జబర్దస్త్ కామెడీ షో ద్వారా ఎంతో మంది పాపులర్ అయ్యారు. అసలు ఎలాంటి గుర్తింపు లేనివాళ్లు కూడా ఈ వేదిక మీదకు వచ్చి మంచి పాపులారిటీని సంపాదించుకున్నారు. ఈ షో ద్వారా సుధీర్, రష్మీ, ఆది, వర్ష, ఇమ్మానుయేల్.. ఇలా ఎంతో మంది ఫ్యాన్ ఫాలోయింగ్ కూడా తెచ్చుకున్నారు. ఇప్పుడు జబర్దస్త్ వేదిక మీద పెర్ఫార్మ్ చేసే కమెడియన్స్ అందరూ కూడా వేరే షోస్ కి వెళ్లి అక్కడ కూడా సందడి చేస్తున్నారు. ఆ క్ర‌మంలో శ్రీముఖి హోస్ట్ గా చేస్తున్న "జాతిరత్నాలు" స్టాండప్ కామెడీ షోకి వచ్చి ఎంటర్టైన్ చేసాడు ఇమ్మానుయేల్‌. ఈ షోకి సంబంధించిన ప్రోమో రిలీజ్ అయ్యింది.

ఈ ప్రోమోలో అందరూ ఎవరి స్కిట్స్ లో వాళ్ళు కామెడీని పండించారు. ఐతే ఈ షోలో ఆడియన్స్ నుంచి ఒక అమ్మాయి ఇమ్మూకు మ్యారేజ్ ప్రపోజల్ పెట్టింది. దీంతో అందరూ ఒక్కసారిగా షాక్ అయ్యారు. ఈ ప్రోమోలో అందరూ ఎవరి స్కిట్స్ తో వారు కామెడీ పండించినప్పటికీ, ఓ లేడీ ఫ్యాన్ ఇమ్మానుయేల్ కి మ్యారేజ్ ప్రపోజల్ పెట్టడం హైలైట్ గా నిలిచింది. "ఆకాశంలో వెళ్తుంది రాకెట్టు.. నీకోసం నా లైఫ్ ని పెడతాను తాకట్టు" అని ప్రపోజ్ చేసింది ఆ అమ్మాయి.

ఆమె మాటలు విన్న ఇమ్మానుయేల్ "పెళ్లి చేసుకుంటానంటే చెప్పు?" అని అడిగేసరికి ఆ అమ్మాయి సిగ్గుపడుతూనే, చేసుకుంటానని చెప్పి స్టేజి పైకి వచ్చింది. తర్వాత ఇమ్మూతో "నీకు పెళ్లి ఓకేనా?" అని శ్రీముఖి అడగడంతో ఆ ప్రోమో ఎండ్ ఐపోతోంది. ఐతే ప్రస్తుతం వర్ష లేకుండా వేరే అమ్మాయి ఇమ్ముకు ప్రపోజ్ చేసేసరికి ఈ వీడియో వైరల్ గా మారింది. ఒకవేళ వర్షకు ఈ విషయం తెలిస్తే ఎలా ఫీల్ అవుతుందో చూడాలి.