English | Telugu
అరేయ్ చూడండిరా...కీర్తి సురేష్ గారు నన్ను పొగిడారు..
Updated : Jul 2, 2025
సుహాస్ బిగ్ స్క్రీన్ మీద ఆచి తూచి మంచి మూవీస్ చేస్తూ ఉంటాడు. ఆయన చేసే మూవీస్ తో ఇండస్ట్రీకి ఒక ప్రామిసింగ్ హీరోగా మారిపోయాడు. కలర్ ఫోటో, ప్రసన్న వదనం, రైటర్ పద్మభూషణ్, అంబాజీపేట మ్యారేజ్ బ్యాండ్ ఇలాంటి ఆడియన్స్ కి నచ్చే ఎన్నో మూవీస్ చేసాడు. ఐతే సుహాస్ మీద ఇంత వరకు నెగటివ్ ట్రోలింగ్ అనేది ఆడియన్స్ నుంచి ఎప్పుడూ ఎదురుకాలేదు. కానీ వాళ్ళ ఫ్రెండ్స్ మాత్రమే తిడుతూ ఉంటారట. ఇక రీసెంట్ కీర్తి సురేష్, సుహాస్ సుమ చాట్ షోకి వచ్చారు. "పవన్ కళ్యాణ్ , ప్రభాస్ అవకాశం వస్తే వీళ్లల్లో ఎవరితో డైరెక్షన్ చేస్తారు" అని సుమ అడిగింది. "వామ్మో నేను అంత రిస్క్ చేయలేను, టెన్షన్ పడలేను..డైరెక్షన్ మానేసి ఇంటికి వెళ్ళిపోతాను. నేను నిజంగా డైరెక్షన్ చేస్తే నాని అన్నతో చేస్తాను. డైరెక్షన్ అవ్వాలని ఉంది.
కానీ హీరోగా చేయడం బాగుందని ఇలా ఉండిపోయాను." అని చెప్పాడు సుహాస్. "సుహాస్ మీకు హేటర్స్ ఉంటే వాళ్లకు ఎం చెప్తారు" అని అడిగింది సుమ. "మీకు హేటర్స్ ఉన్నారా..సుహాస్ కి హేటర్సా..." అని షాకయ్యింది కీర్తి సురేష్. "లేదక్కా హేటర్స్ ఉంటే నా ఫ్రెండ్స్ లోనే ఉంటారు. నన్ను బయట ఎవరూ ఏమీ అనరు కానీ నా ఫ్రెండ్స్ అంటూ ఉంటారు. ఛీ అదేం యాక్టింగ్ అంటూ తిడతారు. నా ఫ్రెండ్సే నా హేటర్స్ " అన్నాడు సుహాస్.."చూడండిరా కీర్తి సురేష్ గారు కూడా పొగుడుతున్నారు. మీకేమొచ్చిందిరా నాయనా" అని నవ్వుతూ చురక అంటించాడు.