యాంకర్ రవి బిగ్ బాస్ మాజీ కంటెస్టెంట్. అయితే ఇప్పుడు వైల్డ్ కార్డు ద్వారా బిగ్ బాస్ హౌస్ లోకి ఎంట్రీ ఇస్తున్నాడనే వార్త నెట్టింట వైరల్ అవుతోంది. అందరు నిజమే అనుకున్నారు కానీ ఇప్పుడు వెళ్లడం లేదంటూ సోషల్ మీడియాలో ప్రచారం అవుతోంది.

బిగ్ బాస్ ఆట అంటే మామూలు విషయం కాదు. డబ్బులు వస్తాయని.. నేమ్ వస్తుందని ఫేమస్ అయిపోతాం అని ఆశపడి వెళ్తే.. వచ్చేవారికి వస్తుందేమో కానీ.. ఉన్నది కాస్తా ఊడిపోయే ప్రమాదం ఉంది. ఇక్కడ ఖచ్చితంగా చెప్పాల్సిన విషయం ఏంటంటే.. విన్నర్ అయ్యేది ఒక్కడే. కానీ.. వాడ్ని గెలిపించడానికి మిగిలిన 20 మంది జీవితాలతో ఆటాడేస్తాడు బిగ్ బాస్. ఇప్పుడు వైల్డ్ కార్డ్ ద్వారా వచ్చే కంటెస్టెంట్స్ తో బిగ్ బాస్ మరింత ఎంటర్‌టైన్మెంట్ ఇవ్వబోతుంది.

బిగ్ బాస్ సీజన్ 5 కంటెస్టెంట్స్‌గా వెళ్తున్నాడంటే.. అతనే విన్నర్ అవుతాడని అంతా అనుకున్నారు. కానీ.. అతనికి ఉన్న మంచి పేరుని బిగ్ బాస్ వాళ్లు తీసిపారేశారు. ముఖ్యంగా యాంకర్ లహరి ఇష్యూలో యాంకర్ రవిని పెద్ద విలన్‌గానే చూపించారు. పెళ్లైనా కూడా లహరి ఫేమ్ కోసం తన వెంటపడుతుందని.. వద్దని చెప్పినా వినడం లేదని రవి.. నటి ప్రియతో అనడం.. ప్రియ ఆ విషయాన్ని లహరితో చెప్పడం.. ఆ ఎపిసోడ్‌లో రవి ఇంత క్యారెక్టర్ లెస్ ఫెలోనా అన్నట్టుగా చూపించారు. కానీ బిగ్ బాస్ నుంచి బయటకు వచ్చిన తరువాత.. బిగ్ బాస్ ఎడిటింగ్‌ని తాను ఎలా బలి అయ్యాడో అనేక సందర్భాల్లో చెప్పుకొచ్చాడు యాంకర్ రవి. మరి ఇప్పుడు హౌస్ లోకి వైల్డ్ కార్డ్ ద్వారా ఎంట్రీ ఇస్తున్నాడని తెలుస్తుంది. కానీ చివరి నిమిషంలో రెమ్యునరేషన్ దగ్గర కుదరలేదని, ఇంకా అగ్రిమెంట్ ఓకే కాలేదని లాస్ట్ మినట్ వరకు తెలియదంటూ బిబి అప్డేడ్స్ ఇచ్చేవారు చెప్తున్నారు.