English | Telugu
ప్రేమ లోకంలో బిగ్ బాస్ ముదురుజంట!
Updated : Nov 23, 2021
బుల్లితెర రియాలిటీ షో బిగ్బాస్. తాజాగా సీజన్ 5 మొదలై మరో నాలుగు వారాల్లో ముగియబోతున్న విషయం తెలిసిందే. గత సీజన్లతో పోలిస్తే ఈ సీజన్ చాలా దారుణంగా వుందనే విమర్శలు వినిపిస్తున్నాయి. పైగా కంటెస్టెంట్ల పరంగానూ చాలా విమర్శలకు గురవుతోంది. కంటెస్టెంట్ ల తీరు వెగటు పుట్టించేలా వుందని ఓ రేంజ్లో నెటిజన్స్ ట్రోల్ చేస్తున్నారు. ఇక ఈ సీజన్లో హౌస్లోకి ఎంట్రి ఇచ్చిన జంటలపై కూడా విమర్శలు వెల్లువెత్తుతున్నాయి.
అందులో ప్రధానంగా వినిపిస్తున్న ముదురు జంట లోబో - ఉమాదేవి. వీరిద్దరి మధ్య సాగిన లవ్ ట్రాక్.. వీరిద్దరి కెమిస్ట్రీ పలువురిని ముక్కున వేలేసుకునేలా చేసింది. లవ్ అంటే ఇదా అని ఆశ్చర్యానికి లోనయ్యేలా చేసింది. హౌస్లో కోట్లాది మంది చూస్తుండగానే రెచ్చిపోయిన ఈ జంట బయటికి వచ్చాక కూడా అదే పంథాని కొనసాగిస్తూ ఫొటోలకి పోజులిస్తున్నారు. ఒకరిపై ఒకరు ప్రేమని ఒలకబోస్తూ సోషల్ మీడియా వేదికగా పోస్ట్లు పెడుతూ రచ్చ చేస్తున్నారు.
ఇటీవల ఓంకార్ కామెడీ స్టార్స్ షోలో ఉమాదేవి తో రిలేషన్ షిప్పై ఓపెన్గానే చెప్పేసి షాకిచ్చాడు లోబో. అదే స్థాయిలో ఉమాదేవి కూడా ఓపెన్ అయిపోయి సోషల్ మీడియాలో లోబోతో సన్నిహితంగా వున్న ఓ ఫొటోని షేర్ చేసి ఆసక్తికరంగా స్పందించింది. ప్రేమకి వయసుతో సంబంధం లేదు. ఎప్పుడైనా పుట్టొచ్చు అంటూ హాట్ కామెంట్లు చేసింది. పెళ్లీడుకొచ్చిన ఇద్దరు కూతుళ్లు వున్నా ప్రేమిస్తే తప్పేంటీ? అంటూ బోల్డ్ స్టేట్మెంట్లు ఇస్తోంది. ఉమ, లోబో లకు సంబంధించిన ఓ ఫొటో ప్రస్తుతం నెట్టింట సందడి చేస్తోంది.