స్టార్ట్ మా టీవీలో ప్రసారమవుతున్న సీరియల్ 'ఇల్లు ఇల్లాలు పిల్లలు'(Illu illalu pillalu). ఈ సీరియల్ సోమవారం నాటి ఎపిసోడ్ -366 లో.....భాగ్యం ఆనందరావు దగ్గరికి శ్రీవల్లి వస్తుంది. శ్రీవల్లి టెన్షన్ పడుతూ అమూల్య, విశ్వ ఉన్న ఫొటోస్ చూపిస్తుంది. ఇవెందుకు ఎక్కడ నుండి వచ్చాయని భాగ్యం అడుగుతుంది. ఆ విశ్వగాడు ఈ ఫొటోస్ ఇచ్చి.. ఇవి పెళ్లి వాళ్ళకి చూపించి ఎంగేజ్ మెంట్ ఆపాలని చెప్పాడని శ్రీవల్లి చెప్పగానే భాగ్యం వాళ్ళు షాక్ అవుతారు.ఈ విషయం గానీ ఇంట్లో వాళ్ళకి తెలిస్తే ఇంకేమైనా ఉందా అని శ్రీవల్లి భయపడుతుంది.

దాంతో నువ్వేం టెన్షన్ పడకు.. ఈ పెళ్లి నేనే క్యాన్సిల్ చేపిస్తానని భాగ్యం అంటుంది. మరొకవైపు ప్రేమ ఒక పేపర్ పై D, p అని రాసి డోర్ కి పెడుతుంది. అది ధీరజ్ చూసి చింపేస్తాడు. మరొకవైపు రాత్రి విశ్వని శ్రీవల్లి తిడుతుంది. ఈ బండోడు నాతో అన్ని తప్పులు చేయిస్తున్నాడు.. ఇక ఏ తప్పు చెయ్యను.‌ ఇదొక్కటే లాస్ట్ అని శ్రీవల్లి అనుకుంటుంది. అప్పుడే ప్రేమ వస్తుంది. ఏంటి నీలో నువ్వే మాట్లాడుకుంటున్నావని శ్రీవల్లిని ప్రేమ అడుగగా.. ఏం లేదని శ్రీవల్లి టెన్షన్ పడుతుంది. అప్పుడే నర్మద వస్తుంది. నువ్వు ఇలా టెన్షన్ పడుతున్నావంటే నువ్వేదో తప్పు చేస్తున్నావని అర్థమవుతుందని నర్మద అంటుంది. ఇంట్లో శుభకార్యం జరుగుతుంది. నువ్వు దాన్ని చెడగొట్టాలని ట్రై చేస్తే ఊరుకోమని శ్రీవల్లికి నర్మద, ప్రేమ వార్నింగ్ ఇస్తారు.

అ తర్వాత ధీరజ్ పడుకున్నాక ప్రేమ తన టీ షర్ట్ పై DP అని రాసి ఒక లవ్ సింబల్ వేసి ధీరజ్, ప్రేమ అని రాస్తుంది. ధీరజ్ ప్రొద్దున లేచి ఫోన్ మాట్లాడుతుంటే.. సాగర్ చూసి బాగుంది రా నాక్కూడా అలాంటిది కావాలని అంటాడు కానీ ధీరజ్ కి ఏం అర్థం కాదు. చందు వచ్చి ఒరేయ్ నువ్వు సూపర్ రా అని అంటాడు. నర్మద చూసి సూపర్ అంటుంది. తిరుపతి చూస్తాడు. చివరగా శ్రీవల్లి చూసి మీ ఆవిడపై ఎంత ప్రేమ ఉంటే మాత్రం అలా టీ షర్ట్ పై రాసుకోవాలా అని అంటుంది. అందరు వచ్చి బాగుందని అంటారు. ఏంటని టీ షర్ట్ విప్పి చూసుకొని ధీరజ్ షాక్ అవుతాడు. ఇదంతా ఆ తింగరిదాని పని అని ధీరజ్ అనుకుంటాడు. అప్పుడే వేదవతి ఎంట్రీ ఇచ్చి పెళ్లి వాళ్ళు వస్తున్నారు. ఇంకా ఇలాగే ఉన్నారా అని అంటుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.