బుల్లితెరపై సుడిగాలి సుధీర్ క్రేజ్ గురించి ప్రత్యేకంగా చెప్పక్కర్లేదు. సుధీర్ కనిపిస్తే చాలు ఆ షో హిట్ అన్నట్టుగా మారిపోయింది. ఐతే ఇప్పుడు మళ్లీ ఈటీవీ, మల్లెమాల ఈవెంట్స్ లోకి సుధీర్ తిరిగొచ్చేశాడు. ఈటీవీ 27వ వార్షికోత్సవం సందర్భంగా మల్లెమాల నిర్వహించిన స్పెషల్ ఈవెంట్ లో సుధీర్ మళ్ళీ మెరిశాడు. సుధీర్ ఎంట్రీ ఆడియన్స్ కి కికిక్కిచ్చింది. కానీ ఆదికి మాత్రం పెద్దగా నచ్చినట్టు లేదు. తన మీద ఫోకస్ అంత సుధీర్ మీదకు వెళ్లిపోతుందేమో అని భయపడి అందరూ పిచ్చ కౌంటర్లు వేసి సుధీర్ ని మాట్లాడనివ్వకుండా చేసేసారు. భలే మంచి రోజు అనే ఈ స్పెషల్ ఈవెంట్ లో సుధీర్ ఎంట్రీ ఇచ్చి ఎంటర్టైన్ చేసాడు. ఇప్పుడు ఈ ప్రోమో వైరల్ అవుతోంది. ఇక ఈ ఈవెంట్ లోకి సుధీర్ గ్రాండ్ ఎంట్రీ అద్దిరిపోయింది.

ఇక ఆయనొస్తే మిగతా గ్యాంగ్ కూడా పిచ్చి డైలాగ్స్, స్టెప్స్ వేస్తారని తెలిసిందే కదా. వాళ్లందరినీ చూసి సుధీర్ "ఏంట్రా ఇది" అన్నట్టుగా ఎక్స్ప్రెషన్ ఇచ్చేసరికి "సర్ మారితే అందరూ మారతారు మరి" అంటూ ఆది కౌంటర్ వేస్తాడు. "వీళ్లందరితో నా ఎంట్రీ పెట్టారేంటి" అని సీరియస్ గా అనేసరికి "నువ్ వస్తున్నావ్ అని తెలిస్తే ఎంట్రీ కాదు.. ఈవెంట్ కూడా ఒప్పుకోనన్నాడు" అని ఇమ్ము అనేసరికి ఇంద్రజ పడీపడీ నవ్వేస్తుంది. "మిమ్మల్నందరినీ ఒక్క చోట ఉంచుతాడు ఈయన" అంటూ ప్రదీప్ కూడా జోక్ వేసేసరికి "ముందు ఆయన్ని ఒక్క చోట ఉండమనండి చాలు" అంటూ ఆది పంచ్ పిలుస్తాడు. తర్వాత ఒక అమ్మాయికి లవ్ ట్రాక్ వేసే స్కిట్ చేస్తాడు సుధీర్. అందులో అమ్మాయికి అన్నలుగా ఆది, రాంప్రసాద్, ఇమ్ము నటిస్తారు. "అన్నయ్య నేను ప్రేమించింది ఇతన్నే " అంటూ సుధీర్ ని పరిచయం చేస్తుంది వాళ్ళ అన్నలకి. "ఏం చూసి ప్రేమించావు వీడిని" అంటాడు ఆది. "అవన్నీ అప్పుడు సర్..ఇప్పుడు నేను మారిపోయానండి" అని సుధీర్ అంటాడు.

"ఏది పక్క ఛానల్ కి మారిపోయావా" అంటూ కౌంటర్ వేస్తాడు ఆది. "మీ చెల్లి కోసం మీరేం చెప్పిన చేస్తా సర్ " అని సుధీర్ అనేసరికి " నా జుట్టు కాస్త మర్దన చెయ్యి.. చూసావా చివరికి నువ్వు ఏ స్టేజికి వచ్చావో " అని కౌంటర్ వేస్తాడు ఇమ్ము. ఆటో రాంప్రసాద్ కి చేతులు పడతాడు. తర్వాత "నా మోకాళ్ళు నొక్కు అని ఆది అనేసరికి సుధీర్ మోకాలి మీద కూర్చుంటాడు ". " చూసావా కావాలని కిందకి వంగాడు ఎందుకంటే.. మనల్ని బాడ్ చేయడానికి" అంటూ ఆది కౌంటర్ వేస్తాడు.