English | Telugu
'ప్రాజెక్ట్ కె' కి కొన్ని ఇన్పుట్స్ ఇచ్చాను!
Updated : Sep 7, 2022
‘మహానటి’ మూవీతో డైరెక్టర్ గా నిరూపించుకున్న నాగ్ అశ్విన్, పాన్ ఇండియా స్టార్ ప్రభాస్ ఆధ్వర్యంలో ‘ప్రాజెక్ట్ కె’ అనే సైంటిఫిక్ యాక్షన్ థ్రిల్లర్ రూపుదిద్దుకుంటోంది. వైజయంతి మూవీస్ బ్యానర్ లో వస్తున్న ఈ మూవీలోబాలీవుడ్ బ్యూటీ దీపికా పడుకోనే హీరోయిన్ గా నటిస్తోంది.. బిగ్ బీ అమితాబ్ కీలక పాత్ర ప్లే చేస్తున్నారు. ప్రస్తుతం ఈ సినిమా షూటింగ్ దశలో ఉంది. లెజండరీ డైరెక్టర్ సింగీతం శ్రీనివాసరావు 'ఆలీతో సరదాగా' షోలో ఎన్నో సినీ విశేషాలను వివరిస్తున్న క్రమంలో 'ప్రాజెక్టు కే' ప్రస్తావన వచ్చింది.
ఈ మూవీకి సంబంధించిన ఎన్నో విషయాలను నాగ్ అశ్విన్ తనతో చర్చించారన్నారు సింగీతం. తాను 'ప్రాజెక్ట్ కె' షూటింగ్ లో లేనని చెప్పారు. "నాగ్ అశ్విన్ స్క్రిప్ట్ మొత్తం రాసుకున్నాడు. కొన్ని మార్పులు చేర్పులు చేయమని కోరితే కాస్త సహకరించాను. నాకు తెలిసినవరకు కొన్ని ఇన్ పుట్స్ ఇచ్చాను. అక్కడితో నా పని అయిపోయింది" అంటూ చెప్పుకొచ్చారు.
ఇలా 'ప్రాజెక్ట్ కె' సినిమాలో తాను ఎలా ఎంతవరకు భాగమాయ్యాననే విషయాన్ని సింగీతం తెలియజేశారు. టైమ్ ట్రావెల్ కథాంశంతో ఇంటరెస్టింగ్ నెరేషన్తో ‘ప్రాజెక్ట్ కె’ అభిమానుల్ని అలరించేందుకు రెడీ అవుతోంది.