించడం వల్ల జుట్టు సమస్యలు తగ్గడానికి బదులుగా  మరింత తీవ్రమవుతాయి. అందువల్ల, ఏ జుట్టుకు ఎలాంటి నూనెను ఎంచుకోవాలి?  వివరంగా తెలుసుకుంటే.. పొడి, చిక్కుగా, గరుకుగా ఉండే జుట్టు..  జుట్టు పొడిగా, పెళుసుగా , సులభంగా విరిగిపోయేదిగా ఉంటే చాలామంచి నూనెలు ఎంచుకోవాలి.  నువ్వుల నూనె, బాదం నూనె,  ఆముదం నూనె చాలా బాగా పనిచేస్తాయి.  ఈ నూనెలు జుట్టుకు లోతైన పోషణను అందించడంలో సహాయపడతాయి. వీటిలో ఉండే కొవ్వు ఆమ్లాలు , విటమిన్లు తేమను నిలుపుకోవడంలో సహాయపడతాయి, దీనివల్ల జుట్టు పొడిబారడం , విరిగిపోవడం తగ్గుతుంది. పలుచగా ఉండి,  బాగా రాలిపోయే జుట్టుకు..  చిన్న వయసులోనే ఎక్కువగా జుట్టు రాలడం, జుట్టు పలచబడటం లేదా తెల్ల జుట్టుతో బాధపడుతుంటే, మూడు రకాల నూనెలు ఉపయోగకరంగా ఉంటాయి. కొబ్బరి నూనె,  భృంగరాజ్ నూనె, ఉసిరి నూనె బాగా సహాయపడతాయి. ఈ నూనెలు తల చర్మానికి ఉపశమనం కలిగించి, జుట్టు కుదుళ్లను బలపరుస్తాయి. క్రమం తప్పకుండా మసాజ్ చేయడం వల్ల తల చర్మానికి రక్త ప్రసరణ మెరుగుపడుతుంది. జిడ్డు,  చుండ్రు జుట్టుకు.. జిడ్డుగల తల చర్మం ఉన్నవారు తరచుగా జిగట, దురద , చుండ్రు వంటి సమస్యలను ఎదుర్కొంటారు. ఇలాంటి వారికి ఆవ నూనె, వేప నూనె, టీ ట్రీ ఇన్ఫ్యూజ్డ్ ఆయిల్ బాగా సహాయపడతాయి.  ఈ నూనెలలో తల చర్మాన్ని శుభ్రంగా ఉంచడానికి , అధిక నూనెను నియంత్రించడానికి సహాయపడే గుణాలు ఉంటాయి. హెయిర్ ఆయిల్ రాసేటప్పుడు గుర్తుంచుకోవలసిన విషయాలు.. జుట్టుకు అధికంగా నూనె రాయకూడదు. నెత్తిని సున్నితంగా మసాజ్ చేయాలి, అంతే తప్ప రుద్ది రుద్ది తలకు నూనె పెట్టకూడదు.  తలకు నూనె పెట్టాక నూనెను ఎక్కువ సేపు అలాగే ఉంచకూడదు. చాలా మందికి వారానికి ఒకటి నుండి రెండు సార్లు నూనె రాసుకోవడం సరిపోతుందని అనుకుంటారు. అలాగే తల చర్మం ఎలా ఉందో దాన్ని బట్టి  నూనెను ఎంచుకోవాలి. ఆహారం కూడా ముఖ్యం.. ఆరోగ్యకరమైన, దృఢమైన జుట్టుకు కేవలం తల నూనె మాత్రమే సరిపోదు. ప్రోటీన్, ఐరన్, బయోటిన్, విటమిన్ సి , ఒమేగా-3 ఫ్యాటీ యాసిడ్లు సమృద్ధిగా ఉండే సమతుల్య ఆహారం కూడా చాలా అవసరం.  తగినంత నీరు త్రాగడం, ఒత్తిడిని తగ్గించుకోవడం కూడా జుట్టు ఆరోగ్యానికి కీలక పాత్ర పోషిస్తాయి.                                *రూపశ్రీ.

వాంపైర్ ఫేషియల్.. సెలబ్రిటీలు చేయించుకునే ఈ ఫేషియల్ గురించి మీకు తెలుసా!

వాంపైర్ ఫేషియల్.. సెలబ్రిటీలు చేయించుకునే ఈ ఫేషియల్ గురించి మీకు తెలుసా! నేటికాలంలో ప్రతి ఒక్కరూ అందమైన, కాంతివంతమైన , యవ్వనంగా కనిపించే చర్మాన్ని కోరుకుంటున్నారు. అందుకే స్కిన్ కేర్ కు చాలా ప్రాధాన్యత పెరిగింది. ఇక బ్యూటీ ట్రీట్మెంట్స్ కు కూడా వేలాది రూపాయలు, లక్షలాది రూపాయలు కూడా ఖర్చు చేస్తుంటారు.  అయితే ఈ మధ్య కాలంలో  "వాంపైర్ ఫేషియల్" అని పిలువబడే  ఒక బ్యూటీ ట్రీట్మెంట్ చాలా వైరల్ గా మారింది. ఈ పేరు వింతగా అనిపించినప్పటికీ ఇది చర్మాన్ని తిరిగి యవ్వనంగా మార్చే కొత్త స్కిన్ ట్రీట్మెంట్ పద్దతిలో ఒకటిగా పరిగణించబడుతోంది. వాంపైర్ ఫేషియల్ అంటే.. వాంపైర్ ఫేషియల్స్ ను ప్లేట్‌లెట్-రిచ్ ప్లాస్మా (PRP) ఫేషియల్స్ అని కూడా పిలుస్తారు, ఇందులో ఒక వ్యక్తి యొక్క సొంత రక్తాన్ని ఉపయోగిస్తారు. రక్తం నుండి ప్లేట్‌లెట్స్ , గ్రోత్ ఫ్యాక్టర్స్‌ను సంగ్రహించి చర్మానికి పూస్తారు, ఇది చర్మాన్ని రిపేర్ చేయడంలో చర్మాన్ని తిరిగి యవ్వనంగా మార్చడానికి కొత్త చర్మ కణాలను  పునరుత్పత్తి చేసే ప్రక్రియను ఉత్తేజపరిచే ప్రయత్నం చేస్తుంది. అందుకే దీనిని యాంటీ-ఏజింగ్ , చర్మాన్ని తిరిగి యవ్వనంగా మార్చే చికిత్సగా ప్రచారం చేస్తున్నారు. చాలా మంది సన్నని గీతలు, ముడతలు, మొటిమల మచ్చలు, పెద్ద రంధ్రాలు , కాంతిహీనమైన చర్మం.. మొదలైన వాటిని  తగ్గించుకోవడానికి ఈ ట్రీట్మెంట్ ను ఎంచుకుంటారు. అయితే ఇది ఏదో  మ్యాజిక్ ట్రీట్మెంట్ కాదు,  దీని ఫలితాలు మనిషి చర్మ రకాన్ని బట్టి,  వారి ఆరోగ్య పరిస్థితిని మీద ఆధారపడి ఉంటుందట. వాంపైర్ ఫేషియల్ గురించి స్పష్టంగా.. వాంపైర్ ఫేషియల్ అనేది శస్త్రచికిత్స అవసరం లేని ఒక బ్యూటీ  ప్రక్రియ. దీనిలో వ్యక్తి  సొంత రక్తం నుండి సేకరించిన PRPని ఉపయోగిస్తారు. ప్లేట్‌లెట్స్‌లోని వృద్ధి కారకాలు శరీర సహజ మరమ్మత్తు ప్రక్రియలో పాత్ర పోషిస్తాయి. ఈ సూత్రం ఆధారంగా, PRPని మైక్రోనీడ్లింగ్ లేదా ఇతర పద్ధతులతో కలిపి చర్మంపై ఉపయోగిస్తారు. చర్మం మరింత తాజాగా, ఆరోగ్యంగా , యవ్వనంగా కనిపించడంలో సహాయపడటమే దీని లక్ష్యం. ప్రాసెస్ ఎలా ఉంటుందంటే.. వ్యక్తి చేయి నుండి కొద్ది మొత్తంలో రక్తం తీసుకోవడంతో ఈ ప్రక్రియ మొదలవుతుంది. ఆ తర్వాత PRPని వేరు చేయడానికి రక్తాన్ని ఒక ప్రత్యేక యంత్రంలో తిప్పుతారు.మొదట ముఖంపై మైక్రోనీడ్లింగ్ చేస్తారు, దీనివల్ల చర్మంలో అత్యంత సన్నని మార్గాలు ఏర్పడతాయి. ఆ తర్వాత PRPని ముఖానికి పూస్తారు, తద్వారా చర్మం దానిని మరింత బాగా గ్రహిస్తుంది.  ఈ మొత్తం ప్రక్రియకు సాధారణంగా 45 నుండి 90 నిమిషాల సమయం పడుతుంది. ప్రయోజనాలు.. వాంపైర్ ఫేషియల్స్ చర్మంలో కొల్లాజెన్ ఉత్పత్తిని పెంచుతాయని చెబుతారు.  ఇది సన్నని గీతలు , ముడతలు తక్కువగా కనిపించేలా చేస్తుంది. కొంతమంది మొటిమల మచ్చలు, చర్మం బాలెన్స్ లేకుండా ఉండటం మరియు చర్మం కాంతిహీనతలో కూడా మెరుగుదల ఉంటుంది.  అదనంగా, చర్మం మరింత బిగువుగా, నునుపుగా , కాంతివంతంగా మారే అవకాశం ఉంటుంది. ప్రమాదాలు,  దుష్ప్రభావాలు.. ప్రతి కాస్మెటిక్ ప్రక్రియ లాగే, వాంపైర్ ఫేషియల్స్‌లో కూడా కొన్ని ప్రమాదాలు ఉండే అవకాశం ఉంది. చికిత్స తర్వాత లైట్ గా ఎరుపు, వాపు, సెన్సిటివిటీ లేదా మంట వంటివి ఏర్పడవచ్చు. ఈ లక్షణాలు సాధారణంగా కొన్ని రోజుల్లో తగ్గిపోతాయి. ఈ ప్రక్రియను శుభ్రమైన , గుర్తింపు పొందిన  క్లినిక్‌లో నిర్వహించకపోతే, ఇన్ఫెక్షన్ వచ్చే ప్రమాదం కూడా పెరగవచ్చు. అందువల్ల, ఈ చికిత్సను అర్హత పొందిన క్లినిక్ లో,  శిక్షణ పొందిన నిపుణుడి దగ్గర మాత్రమే చేయించుకోవడం మంచిది. ఈ ట్రీట్మెంట్ తీసుకోవడానికి ముందు వైద్యుడి సలహా తీసుకోవడం ఎంతో మంచిది.                                         *రూపశ్రీ.

వేసవిలో ఆయిల్ స్కిన్ వేధిస్తోందా.. ఈ చిట్కాలతో భలే ఉపశమనం ఉంటుంది!

వేసవిలో ఆయిల్ స్కిన్ వేధిస్తోందా.. ఈ చిట్కాలతో భలే ఉపశమనం ఉంటుంది! వేసవి రాకతో, చర్మానికి సంబంధించిన అనేక సమస్యలు పెరగుతాయి. మండే ఎండ, పెరుగుతున్న ఉష్ణోగ్రతలు, చెమట , గాలిలోని తేమ చర్మాన్ని జిగటగా , నూనెగా మారుస్తాయి. ముఖ్యంగా, ఇప్పటికే జిడ్డు చర్మం ఉన్నవారు వేసవిలో తమ ముఖంపై నూనె, చెమట , దుమ్ము పేరుకుపోయే సమస్యను తరచుగా ఎదుర్కొంటారు. ఇది ముఖం నిర్జీవంగా కనిపించేలా చేయడమే కాకుండా, మొటిమలు, బ్లాక్‌హెడ్స్ , ఇతర చర్మ సమస్యల ప్రమాదాన్ని కూడా పెంచుతుంది. అయితే, కొన్ని సులభమైన చర్మ సంరక్షణ చిట్కాలను పాటించడం ద్వారా వేసవిలో కూడా  చర్మాన్ని తాజాగా, నిర్మలంగా , కాంతివంతంగా ఉంచుకోవచ్చు.  ఆ చిట్కాలు ఏంటో తెలుసుకుంటే.. శుభ్రత.. చర్మంపై  అధికంగా నూనె , మురికి ఉంటే దాన్ని తొలగించడానికి తేలికపాటి ఫేస్ వాష్ ఉపయోగించాలి. పదే పదే  ముఖం కడుక్కోవడం మానుకోవాలి, ఎందుకంటే దీనివల్ల  చర్మం మరింత నూనెను ఉత్పత్తి చేస్తుంది.  ఉదయం,  రాత్రి పూట ముఖాన్ని శుభ్రం చేసుకోవడం మంచిది.  నిర్మలమైన చర్మం మొటిమల ప్రమాదాన్ని తగ్గించడంలో రోజులో ఉదయం, రాత్రి ముఖం శుభ్రం చేసుకోవడం ఎంతో సహాయపడుతుంది. మాయిశ్చరైజర్.. వేసవిలో కూడా చర్మాన్ని తేమగా ఉంచుకోవడం ముఖ్యం. ఇందుకోసం మాయిశ్చరైజర్ రాయాలి. చాలామంది మాయిశ్చరైజర్ కేవలం చలికాలంలోనే అవసరం అనుకుంటారు.  కానీ అన్ని కాలాల్లో చర్మానికి తగినట్టు మాయిశ్చరైజర్ ఎంచుకోవడం మంచిది.  వేసవిలో తేలికైన , జెల్ ఆధారిత మాయిశ్చరైజర్లు మంచి ఎంపిక అవుతాయి. ఇది చర్మానికి అదనపు జిడ్డును చేర్చకుండా, తేమగా ఉంచుతుంది. చర్మానికి ఉండే  సహజ సమతుల్యత కాపాడుతుంది. సన్ స్క్రీన్.. తీవ్రమైన సూర్యరశ్మి చర్మానికి హాని కలిగిస్తుంది. ఇది వేసవిలో చాలా ఎఫెక్ట్ చూపిస్తుంది.  బయటకు వెళ్లే 20 నిమిషాల ముందు సన్‌స్క్రీన్ రాసుకోవాలి.  SPF 30 లేదా అంతకంటే ఎక్కువ ఉన్న సన్‌స్క్రీన్‌ను ఎంచుకోవాలి. ఇది చర్మం నల్లబడటాన్ని , అకాల వృద్ధాప్య లక్షణాలను నివారించడంలో సహాయపడుతుంది. ఫేస్ ప్యాక్.. ముల్తానీ మట్టి, రోజ్ వాటర్ , దోసకాయ వాడకం చర్మాన్ని చల్లబరుస్తుంది. ఇది అధిక నూనెను నియంత్రించడంలో సహాయపడుతుంది.  వారానికి ఒకటి లేదా రెండు సార్లు ఫేస్ ప్యాక్ వేసుకోవాలి.  చర్మం మరింత శుభ్రంగా, తాజాగా అనిపిస్తుంది. నీరు.. శరీరాన్ని తగినంత తేమగా ఉంచుకోవడం వల్ల చర్మం ఆరోగ్యంగా కనిపిస్తుంది.  శరీరం నుండి విష పదార్థాలను తొలగించడంలో నీరు సహాయపడుతుంది.  వేసవిలో 8-10 గ్లాసుల నీరు త్రాగాలి. లేదా అవసరాన్ని బట్టి ఇంకా ఎక్కువగా త్రాగడం కూడా మంచిదే.  నీరు బాగా తాగడం వల్ల చర్మం తేమగా మారుతుంది.  తేమగా ఉన్న చర్మం తాజాగా, కాంతివంతంగా కనిపిస్తుంది.                               *రూపశ్రీ.

హెన్నా పెట్టుకున్న తర్వాత జుట్టు పొడిబారిపోతోందా.. ఇలా చేస్తే చాలా మృదువుగా ఉంటుంది!

హెన్నా పెట్టుకున్న తర్వాత జుట్టు పొడిబారిపోతోందా.. ఇలా చేస్తే చాలా మృదువుగా ఉంటుంది!  జుట్టుకు హెన్నా లేదా గోరింటాకు పెట్టుకోవడం ఈనాటి కాలం పాటిస్తున్న హెయిర్ కేర్ పద్దతి కాదు. అమ్మమ్మలు ఎన్నో ఏళ్లుగా తెల్ల జుట్టును కవర్ చేయడానికి హెన్నాని లేదా గోరింటాకును వాడుతున్నారు. హెన్నా ఒక సహజ కండీషనర్‌లా పనిచేసి, జుట్టు పై పొరను బిగుతుగా చేసి, దానిని మృదువుగా, మెరిసేలా , పట్టులా చేస్తుంది. హెన్నా జుట్టుకు అందమైన రంగును కూడా ఇస్తుంది. హెన్నాని వాడటం వల్ల తెల్ల జుట్టును దాచడానికి కూడా సహాయపడుతుంది. హెన్నాకు చల్లదనాన్నిచ్చే గుణం ఉంది,  దానిని తలకు పట్టించడం వల్ల తల చర్మానికి వేడి నుండి ఉపశమనం లభిస్తుంది. వేసవి కాలంలో హెన్నాని వాడటం చాలా ప్రయోజనకరంగా ఉంటుంది. అయితే కొందరిలో హెన్నా ఉపయోగించిన తర్వాత  జుట్టు చాలా పొడిగా మారుతుంది.  ఇలా కాకుండా ఉండాలంటే ఏం చేయాలి? అసలు హెన్నా పెట్టుకోవడం వల్ల జుట్టు పొడిగా ఎందుకు మారుతుంది?  తెలుసుకుంటే.. హెన్నా జుట్టును ఎందుకు పొడిగా చేస్తుంది? తెల్ల జుట్టును కప్పిపుచ్చడానికి హెన్నా పెట్టుకోవడం చాలా ప్రయోజనకరం. హెన్నాలోని పదార్థాల మధ్య సమతుల్యతను పాటించడం చాలా ముఖ్యం. పదార్థాలు సరిగ్గా బాలెన్స్ గా లేకపోతే,  జుట్టు పొడిబారిపోతుంది. హెన్నాకు పెరుగు, కలబంద , ఉసిరికాయలను కలపాలి. హెన్నా పెట్టుకునే సమయం.. చాలామంది హెన్నా పెట్టుకునేటప్పుడు తరచుగా పొరపాట్లు చేస్తుంటారు. హెన్నాను 8 నుండి 10 గంటల పాటు ఉంచుకోవడం వల్ల జుట్టు పొడిబారి, నిర్జీవంగా మారుతుంది. హెన్నాను  జుట్టుపై కేవలం 3 నుండి 4 గంటల పాటు మాత్రమే ఉంచుకోవాలి. పరిశుభ్రత.. జిడ్డుగా లేదా చెమటగా ఉన్న జుట్టుకు హెన్నా పెట్టకూడదు. మురికి జుట్టుకు హెన్నా పెట్టడం చాలా పెద్ద తప్పు. హెన్నాను ఎల్లప్పుడూ శుభ్రమైన జుట్టుకే పెట్టాలి. ఈ తప్పులన్నీ చెడు ఫలితాలకు దారితీయవచ్చు. మొదటగా జుట్టును షాంపూతో శుభ్రం చేసుకోవాలి. ఆ తర్వాత జుట్టు ఆరిన తర్వాత మరుసటి రోజు శుభ్రంగా ఉన్న జుట్టుకు హెన్నా పెట్టుకోవాలి. కొబ్బరినూనె లేదా ఆముదం.. హెన్నా మిక్స్ తయారు చేసుకున్నప్పుడు అందులో ఒక స్పూన్ కొబ్బరి నూనె లేదా ఆముదం అందులో కలపాలి.  ఇలా కలపడం వల్ల జుట్టుకు హెన్నా పెట్టుకున్న తర్వాత జుట్టు పొడిగా కాకుండా చాలా మృదువుగా ఉంటుంది. పైన చెప్పుకున్న టిప్స్ పాటిస్తే.. జుట్టుకు హెన్నా పెట్టినా  జుట్టు పొడిబారదు. తెల్లజుట్టు కూడా చాలా బాగా కవర్ అవుతుంది.                           *రూపశ్రీ.

చిన్న వయసులోనే జుట్టు నెరిసిందా.. ఇలా చేస్తే మళ్లీ నల్లగా మారిపోతుంది!

చిన్న వయసులోనే జుట్టు నెరిసిందా.. ఇలా చేస్తే మళ్లీ నల్లగా మారిపోతుంది!  ఈ రోజుల్లో చిన్న వయసులోనే జుట్టు నెరవడం ఒక సాధారణ సమస్యగా మారుతోంది. గతంలో వయసు పెరిగే కొద్దీ మాత్రమే తెల్ల జుట్టు కనిపించేది, కానీ ఇప్పుడు 20 నుండి 30 ఏళ్ల మధ్య వయసున్న యువతలో ఈ సమస్య వేగంగా పెరుగుతోంది. మారుతున్న జీవనశైలి, ఒత్తిడి, అనారోగ్యకరమైన ఆహారపు అలవాట్లు , పెరుగుతున్న కాలుష్యం దీనికి ప్రధాన కారణాలుగా చెబుతున్నారు. చాలా మంది తెల్ల జుట్టును కవర్ చేసుకోవడానికి హెయిర్ డైలు , రసాయన ఉత్పత్తులను ఉపయోగిస్తారు, కానీ వాటిని ఎక్కువ కాలం ఉపయోగించడం వల్ల జుట్టుకు మరింత నష్టం జరగవచ్చు. చిన్న వయసులోనే జుట్టు నెరసిపోవడం వల్ల  ఆందోళన పడేవారు జుట్టుకు రంగు వేయాల్సిన అవసరం లేకుండా,  నెరిసిన జుట్టును క్రమంగా నల్లగా మార్చడానికి కొన్ని సహజమైన ఇంటి చిట్కాలను పాటించవచ్చు.  అవేంటో తెలుసుకుంటే.. ఉసిరి, కరివేపాకు.. ఉసిరి జుట్టుకు చాలా మేలు చేస్తుంది.  దీనిలో ఉండే విటమిన్ సి , యాంటీఆక్సిడెంట్లు జుట్టును బలోపేతం చేయడానికి సహాయపడతాయి. ఉసిరి నూనె లేదా ఉసిరి పొడిని హెయిర్ మాస్క్‌గా ఉపయోగించవచ్చు. కరివేపాకు జుట్టుకు కూడా మేలు చేస్తుంది. కొబ్బరి నూనెలో కరివేపాకును మరిగించి, ఆ నూనెను  జుట్టుకు పట్టించడం వల్ల జుట్టుకు పోషణ అంది, తెల్ల జుట్టు సమస్యను తగ్గించవచ్చు. ఉసిరి, కొబ్బరినూనె.. ఉసిరి జుట్టుకు చాలా మేలు చేస్తుంది.  దానిలో ఉండే విటమిన్ సి జుట్టుకు పోషణ అందించడంలో సహాయపడుతుంది. ఎలా ఉపయోగించాలి.. రెండు టీస్పూన్ల ఉసిరి పొడి తీసుకోవాలి. దీన్ని కొబ్బరి నూనెతో కలిపి కొద్దిగా వేడి చేయాలి.  అది చల్లారిన తర్వాత, జుట్టు కుదుళ్లకు పట్టించాలి. ఒక గంట తర్వాత కడగాలి.  దీనిని వారానికి రెండుసార్లు ఉపయోగించడం ప్రయోజనకరంగా ఉంటుంది. కరివేపాకు హెయిర్ ఆయిల్.. కరివేపాకు జుట్టు కుదుళ్లను బలపరిచి, సహజ రంగును కాపాడుకోవడానికి సహాయపడుతుంది. ఎలా తయారు చేయాలి.. కొబ్బరి నూనెలో 10-15 కరివేపాకు ఆకులను వేయాలి.  ఆకులు నల్లబడే వరకు వేడి చేయాలి.  చల్లార్చి, జుట్టుకు మసాజ్ చేయాలి.  దీనిని రాత్రిపూట ఉంచుకుని, ఉదయం కడిగేయవచ్చు. బ్లాక్ టీ.. బ్లాక్ టీ  జుట్టుకు సహజమైన ముదురు రంగును ఇవ్వడానికి సహాయపడుతుంది. ఎలా ఉపయోగించాలి? రెండు కప్పుల నీటిలో రెండు టీస్పూన్ల టీ ఆకులను వేసి మరిగించాలి. చల్లారిన తర్వాత జుట్టుకు పట్టించాలి.  30 నిమిషాల తర్వాత మామూలు నీటితో కడగాలి. ఈ చిట్కా జుట్టుకు మెరుపును కూడా పెంచుతుంది. మెహందీ, కాఫీ ప్యాక్.. జుట్టుకు సహజమైన రంగును ఇవ్వడానికి హెన్నాని ప్రాచీన కాలం నుండి ఉపయోగిస్తున్నారు.   ప్యాక్‌ను ఎలా తయారు చేయాలి?   కాఫీ పొడిని హెన్నా పొడితో కలపాలి.  నీళ్ళు పోసి పేస్ట్ లా తయారు చేసుకోవాలి. రెండు గంటల తర్వాత జుట్టుకు పట్టించాలి. ఇది జుట్టుకు లేత సహజమైన గోధుమ-నలుపు రంగును ఇస్తుంది. ఆహారం.. చిన్నవయసులో జుట్టు తెల్లబడటానికి విటమిన్ బి12, ఇనుము మరియు ప్రోటీన్ లోపాలే కారణం.   కాబట్టి ఇవి లోపించకుండా.. ఆహారంలో ఈ పోషకాలు ఉండేలా చూసుకోవాలి.                             *రూపశ్రీ.

తలస్నానం చేయడానికి 5నిమిషాల ముందు ఈ పని చేస్తే చాలు.. జుట్టు రాలడం ఆగిపోతుంది!

తలస్నానం చేయడానికి 5నిమిషాల ముందు ఈ పని చేస్తే చాలు.. జుట్టు రాలడం ఆగిపోతుంది! ఈ రోజుల్లో చాలా మంది జుట్టు రాలడం సమస్యతో బాధపడుతున్నారు. జుట్టు రాలడం ఒక పెద్ద సమస్యగా మారింది. జుట్టు రాలడాన్ని నియంత్రించడానికి  అన్ని రకాలుగా ప్రయత్నిస్తారు, కానీ  ఎన్ని ప్రయత్నాలు చేసినా  జుట్టు రాలడంలో  చెప్పుకోదగ్గ మార్పు కనిపించదు. అయితే జుట్టు రాలడం తగ్గించుకోవడానికి తలకు షాంపూ చేయడానికి ఐదు నిమిషాల ముందు ఒకే ఒక పని చేయడం వల్ల చాలా బాగా పనిచేస్తుంది.  కేవలం జుట్టు రాలడం తగ్గడమే కాదు.. జుట్టు ఒత్తుగా,  నేచురల్ గా నల్లగా మారుతుంది కూడా.  అసలు జుట్టు రాలడానికి కారణాలు ఏమిటి? జుట్టు రాలడాన్ని ఆపడంలో  ప్రభావవంతంగా పని చేసే ఆ చిట్కా ఏంటో తెలుసుకుంటే.. జుట్టు రాలడానికి  కారణాలు.. కాలుష్యం, దుమ్ము , అనారోగ్యకరమైన ఆహారం వల్ల జుట్టు రాలుతుంది.   ఆవనూనే.. జుట్టు సంరక్షణ కోసం ఆవ నూనెను ఉపయోగించవచ్చు. షాంపూ చేయడానికి ముందు రోజు రాత్రి  జుట్టుకు ఆవ నూనెను రాసి, బాగా మసాజ్ చేయవచ్చు. మరుసటి రోజు షాంపూతో తలస్నానం చేయవచ్చు.  ఒకవేళ కుదరకపోతే కనీసం తలస్నానం చేయడానికి 5నిమిషాల ముందైనా సరే.. గోరువెచ్చని ఆవనూనెతో మసాజ్ చేసుకుని ఆ తర్వాత తలస్నానం చేయవచ్చు. పోషణ.. భారతదేశంలో ఆవ నూనెను శతాబ్దాలుగా ఉపయోగిస్తున్నారు.  తల చర్మానికి పోషణ అందించడానికి  దీనిని ఉపయోగించవచ్చు. ఆవ నూనెలో ఒమేగా-3 , ఒమేగా-6 కొవ్వు ఆమ్లాలు ఉంటాయి. ఇందులో విటమిన్ ఇ , యాంటీఆక్సిడెంట్లు కూడా ఉంటాయి, ఇవి జుట్టు పొడిబారడాన్ని తగ్గిస్తాయి. తేమ.. నూనెతో జుట్టుకు మర్దన చేయడం తేమను నిలుపుకోవడానికి సహాయపడుతుంది. జుట్టుకు నూనె రాయడం వల్ల పొడిబారడం తగ్గి, సహజంగా మృదువుగా మారుతుంది. చుండ్రు.. ఆవ నూనెతో తలకు మర్దన చేయడం వల్ల తల చర్మం పొడిబారడం తగ్గుతుంది. ఇది చుండ్రును కూడా తగ్గిస్తుంది. ఆవ నూనెను పూయడం ఫంగల్ ఇన్ఫెక్షన్లను నివారించడంలో కూడా సహాయపడుతుంది.                          *రూపశ్రీ.

జుట్టుకు వేసుకున్న రంగు త్వరగా వెలిసిపోతుందా? ఈ సీక్రెట్ టిప్స్ ఫాలో అవ్వండి!

జుట్టుకు వేసుకున్న రంగు త్వరగా వెలిసిపోతుందా?  ఈ సీక్రెట్ టిప్స్ ఫాలో అవ్వండి! హెయిర్ కలర్ నేటికాలంలో చాలామంది జుట్టు సంరక్షణలో ఉపయోగిస్తున్న ఒక పద్దతి.  జుట్టు కొత్తగా ఫ్యాషన్ గా కనిపించాలన్నా, జుట్టుకు కొత్త హెయిర్ కలర్ ట్రై చేయాలనుకున్నా ఇది మంచి మార్గం. అయితే జుట్టుకు రంగు వేసిన తర్వాత చాలామంది రంగు తొందరగా వెలిసిపోతోందని కంప్లైంట్ చేస్తుంటారు. కానీ రంగు వేసిన తర్వాత జుట్టును ఎంత కేరింగ్ గా చూసుకుంటే జుట్టుకు వేసిన రంగు అంత ఎక్కువ కాలం నిలుస్తుంది. జుట్టుకు రంగు వేసిన తర్వాత తీసుకోవాల్సిన జాగ్రత్తలు ఏంటో తెలుసుకుంటే.. ఈ సమయం ముఖ్యం.. రంగులలోని రసాయనాలు చర్మ రంధ్రాలను తెరుస్తాయి. అందువల్ల జుట్టును కడిగే ముందు 48 నుండి 72 గంటల సమయం ఇవ్వాలి. ఇది రంగు కణాలు  జుట్టులోకి సరిగ్గా ఇంకడానికి, రంగు వెలిసిపోకుండా నిరోధించడానికి సహాయపడుతుంది. అలాగే, స్విమ్మింగ్ పూల్ లేదా టబ్‌లో  జుట్టు తడవకుండా చూసుకోవాలి. సల్పేట్ లేని ఉత్పత్తులు.. జుట్టును ఎల్లప్పుడూ సల్ఫేట్ లేని షాంపూ , కండిషనర్‌తో కడగాలి. రంగు వేసిన జుట్టు కోసం ప్రత్యేకంగా రూపొందించిన ఉత్పత్తులను వాడాలి. సల్ఫేట్లు  జుట్టును పొడిబారేలా చేసి, రంగు త్వరగా వెలిసిపోయేలా చేస్తాయి. వారానికి రెండు నుండి మూడు సార్లు షాంపూ చేస్తే సరిపోతుంది. సాధారణ షాంపూ కంటే డ్రై షాంపూ ఎక్కువ ప్రయోజనకరంగా ఉంటుంది. సన్ లైట్ ప్రొటెక్షన్.. ఎక్కువసేపు ఎండలో ఉండటం మానుకోవాలి.  తప్పనిసరిగా బయటకు వెళ్లాల్సి వస్తే, వెడల్పాటి అంచుగల టోపీ లేదా గొడుగును ఉపయోగించాలి.  జుట్టును ఎండ నుండి రక్షించుకోవడానికి హెయిర్ సన్‌స్క్రీన్ కూడా ఒక మంచి ఎంపిక. తేమ.. రంగు వేసిన జుట్టు త్వరగా పొడిబారిపోతుంది, అలాగే దెబ్బతినే అవకాశం ఎక్కువగా ఉంటుంది, కాబట్టి తేమను నిలుపుకోవడానికి ప్రయత్నించాలి. దీని కోసం మాయిశ్చరైజింగ్ క్రీమ్ లేదా డీప్ కండిషనింగ్ ట్రీట్‌మెంట్‌ను ఉపయోగించాలి. హెయిర్ స్టైలింగ్ పరికరాలు.. రంగు వేసిన జుట్టు ఇప్పటికే కొద్దిగా దెబ్బతిని ఉంటుంది, హెయిర్  స్టైలింగ్ పరికరాలు అయిన హెయిర్ డ్రైయర్,  స్ట్రెయిటనర్ వంటివి  దానిని మరింత దెబ్బతీస్తాయి.  తప్పనిసరిగా స్టైలింగ్ సాధనాలను ఉపయోగించాల్సి వస్తే, హీట్ ప్రొటెక్టెంట్‌ను అప్లై చేయాలి. . ఇది  జుట్టుకు , సాధనాల నుండి వెలువడే వేడికి మధ్య ఒక రక్షణ పొరను ఏర్పరుస్తుంది. స్ప్లిట్ కటింగ్.. జుట్టు చివర్లు చిట్లిపోతే హెయిర్ డై వాటికి అంటుకోదు, పైగా రంగు త్వరగా వెలిసిపోతుంది. క్రమం తప్పకుండా జుట్టును ట్రిమ్ చేయడం వల్ల చివర్లు చిట్లిపోయే సమస్య తగ్గుతుంది .  ప్రతి 6-8 వారాలకు ఒకసారి  జుట్టును ట్రిమ్ చేసుకోవచ్చు.                               *రూపశ్రీ.

నల్లమచ్చలకి కోజిక్ యాసిడ్ వాడుతున్నారా? ఈ నిజాలు తెలుకోకుంటే నష్టపోతారు!

నల్లమచ్చలకి కోజిక్ యాసిడ్ వాడుతున్నారా?  ఈ నిజాలు తెలుకోకుంటే నష్టపోతారు! సోషల్ మీడియాలోని చాలా మంది ఇన్‌ఫ్లుయెన్సర్‌ లు   కోజిక్ యాసిడ్ అనే పదాన్ని వాడటం విని ఉంటారు.  ముఖ్యంగా బ్యూటీ ఉత్పత్తుల గురించి యూట్యూబ్, ఇన్స్టా వంటి ప్లాట్ఫామ్ లలో చాలా ఎక్కువగా ప్రమోషన్లు చూస్తుంటాం. వాటిలో కోజిక్ యాసిడ్ గురించి కూడా చాలా చెబుతుంటారు. చర్మం మీద పాత మచ్చలైనా లేదా ఎండకు కమిలిపోయిన చర్మమైనా కోజిక్ యాసిడ్ వాడితే చాలా మంచి ఫలితం ఉంటుంది.  అయితే ఇది అందరికీ సరైనదైనా అనే విషయం చాలా మందికి తెలియదు.  కానీ మచ్చలేని చర్మం కోసం కోజిక్ యాసిడ్ వాడాలని అనుకునేవారు, ఇప్పటికే వాడుతున్నవారు కోజిక్ యాసిడ్ గురించి కొన్ని ముఖ్యమైన విషయాలు తెలుసుకోవాలి. అవేంటంటే.. కోజిక్ యాసిడ్ చర్మం పై ఎలా పనిచేస్తుందంటే.. కోజిక్ యాసిడ్ ప్రధానంగా చర్మంలో మెలనిన్ ఉత్పత్తిని నెమ్మదింపజేయడం ద్వారా పనిచేస్తుంది. ఇది మొటిమల మచ్చలు, సూర్యరశ్మి వల్ల ఏర్పడే మచ్చలు, చర్మం నల్లబడటం , మెలస్మా వంటి  సమస్యలను తగ్గించడంలో సహాయపడుతుంది. దీనికి తేలికపాటి యాంటీఆక్సిడెంట్ గుణాలు కూడా ఉన్నాయి, వీటిని క్రమం తప్పకుండా ఉపయోగించడం వల్ల చర్మం కాంతివంతంగా ,  చర్మం మొత్తం బాలెన్స్డ్ గా  మారుతుంది. కోజిక్ యాసిడ్, విటమిన్-సి కాంబినేషన్.. కోజిక్ యాసిడ్,  విటమిన్-సి లను కాంబినేషన్ గా  ఉపయోగించవచ్చు, ఎందుకంటే రెండూ చర్మంపై ఉన్న మచ్చలు డల్ గా ఉన్న చర్మం పై పనిచేస్తాయి. విటమిన్ సి చర్మానికి బయటటి నుండి నష్టం జరగకుండా కాపాడుతుంది. ఇక  కోజిక్ యాసిడ్ మెలనిన్‌ను తగ్గిస్తుంది. అయితే సున్నితమైన చర్మం ఉన్నవారు జాగ్రత్తగా ఉండాలి, ఎందుకంటే రెండింటినీ అధికంగా వాడటం వలన చికాకు కలగవచ్చు. నెమ్మదిగా మొదలుపెట్టాలి. అలాగే సన్‌స్క్రీన్ ఉపయోగించడం మరచిపోకూడదు. చర్మానికి నష్టం? స్టెరాయిడ్ క్రీముల లాగా  కోజిక్ యాసిడ్  చర్మాన్ని పల్చగా చేయదు. అయితే దీనిని రెగ్యులర్ గా  లేదా అధిక మోతాదులో వాడితే, చర్మం ఎర్రబడటం, దురద, పొడిబారడం లేదా పొట్టు రాలడం వంటి సమస్యలు రావచ్చు. సురక్షితంగా ఉండటానికి, ముందుగా ప్యాచ్ టెస్ట్ చేసి, తక్కువ గాఢత ఉన్న ప్రోడక్ట్ తో మొదలుపెట్టడం మంచిది.   మోతాదు.. నార్మగా ఉపయోగించడం కోసం 1% నుండి 2% కోజిక్ యాసిడ్  సురక్షితమైనదిగా , ప్రభావవంతమైనదిగా పరిగణించబడుతుంది. 4% కంటే ఎక్కువ ఉంటే అవి చర్మాన్ని చికాకు కలిగించి ప్రమాదాన్ని పెంచవచ్చు. దీనిని నియాసినామైడ్ లేదా సెరామైడ్‌ల కాంబినేషన్ గా వాడితే చర్మానికి మంచిది.                        *రూపశ్రీ.

పటిక ఇలా వాడితే.. ముఖం మీద మచ్చలు మాయం!

పటిక ఇలా వాడితే.. ముఖం మీద మచ్చలు మాయం! మచ్చలు చాలామంది ముఖాన్ని డామినేషన్ చేస్తాయి.  ఎంత అందంగా ఉన్న వారికైనా సరే.. ముఖం మీద మచ్చలు ఉంటే ముఖం ఏదో లోపం ఉన్నట్టు కనిపిస్తుంది. చర్మం మీద మచ్చలు తొలగించుకోవడానికి చాలా మంది మార్కెట్లో లభ్యమయ్యే చాలా రకాల క్రీములు వాడుతుంటారు. ఇంకా చాలా రకాల టిప్స్ కూడా ట్రై చేస్తుంటారు.  ఎండల కారణంగా ముఖ చర్మం రంగు మారడం,  హార్మోన్ల మార్పులు,  చిన్న వయసులోనే ముసలివాళ్లలా చర్మం మారడం మెలనిన్ ఏర్పడటం వంటివి జరుగుతుంటాయి.  అయితే వీటిని వదిలించుకోవడానికి పటికను ఉపయోగించవచ్చు. ముఖం చర్మం మీద మచ్చలు తొలగించుకోవాడినికి పటికను ఎలా వాడాలి? పటిక లక్షణాలు ఏమిటి? తెలుసుకుంటే.. పటిక లక్షణాలు.. పటికలో చర్మానికి ఎంతో మేలు చేస్తుంది. ఇందులో  యాంటీ బాక్టీరియల్ గుణాలు ఉన్నాయి. పటికను ఉపయోగించడం వల్ల ముఖ ముడతలతో పాటు మచ్చలు, మొటిమలను కూడా తగ్గించవచ్చు. పటికను ఉపయోగించడం వల్ల చర్మం బిగుతుగా మారి, కొత్త కణాల పెరుగుదలను ప్రోత్సహిస్తుంది. ఎలా ఉపయోగించాలి? ముఖంపై పటిక,  రోజ్ వాటర్ కాంబినేషన్  ఉపయోగించవచ్చు. పటిక పొడిని రోజ్ వాటర్‌తో కలిపి పేస్ట్ లాగా తయారు చేసుకోవాలి. ఈ మిశ్రమాన్ని  ముఖానికి అప్లై చేయాలి.. ఆ తర్వాత  ముఖాన్ని మసాజ్ చేసుకోవాలి. దీన్ని 10 నుండి 15 నిమిషాల పాటు అలాగే వదిలేయాలి. ఈ మిశ్రమాన్ని మచ్చలు ఉన్న ప్రదేశాలలో అప్లై చేయాలి. ఇది  చర్మపు రంగును సమంగా చేస్తుంది. పటిక,  ముల్తాని మట్టి.. పటిక పొడి, ముల్తానీ మట్టి , నీటిని కలిపి పేస్ట్ లా తయారు చేసుకోవాలి. ఈ పేస్ట్‌ను  ముఖానికి పట్టించాలి. 15 నిమిషాల పాటు అలాగే వదిలేయాలి. మచ్చలను తేలికపరచడానికి ఈ పేస్ట్‌ను వారానికి ఒకసారి వాడాలి. పటిక, కొబ్బరినూనె.. పొడి చర్మం ఉన్నవారు నిద్రపోయే ముందు ముఖానికి పటిక , కొబ్బరి నూనెను రాసుకోవచ్చు. పటిక పొడిని కొబ్బరి నూనెతో కలిపి పేస్ట్ లా తయారు చేసుకోవాలి. ఆ తర్వాత, ఈ పేస్ట్‌ను ప్రభావిత ప్రాంతంలో రాయాలి.  10 నుండి 15 నిమిషాల పాటు అలాగే ఉంచి తర్వాత, ముఖం కడుక్కోవాలి.                            *రూపశ్రీ.

నల్లటి చర్మాన్ని కాంతివంతంగా మార్చే సింపుల్ టిప్స్ ఇవి!

నల్లటి చర్మాన్ని  కాంతివంతంగా మార్చే  సింపుల్ టిప్స్ ఇవి! చాలామంది చర్మం రంగును బట్టి అందాన్నినిర్ణయిస్తూ ఉంటారు. చర్మం తెల్లగా నాజుగ్గా ఉంటే.. అందానికి కేరాఫ్ అడ్రెస్ గా కూడా చూస్తూ ఉంటారు. కానీ నిజానికి అందం అంటే.. మెరుస్తూ, ఆరోగ్యంగా ఉన్న చర్మమే.. ఛామన చాయగా,  నల్లగా ఉన్న చర్మాన్ని కాంతివంతంగా మార్చుకుంటే ఎంతో అందంగా కనిపిస్తారు. దుమ్ము, ధూళి, బయటి వాతావరణ కాలుష్యం మొదలైనవి చర్మం రంగును, చర్మం మెరుపును ప్రభావితం చేస్తాయి.  కొన్ని సులువైన చిట్కాలు పాటిస్తుంటే.. చర్మం రంగును కాపాడుకోవచ్చు.  చర్మాన్ని కాంతివంతంగా మార్చే సింపుల్ టిప్స్ ఏంటో తెలుసుకుంటే.. శుభ్రత.. దుమ్ము, చెమట , కాలుష్యం  చర్మపు కాంతిని తగ్గిస్తాయి. రోజుకు రెండుసార్లు తేలికపాటి ఫేస్ వాష్ ఉపయోగించి ముఖాన్ని శుభ్రం చేసుకోవాలి. . పడుకునే ముందు తప్పకుండా  ముఖాన్ని శుభ్రం చేసుకోవాలి. వారానికి ఒకటి లేదా రెండుసార్లు ఎక్స్‌ఫోలియేట్ చేయాలి. చనిపోయిన చర్మాన్ని తొలగించడానికి సున్నితమైన స్క్రబ్ చాలా అవసరం. ఇది చర్మపు కాంతిని మెరుగుపరుస్తుంది. అతిగా స్క్రబ్ చేయడం వల్ల  చర్మపు కాంతి పెరగదు,  పైగా అతిగా స్క్రబ్ చేయడం వల్ల చర్మానికి హాని కలిగుతుంది.  కాబట్టి స్క్రబ్ ను జాగ్రత్తగా ఉపయోగించాలి. ఇంటి చిట్కాలు..  వంటగదిలో చర్మానికి ట్రీట్మెంట్ చేసుకోవడానికి చాలా పదార్థాలు ఉంటాయి. పెరుగు, పసుపుతో చేసిన ఫేస్ ప్యాక్ టానింగ్‌ను తగ్గించి, చర్మాన్ని మృదువుగా చేస్తుంది. శనగపిండి, రోజ్ వాటర్ మిశ్రమాన్ని ముఖానికి రాసుకోవడం వల్ల చర్మ ఛాయ మెరుగుపడి, చర్మంలో జిడ్డును నియంత్రిస్తుంది. పచ్చి పాలు సహజమైన క్లెన్సర్‌గా పనిచేస్తాయి. కలబంద జెల్ చర్మాన్ని ఉపశమనం చేసి, కాంతివంతంగా చేస్తుంది. వీటిని ప్రతిరోజూ కాకపోయినా, వారానికి 2-3 సార్లు ఉపయోగించాలి. అయితే, ఉపయోగించే ముందు తప్పకుండా ప్యాచ్ టెస్ట్ చేసుకుంటే మంచిది. సూర్యుడి వెలుగు.. ముదురు రంగు చర్మంలో మెలనిన్ ఎక్కువగా ఉన్నప్పటికీ, అది ఎండదెబ్బకు , పిగ్మెంటేషన్‌కు గురయ్యే అవకాశం ఎక్కువగా ఉంటుంది. అందువల్ల, ప్రతిరోజూ సన్‌స్క్రీన్ వాడాలి. ప్రతి 3-4 గంటలకు సన్ స్క్రీన్ రాసుకోవడం మంచిది. ఎండలో స్కార్ఫ్ లేదా టోపీ ధరించాలి. తీవ్రమైన ఎండకు వీలైనంత దూరం ఉండటం మంచిది. తేమ.. పొడి చర్మం  కాంతివంతంగా ఉండదు.  చర్మ రకాన్ని బట్టి మాయిశ్చరైజర్‌ను ఎంచుకోవాలి. రాత్రిపూట బాదం లేదా కొబ్బరి నూనె వంటి తేలికపాటి నూనెను రాసుకోవాలి. చలికాలంలో  చర్మంపై ప్రత్యేక శ్రద్ధ వహించాలి. ఇది చర్మ కాంతిని పెంచి,  ఛాయను ప్రకాశవంతం చేస్తుంది. ఆహారం, నిద్ర.. చర్మ సౌందర్యం తీసుకునే ఆహారం మీద ఆధారపడి ఉంటుంది,  విటమిన్ సి అధికంగా ఉండే పదార్థాలను తినాలి. పండ్లలో బొప్పాయి, నారింజ, దానిమ్మ వంటివి తినాలి. కూరగాయలలో పాలకూర , క్యారెట్‌ను చేర్చుకోవాలి. ప్రతిరోజూ 7-8 గ్లాసుల నీరు త్రాగాలి.  జంక్ ఫుడ్, అధిక చక్కెర గల ఆహారాలకు దూరంగా ఉండాలి.. కడుపులోని మలినాలు చర్మం పైభాగాన్ని నల్లబరుస్తాయి. కాబట్టి ఆహారం మీద దృష్టి పెట్టాలి. ఆహారం మాత్రమే  కాకుండా తగినంత నిద్ర కూడా చాలా అవసరం. శరీరానికి , మనస్సుకు విశ్రాంతి లభిస్తుంది. ఒత్తిడి తగ్గుతుంది, దీనివల్ల చర్మం కాంతివంతంగా మారుతుంది. 7-8 గంటల నిద్ర ఉండేలా చూసుకోవాలి.  యోగా లేదా తేలికపాటి ధ్యానం చేయడం ఎంతో మంచిది.                              *రూపశ్రీ.

వేసవిలో చేసే ఈ పొరపాట్లు.. పిల్లల ఆరోగ్యాన్ని దెబ్బతీస్తాయ్!

వేసవిలో చేసే ఈ పొరపాట్లు.. పిల్లల ఆరోగ్యాన్ని దెబ్బతీస్తాయ్! వేసవి కాలం అంటే వేసవి సెలవులు వస్తాయని పిల్లలు,  పెద్దలు కూడా సంతోషపడతారు. అయితే వేసవి కేవలం సెలవులనే కాదు.. వేడిని, ఇబ్బందులను కూడా వెంటబెట్టుకుని వస్తుంది.  వేసవి వేడి కారణంగా పెద్దలే బెంబేలెత్తిపోతుంటారు. అలాంటిది పిల్లలు వేడి కారణంగా ఇబ్బంది పడకుండా ఉండరని అస్సలు చెప్పలేం. పిల్లల శరీరం,  వారి ఇమ్యూనిటీ సిస్టం పెద్దల కంటే బలహీనంగా ఉంటుంది.  చాలా చోట్ల వేసవి ఉష్ణోగ్రతలు 40డిగ్రీలు దాటుతున్నాయి కూడా. ఇంత ఉష్ణోగ్రతల మధ్య పిల్లల విషయంలో తల్లిదండ్రులు చేసే కొన్ని తప్పులు పిల్లల ఆరోగ్యాన్ని చాలా దారుణంగా దెబ్బతీస్తాయి. ఆ తప్పులేంటో తెలుసుకుంటే.. అవి చేయకుండా తల్లిదండ్రులు జాగ్రత్త పడవచ్చు. అవేంటో తెలుసుకుంటే.. వడదెబ్బ.. వేసవి కాలంలో పెద్దలకే చాలా సులువుగా వడదెబ్బ తగులుతూ ఉంటుంది. అయితే పెద్దల శరీర స్థాయి,  వారి ఇమ్యూనిటీ బలంగా ఉంటుంది కాబట్టి వడదెబ్బను తట్టుకోవడం,  వడదెబ్బ నుండి తొందరగా కోలుకోవడం సులువుగా ఉంటుంది. కానీ పిల్లల శరీరం చాలా సున్నితం.  పిల్లలకు వడదెబ్బ తగిలితే చాలా తొందరగా ఎఫెక్ట్ పడుతుంది.   వడదెబ్బ అంటే.. శరీర ఉష్ణోగ్రత చాలా ఎక్కువగా పెరిగినప్పుడు వడదెబ్బ తగులుతుంది. ఉష్ణోగ్రత బాగా పెరిగినప్పుడు, చెమట పట్టడం ఆగిపోతుంది. శరీరం తనను తాను చల్లబరచుకోలేకపోతుంది. అధిక జ్వరం, చర్మం పొడిబారడం,  చర్మం ఎర్రగా మారడం,  తల తిరగడం, గందరగోళం, స్పష్టంగా మాట్లాడలేకపోవడం, మగతగా ఉండటం, కండరాల నొప్పులు , నాడీ వేగంగా కొట్టుకోవడం వంటి లక్షణాలు ఉంటాయి. . ఈ లక్షణాలను నిర్లక్ష్యం చేయకూడదు. వీలైనంత త్వరగా వైద్యుడిని సంప్రదించాలి. పిల్లలకు ఎక్కువ ప్రమాదం.. తీవ్రమైన వేడికి పిల్లలు ఎక్కువగా ప్రభావితమవుతారు. వారి శరీరాలు త్వరగా వేడెక్కి, డీహైడ్రేషన్ కు  గురవుతాయి. పిల్లలు ఆడుకునేటప్పుడు తరచుగా నీళ్లు తాగడం మర్చిపోతారు, దీనివల్ల తొందరగా డీహైడ్రేషన్ కు గురవుతారు. ఈ నిర్లక్ష్యం తీవ్రమైన సమస్యలకు దారితీయవచ్చు. పిల్లలు వడదెబ్బకు గురి కాకుండా ఉండాలంటే.. నీరు.. చిన్న పిల్లలకు తరచుగా కొద్దికొద్దిగా నీళ్ళు తాగించడం ముఖ్యం. తల్లులు తమ పిల్లలకు ఎక్కువ సార్లు కొద్దికొద్దిగా ఆహారం ఇస్తుండాలి. ఎండలోకి వద్దు.. పిల్లలను ఎక్కువ ఎండలోకి తీసుకెళ్లకూడదు. ఉదయం 11 గంటల నుండి సాయంత్రం 5 గంటల మధ్య  పిల్లలు ఎండలోకి వెళ్లకుండా జాగ్రత్త పడాలి. తప్పనిసరి పరిస్థితిలో బయటకు వెళ్లాల్సి వస్తే.. ఫుల్ హ్యాండ్ షర్ట్,  తలకు టోపి వంటివి పెట్టి పంపించాలి.  పిల్లల వెంట ఎవరో ఒకరు ఉండటం మంచిది. దుస్తులు..   పిల్లలను వేడి నుండి కాపాడటానికి, వారికి లేత రంగు కాటన్ దుస్తులు వేయడం మంచిది ఈ దుస్తులు లేత రంగులో ఉండాలి, దీనివల్ల  శరీరం గాలి పీల్చుకోగలుగుతుంది. ముదురు రంగులు అయితే ఎండను ఎక్కువ నిలుపుకుంటాయి. దీని వల్ల శరీరం వేడి అవుతుంది. వాతావరణం.. ఇంట్లో ఫ్యాన్ లేదా కూలర్‌ను ఉపయోగించాలి.  బయటకు వెళ్లి  తిరిగి వచ్చిన వెంటనే పిల్లలకు చల్లటి నీటితో స్నానం చేయించాలి.  తర్వాత  వారి శరీరం సాధారణ ఉష్ణోగ్రతకు చల్లబడిన తర్వాత, గోరువెచ్చని నీటితో స్నానం చేయించాలి. నిమ్మరసం .. పిల్లలను వేడి నుండి కాపాడటానికి,  నీళ్ళు బాగా ఇవ్వాలి.  నీళ్ళతో పాటు నిమ్మరసం కూడా ఇవ్వాలి. పిల్లలు  చాలా ఇష్టంగా తాగుతారు.                               *రూపశ్రీ.

వేసవిలో ముఖానికి ఐస్ ఫేషియల్ చేయడం మంచిదేనా!

వేసవిలో ముఖానికి ఐస్ ఫేషియల్ చేయడం మంచిదేనా! వేసవిలో తీవ్రమైన ఎండ, చెమట , జిడ్డు కారణంగా చర్మం డల్ గా, అలసటగా కనిపిస్తుంది. తక్షణ ఉపశమనం కోసం చాలా మంది తమ ముఖానికి ఐస్ అప్లై చేస్తారు, దీనినే ఐస్ ఫేషియల్ అని కూడా అంటారు. అయితే ఈ పద్ధతి నిజంగా ప్రయోజనకరమా, లేక చర్మానికి హాని చేస్తుందా అనే విషయం ఎవరికీ తెలియదు.  కేవలం సోషల్ మీడియాలో ఎవరైనా దీన్ని ఫాలో అయితే చాలు.. దాన్ని చూసి అందరూ ఫాలో అవ్వడం మొదలు పెడతారు. అసలు వేసవిలో ముఖానికి ఐస్ ఫేషియల్ చేయడం మంచిదేనా? తెలుసుకుంటే.. ముఖానికి ఐస్ ఫేషియల్ వల్ల కలిగే ప్రయోజనాలు.. టెంపరరీ కూలింగ్,  తాజాదనం.. వేసవి ఎండలో  ముఖంపై ఐస్ రుద్దడం వల్ల  చర్మం తక్షణమే చల్లబడి, తాజాగా అనిపిస్తుంది. ఇది చెమటను తగ్గించడానికి, దద్దుర్ల నుండి ఉపశమనం పొందడానికి,   తాజాగా ఉన్న అనుభూతిని కలిగించడానికి సహాయపడుతుంది. చర్మ రంధ్రాలు.. మంచు చర్మంపై తెరిచి ఉన్న రంధ్రాలను సంకోచింపజేసి, చర్మాన్ని నునుపుగా కనిపించేలా చేయడమే కాకుండా,  చర్మ రంధ్రాలను బిగుతుగా చేస్తుంది. వాపు.. ఉదయం పూట  కళ్ల కింద వాపు లేదా ఉబ్బరంగా ఉన్నప్పుడు ఐస్ చాలా ప్రభావవంతంగా పనిచేస్తుంది. ఐస్ అప్లై చేయడం వల్ల ఉబ్బరం తగ్గి,  ముఖం కాంతివంతంగా మారుతుంది. మెరుపు.. ఐస్ ఫేషియల్ ముఖంలో రక్త ప్రసరణను మెరుగుపరిచి, చర్మానికి సహజమైన మెరుపును ఇస్తుంది. జిడ్డు..  ముఖ్యంగా జిడ్డు చర్మం ఉన్నవారికి ఐస్ ఫేషియల్  ప్రయోజనకరంగా ఉంటుంది.  ముఖం అధికంగా జిడ్డును ఉత్పత్తి చేస్తుంటే, ఐస్ ఫేషియల్ చేయించుకోవడం మంచి ఆలోచన. ఇది జిడ్డు , చెమటను నియంత్రిస్తుంది. ఐస్ ఫేషియల్ వల్ల కలిగే నష్టాలు.. స్కిన్ డ్యామేజ్.. మంచును నేరుగా చర్మానికి అప్లై చేయడం వల్ల చికాకు లేదా ఎరుపుదనం కలగవచ్చు. అలా చేయడం వల్ల మంచి కంటే చెడు ఎక్కువగా జరగవచ్చు. రియాక్షన్.. సున్నితమైన చర్మం ఉన్నవారు ముఖానికి మంచును అప్లై చేయడం వల్ల అలెర్జీ రియాక్షన్స్ లేదా చికాకు కలగవచ్చు. ఎక్కువ వాడితే.. ప్రతిరోజూ ఐస్ ఫేషియల్ చేయడం హానికరం కావచ్చు. పదేపదే ఐస్ పెట్టడం వల్ల  చర్మం పొడిబారిపోతుంది. ఐస్ ఫేషియల్ చేసుకునే సరైన పద్దతి.. ఐస్ ను ఒక గుడ్డలో చుట్టి చర్మంపై పెట్టాలి. మంచును ఐస్ ను ఒకటి లేదా రెండు నిమిషాల కంటే ఎక్కువసేపు ఉంచకూడదు. ముఖం కడుక్కున్న ప్రతిసారీ లేదా వేడిగా అనిపించినప్పుడల్లా ఐస్ ఫేషియల్ చేసుకోవడానికి బదులుగా,  రోజుకు ఒకటి లేదా రెండు సార్లు మాత్రమే ఉపయోగించడం మంచిది. సెన్సిటివ్ స్కిన్ ఉన్నవారు మొదట ప్యాచ్ టెస్ట్ చేసుకోకుండా ఐస్ ఫేషియల్ చేసుకోవడం మంచిది కాదు.                              *రూపశ్రీ.

వందలు పోసి సన్ స్క్రీన్ కొనక్కర్లేదు.. ఇంట్లోనే ఇలా సింపుల్ గా తయారు చేసుకోవచ్చు!

వందలు పోసి సన్ స్క్రీన్ కొనక్కర్లేదు.. ఇంట్లోనే ఇలా సింపుల్ గా తయారు చేసుకోవచ్చు! వేసవి కాలంలో అందరికీ ఎదురయ్యే అతిపెద్ద సమస్య తీవ్రమైన ఎండ కారణంగా చర్మం నల్లబటడం.  దీన్నే సన్ టాన్ అని అంటారు. సన్ టాన్ రాకుండా ఉండటం కోసం ఎండలో బయటకు వెళ్లేటప్పుడు తప్పనిసరిగా సన్ స్క్రీన్ ను వాడాలని చెబుతారు. మార్కెట్లో లభించే సన్‌స్క్రీన్‌లు  అప్పటికప్పుడు స్కిన్ ను ప్రొటెక్ట్ చేసినప్పటికీ  వాటిలో ఉండే రసాయనాలు కొన్నిసార్లు  చర్మానికి హాని కలిగించవచ్చు. ఈ కారణంగా చాలా మంది సైడ్ ఎఫెక్ట్స్ లేకుండా రసాయనాలు ఎక్కువ లేకుండా తయారు చేసిన సన్ స్క్రీన్లను వేలాది రూపాయలు పోసి కొనుగోలు చేస్తుంటారు. అయితే సన్ స్క్రీన్ ను ఇంట్లోనే సింపుల్ గా తయారు చేసుకోవచ్చు. ఇందులో వాడే పదార్థాలన్నీ చాలా నేచురల్ కావడంతో ఇవి ఎండ నుండి ప్రొటెక్షన్ ఇవ్వడంతో పాటు చర్మానికి చాలా మేలు కూడా చేస్తాయి. ఇంతకీ.. ఇంట్లోనే సన్ స్క్రీన్ తయారు చేసుకోవడానికి కావలసిన పదార్థాలు ఏమిటి? ఇంట్లోనే సన్ స్క్రీన్ ఎలా తయారు చేసుకోవాలి? తెలుసుకుంటే.. కలబంద,  కొబ్బరి నూనె.. కలబంద జెల్,  కొబ్బరి నూనె రెండూ కలిపిన  మిశ్రమం సన్ స్క్రీన్ లాంటి ప్రభావం చూపిస్తుందట.  ఈ మిశ్రమాన్ని ముఖానికి  పూసుకుంటే.. చర్మానికి. ఎండ నుండి ఉపశమనం కలిగించి, తేమను అందించి, తేలికపాటి ఎండదెబ్బ నుండి కాపాడుతుంది. దోసకాయ, రోజ్ వాటర్.. దోసకాయ రసం , రోజ్ వాటర్ కలిపి ఒక స్ప్రే తయారు చేసుకోవాలి. దానిని ముఖానికి,  గొంతు,  మెడ ప్రాంతానికి కూడా అప్లై చేసుకోవాలి. ఇది చర్మాన్ని చల్లబరుస్తుంది,  టానింగ్‌ను తగ్గించడంలో సహాయపడుతుంది. గంధం,  పసుపు.. చందనం పొడిని పసుపు, రోజ్ వాటర్‌తో కలిపి పేస్ట్ లా తయారు చేసుకోవాలి. ఇది చర్మానికి ఉపశమనం కలిగించి, ఎండదెబ్బ నుండి ఉపశమనం కలిగిస్తుంది. హనీ, మిల్క్ సన్ స్క్రీన్.. పాలు, తేనె కలిపితే సన్ స్క్రీన్ లాంటి క్రీమ్ రెఢీ అవుతుంది.  దీన్ని ముఖానికి రాసుకోవాలి. ఇది చర్మాన్ని పోషించి, టానింగ్‌ను తగ్గించడంలో సహాయపడుతుంది. నిమ్మ, కలబంద.. కలబంద జెల్‌లో కొద్దిగా నిమ్మరసం కలిపి చర్మానికి పట్టించాలి. ఇది చర్మాన్ని శుభ్రపరుస్తుంది , చర్మం మీద  ఎండ ప్రభావాన్ని తగ్గిస్తుంది.                          *రూపశ్రీ..

మెంతి గింజల హెయిర్ మాస్క్.. జుట్టు ఎంత ఒత్తుగా పెరిగేలా చేస్తుందంటే!

మెంతి గింజల హెయిర్ మాస్క్.. జుట్టు ఎంత ఒత్తుగా పెరిగేలా చేస్తుందంటే! ఒక 20, 30 సంవత్సరాల కిందట గమనిస్తే.. చాలామంది అమ్మాయిలకు పొడవైన,  ఒత్తైన, నల్లగా నిగనిగలాడే నాగుపాము లాంటి జడ ఉండేది.  ఆ కాలంలో కేవలం చాలా కొద్ది మంది మాత్రమే కొత్తిమీర కట్టల్లాంటి జడలు ఉండేవి. ఇంకా కొందరు అమ్మాయిలు ఫ్యాషన్ పేరుతో జుట్టును కత్తిరించేవారు.  కానీ నేటికాలంలో దీనికి చాలా రివర్స్ గా ఉంది.  జుట్టు పొడవుగా,  ఒత్తుగా, నల్లగా నిగనిగలాడాలని కోరుకోని అమ్మాయి ఉండదు.  చాలామంది జుట్టు పెరుగుదల కోసం చాలా రకాల చిట్కాలు పాటిస్తుంటారు. అయితే వంటింట్లో ఉండే మెంతి గింజలతో హెయిర్ మాస్క్ తయారు చేసుకుని వాడటం వల్ల జుట్టు అద్బుతంగా పెరుగుతుందట.  దీని గురించి తెలుసుకుంటే.. ఒత్తైన జుట్టు అందాన్ని పెంచుతుంది. జుట్టు మరింత ఒత్తుగా పెరగడానికి,  మెంతుల హెయిర్ మాస్క్‌ను ఉపయోగించవచ్చు. వారానికి ఒకటి లేదా రెండు మెంతుల హెయిర్ ప్యాక్‌లను అప్లై చేయడం వల్ల జుట్టు ఒత్తుగా పెరుగుతుంది. మెంతుల హెయిర్ మాస్క్ ఎలా తయారు చేయాలి? 2 టీస్పూన్ల మెంతులను నీటిలో నానబెట్టండి. వీటిని రాత్రంతా నానబెడితే ఉదయాన్నే వాడటానికి అనువుగా ఉంటుంది. లేదంటే ఉదయం నానబెట్టి మధ్యాహ్నం లేదా సాయంత్రం మాస్క్ తయారు చేసుకోవచ్చు.  తర్వాత ఆ మెంతులను మిక్సర్‌లో వేసి మెత్తని పేస్ట్ లాగా చేసుకోవాలి. ఇప్పుడు, ఒక గిన్నెలో ఈ మెంతుల పేస్ట్ , పెరుగు తీసుకోవాలి. వాటిని బాగా కలపాలి. మెంతి గింజల హెయిర్ మాస్క్ సిద్దమైనట్టే.. ఎలా అప్లై చేయాలి? ఈ హెయిర్ మాస్క్‌ను  జుట్టుకు పూర్తిగా పట్టించాలి. దీనిని 30 నిమిషాల పాటు అలాగే ఉంచి, ఆ తర్వాత జుట్టు శుభ్రం చేసుకోవాలి. ఈ హెయిర్ మాస్క్‌ను వారానికి ఒకసారి ఉపయోగించవచ్చు.  జుట్టు బాగా దెబ్బ తిని ఉన్నవారు అయితే వారంలో రెండు సార్లు కూడా ఉపయోగించవచ్చు.  తక్కువ సమయంలోనే అద్బుతమైన ఫలితాలు కనిపిస్తాయి. జుట్టుకు ఎందుకు మేలు చేస్తుందంటే.. మెంతి గింజల మాస్క్‌లలో  జుట్టుకు పోషణనిచ్చే అనేక పోషకాలు ఉంటాయి.  జుట్టు రాలడంతో బాధపడుతుంటే జుట్టు సంరక్షణ దినచర్యలో మెంతి గింజల మాస్క్‌లను చేర్చుకోవచ్చు. మెంతి గింజల మాస్క్‌లను అప్లై చేయడం వల్ల జుట్టు బలపడి, ఒత్తుగా పెరుగుతుంది. అవి జుట్టును మృదువుగా, నునుపుగా కూడా చేస్తాయి.                             *రూపశ్రీ.

ప్రూట్ ఫేషియల్.. వేసవికి భలే బ్యూటీ ఛాయిస్ ఇది!

ప్రూట్ ఫేషియల్.. వేసవికి భలే బ్యూటీ ఛాయిస్ ఇది! వేసవి కాలం రాగానే చర్మం కూడా చాలా డల్ గా మారిపోతుంది. చర్మం ఆరోగ్యంగా ఉండటం కోసం చాలా రకాల బ్యూటీ టిప్స్ ట్రై చేస్తుంటారు. చాలా మంది బ్యూటీ పార్లర్ మీద ఆధారపడుతూ ఉంటారు. అయితే.. సాధారణ రోజుల్లో పాలో అయ్యే బ్యూటీ టిప్స్ వేసవికి అంతగా వర్కౌట్ కాకపోవచ్చు. ఎందుకంటే వేసవి కాలం ప్రభావాన్ని సాధారణ రోజుల కంటే ఎక్కువగా చూపిస్తుంది.  వేసవి ఎండ, దుమ్ము, ధూళి,  జిడ్డు.. మొదలైనవన్నీ చర్మాన్ని చాలా అధ్వానంగా మారుస్తాయి.  అయితే ఇవన్నీ చక్కగా తొలగించడమే కాకుండా చర్మాన్ని తాజాగా ఉంటే సూపర్ బ్యూటీ ట్రీట్మెంట్ ఏదైనా ఉందంటే అది ప్రూట్ ఫేషియల్ మాత్రమే.. వేసవి కాలంలో చర్మానికి సూపర్ చాయిస్ గా నిలిచే ప్రూట్ ఫేషియల్ ఎలా చేసుకోవాలి? ఫ్రూట్ ఫేషియల్ వల్ల చర్మానికి కలిగే లాబాలేంటి? తెలుసుకుంటే.. ఫ్రూట్ ఫేషియల్.. చర్మాన్ని సహజంగా శుభ్రం చేసి, చర్మానికి పోషణ ఇవ్వడంలో ప్రూట్స్ బాగా పని చేస్తాయి. ఇవి తినడానికే కాదు.. చర్మం మీద నేరుగా అప్లై చేయడానికి కూడా మంచి ఛాయిస్.  చాలా మంది అమ్మాయిలు ప్రూట్ ఫేషియల్  ఇష్టపడుతున్నారు. అవి  చర్మానికి పోషణనిచ్చి, లోపలి నుండి తేమను అందించి, చర్మాన్ని  కాంతివంతంగా , ఆరోగ్యంగా ఉంచుతాయి. ఫేషియల్ చేసుకోవడానికి ద బెస్ట్ ప్రూట్స్ గురించి,  వాటితో ఫేషియల్ ఎలా చేసుకోవాలంటే.. బొప్పాయి ఫేషియల్ వేసవిలో  తీవ్రమైన ఎండ, చెమట , దుమ్ము వంటి సమస్యలను ఎదుర్కొంటుంటే బొప్పాయి ఫేషియల్‌ను ప్రయత్నించవచ్చు. బొప్పాయి ఫ్రూట్ ఫేషియల్ చనిపోయిన చర్మాన్ని తొలగించి,  చర్మాన్ని మృదువుగా , కాంతివంతంగా మార్చడంలో సహాయపడుతుంది. బాగా పండిన బొప్పాయిని తీసుకుని గుజ్జుగా చేసి.. ఆ గుజ్జును ముఖానికి రాసి సున్నితంగా మసాజ్ చేసుకోవాలి.  పది నిమిషాలు అలా మసాజ్ చేసుకున్నాక కొద్ది సేపు అలాగే వదిలేయాలి.  ముఖం ఆరిన తర్వాత చల్లని నీటితో ముఖాన్ని శుభ్రం చేయాలి.   బనానా ఫేషియల్.. బనానా ఫేషియల్  చర్మానికి అద్భుతంగా మేలు చేస్తుంది. ఒక గిన్నెలో బాగా పండిన అరటిపండును మెత్తగా చేసి, తేనె, పాలు కలిపి ఫేస్ ప్యాక్ తయారు చేసుకోవాలి. దీన్ని ముఖానికి పట్టించి సున్నితంగా మసాజ్ చేసుకోవాలి.  ఆ తరువాత కొద్దిసేపు అలాగే వదిలేసి.. ఆరిన తర్వాత చల్లని నీటితో శుభ్రం చేసుకోవాలి. దీంతో  అద్భుతమైన ఫలితాలను చూడవచ్చు. స్ట్రాబెర్రీ ఫేషియల్ .. స్ట్రాబెర్రీ ఫేషియల్ చర్మానికి సూపర్ గ్లామర్ ను ఇస్తుంది. చర్మాన్ని కాంతివంతంగా మారుస్తుంది.  స్ట్రాబెర్రీని తీసుకుని బాగా గుజ్జులాగా చేసుకోవాలి.  ఆ తరువాత ఈ గుజ్జును ముఖానికి అప్లై చేసి దాంతో ముఖానికి మసాజ్ చేసుకోవాలి.  కొద్దిసేపు అలాగే వదిలేసి ఆ తరువాత చల్లని నీటితో శుభ్రం చేసుకోవాలి.  దీన్ని వేసుకోవడం చాలా సులభం, ఫలితాలు నిజంగా అద్భుతంగా ఉంటాయి. ఇది మీ చర్మాన్ని శుభ్రపరచడమే కాకుండా, జిడ్డు చర్మం నుండి కూడా ఉపశమనం కలిగిస్తుంది.                                 *రూపశ్రీ.

జుట్టు ఎంతో ఆరోగ్యంగా మార్చే హెల్తీ షాంపూ.. ఇంట్లోనే ఇలా తయారు చేసుకోవచ్చు..!

జుట్టు ఎంతో ఆరోగ్యంగా మార్చే హెల్తీ షాంపూ.. ఇంట్లోనే ఇలా తయారు చేసుకోవచ్చు..! వారంలో కనీసం రెండు నుండి మూడు సార్లు షాంపూతో తలస్నానం చేయడం చాలామంది అలవాటు. మార్కెట్లో లభించే రసాయనాలతో నిండిన షాంపూలు జుట్టుకు హానికరమైన ప్రభావాన్ని చూపిస్తాయి. ఈ షాంపూలను ఉపయోగించడం వల్ల జుట్టు తీవ్రంగా దెబ్బతినే అవకాశం ఉంటుంది.  జుట్టు అందంగా,  ఆరోగ్యంగా ఉండాలని అనుకునే వారు  ఇంట్లోనే ఆరోగ్యకరమైన షాంపూలను తయారు చేసుకోవచ్చు. రసాయనాలు లేని షాంపూను ఎలా తయారు చేయాలో తెలుసుకుంటే.. షాంపూ తయారు చేయడానికి కావలసిన పదార్థాలు.. 1 టీస్పూన్ మెంతులు, 1 టీస్పూన్ బియ్యం, 1 కప్పు శిఖాకాయ్, 1/3 కప్పు ఎండు ఉసిరికాయలు, 1 టీస్పూన్ అవిసె గింజలు, 1/2 కప్పు కుంకుడు కాయలు 4 గ్లాసుల నీరు. షాంపూ తయారీ విధానం.. ముందుగా ఒక బాణలిలో మెంతులు, బియ్యం, షికాయ వేయాలి.తరువాత ఎండు ఉసిరికాయ, అవిసె గింజలు, కుంకుడు కాయ, నీళ్ళు కలపాలి. ఆ బాణలిని స్టవ్ మీద పెట్టాలి.ఈ మిశ్రమాన్ని మరగనివ్వాలి. నీళ్ళు గోరువెచ్చగా అయినప్పుడు, కుంకుడు కాయ  గింజలను తీసి పారవేయాలి. ఈ మిశ్రమాన్ని 7 నుండి 8 నిమిషాల పాటు ఉడకబెట్టాలి. అన్ని పదార్థాలు బాగా మరిగిన తర్వాత, వాటిని వడకట్టాలి. తర్వాత  షాంపూ సిద్ధమైనట్టే.  ఈ షాంపూను వారం పొడవునా ఉపయోగించవచ్చు.  వారానికి రెండుసార్లు ఈ షాంపూతో  జుట్టును కడగవచ్చు. రసాయనాలు లేని ఈ షాంపూను ఉపయోగించడం వల్ల జుట్టు మృదువుగా,  మెరుస్తూ ఉంటుంది. హెయిర్ ఫాల్ కు బెస్ట్.. జుట్టు రాలడంతో బాధపడుతుంటే ఇంట్లో తయారుచేసిన షాంపూని ప్రయత్నించవచ్చు. ఇంట్లో తయారుచేసిన షాంపూని ఉపయోగించడం వల్ల జుట్టు రాలడాన్ని తగ్గించవచ్చు. సహజమైన షాంపూలలో జుట్టు పెరుగుదలను ప్రోత్సహించే అనేక పోషకాలు ఉంటాయి. జుట్టు ఒత్తుగా పెరగడానికి కూడా  ఇంట్లో తయారుచేసిన షాంపూని ఉపయోగించవచ్చు.                                   *రూపశ్రీ.

ఒక్క రూపాయి ఖర్చు లేకుండా ఇంట్లో ఉన్నవాటితోనే పెడిక్యూర్..ఇలా చేస్కోండి!

ఒక్క రూపాయి ఖర్చు లేకుండా ఇంట్లో ఉన్నవాటితోనే పెడిక్యూర్..ఇలా చేస్కోండి! వేసవి కాలం వేడి కారణంగా, బయట తిరగడం కారణంగా పాదాలు బాగా ఇబ్బంది పడుతుంటాయి.  ముఖ్యంగా వేడి శరీరం ఉన్నవారికి పాదాలు, మడమల ప్రాంతంలో చర్మం బాగా చీలినట్టు అవుతుంది, చర్మం చాలా గట్టిగా మారుతుంది కూడా.  పాదాల అందం అనే విషయాన్ని పక్కన పెడితే.. పాదాలు చర్మం పగిలిపోకుండా, చీలినట్టు ఉండకుండా.. సాఫ్ట్ గా,  స్మూత్ గా ఉండటం కోసం పెడిక్యూర్ చాలా చక్కగా పనిచేస్తుంది. అయితే పాదాల పెడిక్యూర్ కోసం బ్యూటీ పార్లర్ కు వెళితే వందల నుండి వేలాది రూపాయల వరకు కూడా ఖర్చు అవుతుంది.  కానీ.. ఇంట్లో ఉన్న వాటితోనే ఒక్క రూపాయి ఖర్చు లేకుండా పెడిక్యూర్ చేసుకోవచ్చు.  దీని వల్ల పాదాలు బ్యూటీ పార్లర్ ట్రీట్మెంట్  ఫలితాలను గుర్తు చేస్తాయి కూడా. ఇంతకీ ఇంట్లోనే పాదాలకు పెడిక్యూర్ చేసుకోవడానికి ఏం చేయాలి? ఏ పదార్థాలు వాడాలి? వివరంగా తెలుసుకుంటే.. ఇంట్లోనే పెడిక్యూర్  చేసుకునే స్టెప్స్.. స్టెప్ 1.. పాదాలు చీలమండల వరకు మునిగేంత గోరువెచ్చని నీటిని ఒక టబ్ లేదా పెద్ద గిన్నెలో తీసుకోవాలి.  కొద్దిగా బాత్ సాల్ట్,  నచ్చిన ఎసెన్షియల్ ఆయిల్ కలపాలి. ఇవి లేకపోతే కొద్దిగా రాళ్ల ఉప్పు అయినా వేసుకోవచ్చు. అలాగే కాస్త షాంపూ కూడా వేసుకోవచ్చు.  కావాలనుకుంటే కొన్ని చిన్న నునుపైన గులకరాళ్లను కూడా వేసుకోవచ్చు. ఈ గులకరాళ్లు పాదాలు నీటిలో ఉంచినప్పుడు స్మూత్ గా మసాజ్ చేసినట్టు అనిపిస్తాయి.  పాదాలను 15-20 నిమిషాల పాటు నీటిలో నానబెట్టి విశ్రాంతి ఇవ్వాలి. ఆ తర్వాత ఒక టవల్‌తో పూర్తిగా ఆరబెట్టాలి. నెయిల్ కటింగ్.. పాదాలను నీటిలో నానబెట్టినప్పుడు గోళ్లు మెత్తబడతాయి. ఇలా  మెత్తబడిన గోళ్లను నెయిల్ కట్టర్ తో కట్ చేసుకోవాలి.  నెయిల్ కటింగ్ ను పాదాలను నీటిలో నానబెట్టడానికి ముందే అయినా కట్ చేసుకోవచ్చు.  ఆ తర్వాత పాదాలు నానబెడితే  గోళ్ల కింద ఉండే చర్మం మెత్తబడుతుంది.  దీని వల్ల ఆ చర్మం తొలగించడం సులువు అవుతుంది. ఎక్స్‌పోలియేట్.. పాదాలను ఆరబెట్టిన తర్వాత, ప్రతి గోరు కింద క్యూటికల్ క్రీమ్‌ను రాసి, కొన్ని నిమిషాల పాటు అలాగే వదిలేయాలి. ఈలోగా ఫుట్ స్క్రబ్‌ను ఉపయోగించి  మడమలు,  అరికాళ్లపై ఉన్న పొడిబారిన , నిర్జీవమైన చర్మాన్ని సున్నితంగా రుద్దుతూ తొలగించాలి. ఫుట్ స్మ్రబ్ కోసం పంచదార, కాఫీ, నిమ్మరసం మిశ్రమాన్ని ఉపయోగించవచ్చు. అయితే స్ర్కబ్ తో చర్మం మీద మరీ గట్టిగా రుద్దకూడదు. ఆ తర్వాత, క్యూటికల్ క్రీమ్‌ను తుడిచివేసి, క్యూటికల్ పుష్‌తో దానిని సున్నితంగా వెనక్కి నెట్టండి. తర్వాత పాదాలను కడుక్కొని, మాయిశ్చరైజర్‌ను బాగా అప్లై చేయాలి. తగినంత క్రీమ్ తీసుకుని పాదాలకు సున్నితంగా మసాజ్ చేయాలి. క్రమం తప్పకుండా మసాజ్ చేయడం వల్ల చర్మం మృదువుగా మారుతుంది. రక్త ప్రసరణ మెరుగుపడుతుంది, పాదాలు ఆరోగ్యంగా కనిపిస్తాయి. నెయిల్ పాలిష్.. చివరగా ఇష్టమైన నెయిల్ కలర్‌ను వేసుకోవాలి. బేస్ కోట్ వేసి ఆరనివ్వాలి. ఆ తర్వాత, నెయిల్ పాలిష్ ఒక పొర వేసి అది పూర్తిగా ఆరిన తర్వాత రెండవ పొర వేయాలి. ఇలా చేయడం వల్ల నెయిల్ పాలిష్ ఎక్కువ కాలం నిలుస్తుంది. నెయిల్ పాలిష్ చెక్కుచెదరకుండా ఉండటానికి  నెయిల్ పాలిష్ పైన టాప్ కోట్ వేయాలి. ఇది  గోళ్లకు మంచి మెరుపును ఇస్తుంది,  పాలిష్ ఎక్కువ కాలం నిలిచేలా చేస్తుంది.                           *రూపశ్రీ.

పాదాలు, చేతులు మృదువుగా ఉండాలంటే.. రోజూ రాత్రి ఈ ఒక్క పని చేయండి!

పాదాలు, చేతులు మృదువుగా ఉండాలంటే.. రోజూ రాత్రి ఈ ఒక్క పని చేయండి..! ఈ రోజుల్లో ప్రతి అమ్మాయి.. తానేమీ హీరోయిన్ కంటే తక్కువా.. అనే అభిప్రాయంతో ఉంటుంది. దీనికి తగ్గట్టే మేకప్ మెయింటెన్ చేస్తారు,  డ్రస్సులు వేస్తారు, ప్యాషన్ గా ఉండటానికి ట్రై చేస్తారు. కానీ అమ్మాయిలు ఎంత ట్రై చేసినా పాదాలు, చేతులు మాత్రం కొందరికి కళ లేకుండా డల్ గా, నల్లగా, ముడుతలు పడిపోయి, పాదాలు పగిలి,  చర్మం పైకి పొట్టులాగా లేచి కనబడుతూ ఉంటుంది.  దీనికోసం ఎంతో డబ్బు వెచ్చించి బ్యూటీ ట్రీట్మెంట్ లు, మెనిక్యూర్, పెడిక్యూర్ చేయించుకుంటూ.. మార్కెట్ లో దొరికే బ్యూటీ ఉత్పత్తులు వాడుతూ ఉంటారు. కానీ అసలు డబ్బు ఖర్చు లేకుండా ప్రతి రాత్రి కేవలం ఒక్క  చిట్కా పాటించడం ద్వారా కొన్ని రోజుల్లోనే హీరోయిన్స్ లా మృదువుగా,  అందంగా ఉన్న పాదాలు,  చేతులు, చేతి వేళ్లు సొంతం చేసుకోవచ్చు.  ఇందుకోసం ఏం చేయాలో తెలుసుకుంటే.. శుభ్రత.. రాత్రి సమయంలో చాలామంది భోజనం చేయగానే కాసేపు సినిమాలు చూడటం,  ఫోన్ లో చాటింగ్స్ లేదా నెట్ బ్రౌజింగ్ వంటివి చేసుకుంటూ ఆ తర్వాత చక్కగా నిద్రపోతారు. కానీ పాదాలు, చేతులు,చేతి వేళ్లు హీరోయిన్స్ లా ఉండాలంటే రాత్రి తీసుకునే శుభ్రత జాగ్రత్తలే కీలకం.  రాత్రి పడుకునే ముందు శుభ్రంగా ముఖం,  పాదాలు, చేతులు కడుక్కోవాలి.  ఇది చాలా వరకు పాదాలు చేతులు అందంగా కనిపించడంలో సహాయం చేస్తుంది. ఆయిల్ లేదా మాయిశ్చరైజర్.. రాత్రి పాదాలు, చేతులు శుభ్రం చేసుకున్న తర్వాత మెత్తడి పొడి టవల్ తో తేమను తుడిచేయాలి.  తర్వాత కొబ్బరి నూనె, నువ్వుల నూనె లేదా బాదం నూనె, ఆలివ్ నూనె.. ఇలా ఏది అందుబాటులో ఉంటే ఆ నూనెతో పాదాలను,  చేతులకు నూనె అప్లై చేసి సున్నితంగా మసాజ్ చేసుకోవాలి.  ఇది పాదాలు, చేతుల చర్మానికి తేమను  అందిస్తుంది. ముఖ్యంగా పాదాల చర్మాన్ని మృదువుగా చేస్తుంది.  ఒకవేళ ఆయిల్ అప్లై చేయలేకపోతే.. మాయిశ్చరైజర్ అయినా  అప్లై చేయవచ్చు.  ఇది చర్మాన్ని తేమగా ఉంచి, చర్మం పొడిబారకుండా చేస్తుంది. సాక్స్.. రాత్రి సమయం పడుకునే ముందు పాదాలకు మసాజ్ చేసుకున్న తర్వాత మంచి శుభ్రమైన సాక్స్ ధరించాలి.  ఇది చర్మం ఆరిపోకుండా,  పొడిబారకుండా చేస్తుంది.   రిపీట్.. పైన చెప్పుకున్న చిట్కాలు ఏదైనా ప్రతిరోజూ కంటిన్యూగా చేస్తూ ఉండాలి. కనీసం వారం నుండి రెండు వారాల పాటు పాటిస్తే.. ఖచ్చితంగా మంచి మార్పు కనిపిస్తుంది.  దీన్ని ఇలాగే పాటిస్తూ ఉంటే.. చర్మానికి పోషణ లభించి చర్మం యవ్వనంగా మారి పాదాలు. చేతులు మృదువుగా,  అందంగా కనిపిస్తాయి.                                          *రూపశ్రీ.

కాంబినేషన్ చర్మంతో కన్ప్యూజ్ అవుతున్నారా.. ఇది అప్లై చేస్తే సెట్టు..!

కాంబినేషన్ చర్మంతో కన్ప్యూజ్ అవుతున్నారా.. ఇది అప్లై చేస్తే సెట్టు..! చర్మంలో రకాలు ఉంటాయి.  సెన్సిటివ్ స్కిన్,  డ్రై స్కిన్, ఆయిల్ స్కిన్ తో పాటు కాంబినేషన్ స్కిన్ కూడా ఉంటుంది.  కాంబినేషన్ స్కిన్ ఉన్నవారిలో ముఖంలో గడ్డం,  బుగ్గలు వంటి ప్రాంతాలు బాగా డ్రై గానూ,  నుదురు,  ముక్కు వంటి ప్రాంతాలు ఆయిల్ గానూ ఉంటాయి.  డ్రై స్కిన్ ఉన్నవారు, సెన్సిటివ్ స్కిన్ ఉన్నవారు,  ఆయిల్ స్కిన్ ఉన్నవారు తమ చర్మానికి తగినట్టు ఫేస్ ప్యాక్ లు లేదా చర్మ సంరక్షణ ఉత్పత్తులు ఎంపిక చేసుకోవడం సులువు. కానీ.. కాంబినేషన్ స్కిన్ ఉన్నవారికి ప్రత్యేకంగా ఎలాంటి ఉత్పత్తులు ఉండవు.  ఇలాంటి వారు కనీసం ఇంట్లో ఏదైనా ఫేస్ ప్యాక్ లాంటివి ట్రై చేయాలన్నా చాలా గందరగోళానికి గురవుతూ ఉంటారు.  అయితే.. కాంబినేషన్ స్కిన్ ఉన్నవారు ఇంట్లోనే హాయిగా అప్లై చేసుకోగల ఫేస్ ప్యాక్ ఉంది. అదేంటో.. అది కాంబినేషన్ స్కిన్ ఉన్నవారికి ఎలా సహాయపడుతుందో తెలుసుకుంటే.. పసుపు, పెరుగు పేస్ట్.. పసుపు, పెరుగు రెండూ చర్మ ఆరోగ్యానికి మేలు చేస్తాయి. పసుపు, పెరుగు రెండింటిలోనూ యాంటీ బాక్టీరియల్ , యాంటీ ఇన్ఫ్లమేటరీ గుణాలు ఉండటం వల్ల, అవి మచ్చలను, వాపును తగ్గించడంలో సహాయపడతాయి. పెరుగు, పసుపును కలిపి ముఖానికి రాసుకోవడం వల్ల చాలా మంచి బెనిఫిట్స్ ఉంటాయి. పసుపు, పెరుగు పేస్ట్ అప్లై చేసుకోవడం వల్ల కలిగే ప్రయోజనాలు.. మొటిమలకు..  ముఖానికి పెరుగు, పసుపు పూయడం వల్ల మచ్చలు తగ్గించడంలో సహాయపడుతుంది. పెరుగు, పసుపు ఫేస్ మాస్క్ చర్మం  ఛాయను కూడా మెరుగుపరుస్తుంది. పెరుగు, పసుపులో ఉండే యాంటీసెప్టిక్ , యాంటీ ఇన్ఫ్లమేటరీ గుణాలు మొటిమలను నయం చేయడానికి సహాయపడతాయి. మెరిసే చర్మానికి.. పెరుగు, పసుపు ఫేస్ మాస్క్ వేసుకోవడం వల్ల చనిపోయిన చర్మ కణాలు తొలగిపోయి, చర్మ ఛాయ మెరుగుపడుతుంది. కాంతివంతమైన చర్మం కోసం పెరుగు, పసుపు ఫేస్ మాస్క్ వేసుకోవచ్చు. పెరుగు, పసుపు ఫేస్ మాస్క్ వేసుకోవడం వల్ల పిగ్మెంటేషన్ తగ్గుతుంది. ఎండదెబ్బ నుండి ఉపశమనం.. వేసవి కాలంలో చర్మం తరచుగా ఎండకు కమిలిపోతుంది. ఎండ వలన కలిగే మంటను తగ్గించడానికి , నల్లబడటాన్ని నివారించడానికి  పెరుగు, పసుపు ఫేస్ మాస్క్‌ను వేసుకోవచ్చు. పెరుగు , పసుపు ఫేస్ మాస్క్ చర్మానికి పోషణను అందిస్తుంది. ఎండ వలన కలిగే మంట నుండి ఉపశమనం పొందడానికి,  పెరుగు , పసుపు ఫేస్ మాస్క్‌ను వేసుకోవచ్చు. తేమ.. పెరుగు, పసుపుతో చేసిన ఫేస్ మాస్క్‌ను అప్లై చేయడం వల్ల చర్మానికి లోతైన పోషణ లభించి, మృదువుగా, సున్నితంగా మారుతుంది. పెరుగులో ఉండే లాక్టిక్ యాసిడ్, చర్మాన్ని ఎక్స్‌ఫోలియేట్ చేస్తుంది. పెరుగు, పసుపులలో యాంటీ బాక్టీరియల్ గుణాలు ఉండటం వల్ల, అవి చర్మాన్ని కాంతివంతంగా మార్చడానికి సహాయపడతాయి. వృద్దాప్యం.. పెరుగు, పసుపుతో చేసిన ఫేస్ మాస్క్ ఉబ్బును తగ్గిస్తుంది. పెరుగును ఉపయోగించడం వల్ల చర్మం బిగువుగా, కాంతివంతంగా మారుతుంది. పెరుగులోని లాక్టిక్ యాసిడ్ చర్మాన్ని మృదువుగా చేయడానికి సహాయపడుతుంది. పెరుగు, పసుపు ప్యాక్ ఎలా తయారు చేయాలి..? రెండు టేబుల్ స్పూన్ల పెరుగులో  చిటికెడు పసుపును కలపాలి. దీనిని  మెడకు 15 నుండి 20 నిమిషాల పాటు పట్టించాలి.  అది ఆరిన తర్వాత, చల్లటి నీటితో మెల్లగా మసాజ్ చేసి, ముఖం కడుక్కోవాలి. దీన్ని వారంలో కనీసం ఒకటి నుండి రెండు సార్లు ముఖానికి అప్లై చేస్తూ ఉంటే చాలా మంచి ఫలితాలు ఉంటాయి.  ముఖ్యంగా వేసవి కాలంలో తప్పకుండా కాంబినేషన్  స్కిన్ ఉన్నవారు దీన్ని ట్రై చేస్తే మంచిది.                                   *రూపశ్రీ.

అతిమధురం.. ఇలా వాడితే ముఖం మీద మచ్చలు మాయం..!

అతిమధురం.. ఇలా వాడితే ముఖం మీద మచ్చలు మాయం..! అమ్మాయిలు అందంగా, ఆకర్షణగా కనిపించాలని అనుకుంటారు. మరీ ముఖ్యంగా మేకప్ బ్యూటీస్ అనే మాట కంటే నేచురల్ బ్యూటీ అనిపించుకోవడానికే అమ్మాయిలు ఇష్టపడతారు.  చర్మాన్ని సహజంగా కాంతివంతంగా మార్చుకోవడానికి ఎన్నెన్నో ప్రయత్నాలు చేస్తుంటారు. అయితే అటు చర్మ సంరక్షణ కోసం.. ఇటు ఆరోగ్యం కోసం ఆయుర్వేదంలో శతాబ్దాలుగా  ఉపయోగిస్తున్న ఔషధం అతిమధురం.  అతిమధురం వాడటం వల్ల అనేక ప్రయోజనాలు ఉన్నాయి. ఇది చర్మాన్ని కాంతివంతంగా, మెరిసేలా చేస్తుంది.  పిగ్మెంటేషన్,  నల్ల మచ్చలను తగ్గిస్తుంది. దీనిలోని యాంటీఆక్సిడెంట్ గుణాలు చర్మాన్ని బాగు చేస్తాయి.  మొటిమలు,  మచ్చలను తగ్గించడంలో సహాయపడుతుంది. అయితే చర్మాన్ని అందంగా మార్చుకోవడానికి అతిమధురాన్ని ఎలా ఉపయోగించాలి? ఎలా వాడాలి? తెలుసుకుంటే.. అతిమధురం పేస్ ప్యాక్.. ఒక టీస్పూన్ అతిమధురం పొడిని రోజ్ వాటర్‌తో కలిపి పేస్ట్ లాగా చేసుకోవాలి. దీనిని  ముఖానికి పట్టించి 15 నిమిషాల పాటు అలాగే ఉంచాలి. ఆ తర్వాత కడిగేయాలి. ఇది  చర్మాన్ని తక్షణమే తాజాగా చేసి, కాంతివంతంగా మెరిసేలా చేస్తుంది. అతిమధురం. తేనె..  ముఖంపై నల్ల మచ్చలు ఉంటే, వాటిని వదిలించుకోవడానికి అతిమధురాన్ని తేనెతో కలిపి వాడాలి.   అతిమధురం పొడిలో తేనె కలిపి మచ్చలపై రాయాలి. క్రమం తప్పకుండా వాడటం వల్ల మచ్చలు తేలికపడతాయి. అతిమధురం, పాలు..  చర్మాన్ని ప్రకాశవంతం చేయడానికి,  ఛాయను మెరుగుపరచడానికి, అతిమధురం పొడిని పచ్చి పాలలో కలిపి రాసుకోవాలి. 10-15 నిమిషాల తర్వాత ముఖం కడుక్కోవాలి. ఇది చర్మపు రంగును మెరుగుపరుస్తుంది. అతిమధురం, కలబంద.. మొటిమలను తగ్గించడానికి అతిమధురం మేలు చేస్తుంది. అతిమధురం పొడిని కలబంద జెల్‌తో కలిపి  ముఖానికి రాసుకోవాలి. దీనిని క్రమం తప్పకుండా వాడటం వల్ల మొటిమలు,  ఎరుపుదనం తగ్గుతాయి. అతిమధురం టోనర్.. అతిమధురం తక్షణ మెరుపును కూడా అందిస్తుంది. అతిమధురం పొడిని లేదా వేరును నీటిలో మరిగించి చల్లారనివ్వాలి. దానిని టోనర్‌గా ఉపయోగించాలి. ఇది  చర్మాన్ని బిగుతుగా,  తాజాగా ఉంచడంలో సహాయపడుతుంది.                          *రూపశ్రీ.