'కార్తీక దీపం' సీరియల్ కి ఎంత క్రేజ్ ఉందో ప్రత్యేకంగా చెప్పక్కర్లేదు. బుల్లితెరను, సోషల్ మీడియాని షేకాడించేసిన సీరియల్ ఇది. ఈ సీరియల్ కి మెయిన్ పర్సన్స్ డాక్టర్ బాబు, వంటలక్క, మోనిత. వీళ్ళు లేకపోయేసరికి సీరియల్ కి అర్థ‌మే లేకుండా పోయింది. ఇది తెల్సుకున్న డైరెక్టర్ ఇప్పుడు కొత్త కొత్త మలుపులతో సరికొత్తగా మళ్ళీ ఒక్కో పాత్రను ప్రవేశపెడుతున్నారు. ఇప్పుడు వంటలక్క మేకప్ వేసుకుని రీఎంట్రీ ఇచ్చేసింది. ఆ ప్రోమో ఇప్పుడు బుల్లితెర మీద సోషల్ మీడియాలో ఫుల్ వైరల్ అవుతోంది. నెగటివ్ రోల్ లో ఉండే మోనిత కూడా మళ్ళీ రావడానికి సిద్ధమౌతోంది.

ఇక డాక్టర్ బాబు కోసం అంతా ఎదురుచూస్తున్నారు. ఈ విషయాన్ని నిరుపమ్ తన ఇన్స్టాగ్రామ్ పేజీ ద్వారా అనౌన్స్ చేసేశాడు. "గెట్ రెడీ ఫోక్స్.. డాక్టర్ ఆన్ డ్యూటీ" అంటూ కాప్షన్ పెట్టి తలకు కట్టు కట్టుకున్న ఫోటో ఒకటి పోస్ట్ చేసాడు. ఇక ఈ పోస్ట్ చూసిన ఫాన్స్ అంతా ఫుల్ ఖుషీ చేసుకుంటున్నారు. ఇంకొంతమంది మాత్రం ఈ సీరియల్ ఇప్పుడు ఎలాంటి ట్రాక్ లో నడవబోతోంది అనే విషయం పై చర్చోపచర్చలు చేస్తున్నారు. ఐతే గతంలో డాక్టర్ బాబు "ఇంక సీరియల్ లోకి మళ్ళీ రాను.. ఎందుకంటే పిల్లలు పెద్దవాళ్ళైపోయారు కదా. వాళ్లకు తండ్రిగా చేయడం ఇష్టం లేదు" అని తన యూట్యూబ్ ద్వారా తన ఫాన్స్ కి బిగ్ షాక్ ఇచ్చారు.

ఐతే ఇప్పుడు రీఎంట్రీ ఇస్తూండేసరికి కొంతమంది పాజిటివ్ గా రెస్పాండ్ అవుతుంటే, కొంతమంది మాత్రం 'అప్పుడు అలా చెప్పారు, ఇపుడు మళ్ళీ ఏమిటి' అంటున్నారు. ఇక ఈ రీఎంట్రీస్ తో 'కార్తీక దీపం' సీరియల్ రేటింగ్ మళ్ళీ పెరుగుతుందా ఇంతకుముందులా ఆడియన్స్ మళ్ళీ ఈ సీరియల్ ని ఆదరిస్తారా.. వేచి చూడాలి.