బుల్లితెర మీద ఎప్పటికప్పుడు కొత్త కొత్త షోస్ కొత్త కామెడీ వస్తూనే వుంది. ఆడియన్స్ కూడా చక్కగా రిసీవ్ చేస్తుకుంటూనే ఉన్నారు. అలాగే ఇప్పుడు ఒక కొత్త షో అనేది ప్రసారం కావడానికి సిద్ధంగా ఉంది. దానికి సంబంధించిన ప్రోమో ఆల్రెడీ రిలీజ్ అయ్యింది. ఇక ఇప్పుడు ఆ షోకి సంబంధించి మరో ఫన్నీ ప్రోమో వచ్చేసింది. డాన్స్ ఇండియా డాన్స్ షో ప్రోమో ఇప్పుడు సోషల్ మీడియాలో వైరల్ అవుతోంది.

ఇందులో కమెడియన్ రోహిణి హోస్ట్ అకుల్ బాలాజీతో చేసిన కామెడీ చాలా బాగుంది. ఈ షోకి గెస్ట్ గా సంగీత వచ్చింది. ఐతే సంగీత నటించిన 'ఖడ్గం' మూవీలోని "ఒకే ఒక్క ఛాన్స్" అంటూ సినిమాల్లో నటించటానికి అందరినీ అడిగే ఒక సన్నివేశం ఎవర్ గ్రీన్ ఎప్పటికీ. ఇప్పుడు సంగీత ప్లేస్ లో రోహిణి అలాంటి గెటప్ వేసుకుని స్టేజి మీదకు వచ్చి హోస్ట్ అకుల్ బాలాజీని ఆట పట్టించింది.

"సినిమా హీరోయిన్ ని చేస్తానని ఊర్లో నన్ను వదిలేసి వచ్చేసావ్. ఇప్పుడేమో నీ ఐడీ మార్చుకుని డిఐడి (డాన్స్ ఇండియా డాన్స్) చేస్తావా?" అంటూ ఏడ్చేసింది. బాలాజీకి ఏం మాట్లాడాలో అర్థం కాక నీళ్లు నమిలాడు. అక్కడి నుంచి డాన్స్ మాస్టర్ బాబా భాస్కర్ దగ్గరకు వచ్చి "ఒక్క ఛాన్స్ " అని అడిగింది రోహిణి. ఆ డైలాగ్ కి ఒక వికారమైన ఎక్స్‌ప్రెష‌న్ ఇచ్చేసరికి రోహిణి అక్కడినుంచి వెళ్ళిపోయింది. ఆ తర్వాత సంగీత తన డైలాగ్ తానే చెప్పింది. "నువ్వు ఇలాంటి ఎక్స్ప్రెషన్ తో అడిగితె నేను ఛాన్స్ ఇస్తామా" అంటూ బాబా భాస్కర్ అనేసరికి సంగీత నవ్వేసింది.